استفسار من خبراء الشروكى

[احمد فهمى]

السلام عليكم
انا محتاج معلومات عن الشيروكى الشكل المعدل اللى نزل من اخر 1997 الى 2001 وايه الفروقات بينهم ده طبعاً بالنسبه لل6 سلندر اوتوماتيك وهل كلهم فيهم مثبت سرعه ؟ رجاء معلومات وافيه للفروق انا لاحظت فى منهم كراسى كهربا وفى عادى والصيانات وقطع الغيار والاستيراد والعيوب الشائعه غير قصة البنزين لأن ده طبيعى دى عربيه 4100 سي سي وشكراً مقدماً

[احمد فهمى]

فين الناس 33 مشاهده ومحدش قال السلام عليكم حتى؟؟

[ALMAGICO]

اولا موضوع الفروق بينهم فى 6 سلندر مانيوال ودى بيسموها كانترى تقريبا وفى ال6 سلندر الاوتوماتيك ودى اللى هى ليميتد ودى الكاملة مثبت سرعة وكراسى كهرباء وانا كان معايا موديل 1998 2500 سى سى 4 سلندر وكانت سبورت ودى فقيرة فى الامكانيات
النص الاول من 1998 بيبقى من غير abs ومن غير اريال كهرباء
النص التانى فى abs
2001 ليميتد الجنوط اتغيرت اللى هى الجنوط المفحمة
2001 lx فيها سبزيلر خلفى وفتحات تهوية على الكابوت
ثانيا بالنسبة لقطع الغيار ال6سلندر قطع غيارها متوفرة اكتر من ال4 سلندر وارخص منها وهى موجودة فى شارع شامبليون او الحرفيين جديد واستيراد وعلى فكرة قطع الغيار الاصلية اسمها موبار ودى معمرة جدا جدا جدا
اهم حاجة حضرتك ان ايدك تكون فى العربية متستناش العطل لما يكبر اول باول كدة هتنسى العربية خالص
ثالثا حالة العربية اللى هتشتريها احنا قلنا نخلى بالنا من الكوارين اللى هى الكورونة ودى صورتها


يبقى نخلى بالنا من الكوارين سواء الخلفية او الامامية نخلى بالنا من الفتيسين وخلى بالك من السقف لان فى ناس بتهين العربية وبتبهدلها المهم ان حضرتك تكشف على العربية كويس فى اى مركز
وكان فى مركز صيانة متخصص العضو المحترم الاستاذ مينا كان بيشكر فية المركز دة فى الاوتوستراد فى صقر قريش اسمة جيبولى
لما نيجى نتكلم عن العيوب بغض النظر عن استهلاك البنزين
- العفشة ناشفة شوية لانها مصممة للطرق الوعرة
- الكنبة الخلفية ضيقة شوية
واهم حاجة وزى مقولت حذارى ان حضرتك تاخد عربية متبهدلة او فى شك فى اساسيتها عشان هتزعلك جامد
اسف على الاطالة
واى استفسار انا تحت امر حضرتك
والله اعلى واعلم فيما قلت

[احمد فهمى]

الف شكر يا باشا على الافاده بس عندى استفسار الشكل المعدل اللى هو ابتدى من اخر 1997 وكمل ل2001 بالنسبه لل6 سلندر اوتوماتيك انا شفت واحده 1997 فرش عادى ومش كراسى كهربا هل ده عادى؟؟ وهل كل ال1998 الاوتوماتيك فرش جلد وكراسى كهربا ؟؟ انا عايز اعرف مثبت السرعه والabs نزلو من اول سنة كام بالتحديد فى الشكل المعدل وشكراً للأهتمام
وده اعلان واحده مش فاهم ده سعر طبيعى
http://www........cars.com/usedcars_...?CarID=1131078

[ALMAGICO]

اولا اللينك مش شغال
بالنسبة لل abs موجود فى الشيروكى من اول النص التانى فى 1998
مثبت السرعة موجود فى ال6 سلندر الاوتوماتيك من 1998 وحتى الشكل القديم ال6 سلندر الاوتوماتيك كان فيها
الليمتيد ال6 سلندر الاوتوماتيك دى اللى هى الكاملة ودى تقريبا فرش جلد وكراسى كهرباء ومثبت سرعة و abs واريال كهرباء من النص التانى ل1998

[ALMAGICO]

اولا اللينك مش شغال
بالنسبة لل abs موجود فى الشيروكى من اول النص التانى فى 1998
مثبت السرعة موجود فى ال6 سلندر الاوتوماتيك من 1998 وحتى الشكل القديم ال6 سلندر الاوتوماتيك كان فيها
الليمتيد ال6 سلندر الاوتوماتيك دى اللى هى الكاملة ودى تقريبا فرش جلد وكراسى كهرباء ومثبت سرعة و abs واريال كهرباء من النص التانى ل1998

[احمد فهمى]

شكراً على الافاده يا باشا الله يكرمك ان شاء الله بعد ما اخلص شوية شغل ادور على واحده 1998 مع مراعاة كل اللى وضحتهولى واللينك ده فى كونتكت كارز دور فى الشروكى موديل 1997 6 سلندر معروضه ب61 الف الشكل المعدل