استفسار حول شيروكى 93 6 سلندر

[احمد فهمى]

السلام عليكم
انا بدور على عربيه عاليه بجانب سبارتى الاساسيه يعنى فى مشاوير بحتاج نقل خامات ونزول اراضى زراعيه ففكرت فى الشروكى بس محتاج حاجه بسعر منطقى اودامى واحده اوتوماتيك 6 سلندر موديل 93 ومفيهاش زجاج ولا سنتر كهربا ومطلوب فيها 53 الف وعامله 200 الف كيلو فعايز اعرف عيوب الموديل ده وهل ممكن يركبلها مثبت سرعه زى موديل 98 واكشف فين عليها ورجاء بعد الرد حد يبعتلى رقمو عشان محتاج استفسارات كتير ولكم الشكر

[tootey]

بص يا باشا اولا انت فكر الاول انت عاوزها 6سلندر ولا ال4 سلندر عشان استهلاك البنزين ثانيا اى عربيه جيب عاوز تشتريها خدها وانزل صقر قريش فى مراكز متخصصه فى الجيب هناك دول اللى يقدروا يحكموا على حاله العربيه كويس ونصيحه منى بلاش اى ميكانيكى غير الناس اللى فى صقر قريش لان مش اى حد بيشتغل وبيفهم فى الجيب بس اعتقد ان 53الف كتير شويه عليها (على فكره انا معايا موديل 93 بس 4سلندر)
وده كلام الناس هنا فى المنتدى فى موضوع الفرق مابين الاتنين
مميزات ال2500 سى سى انها موفرة فى البنزين مقارنة بال4000 سى سى اللى هى ال6 سلندر
متوسط الاستهلاك
ال4 سلندر جوة البلد 13.8 ليتر لكل 100 كم
طريق سريع 11.2 ليتر لكل 100 كم
ال6 سلندر جوة البلد 16.8 ليتر لكل 100 كم
طريق سريع 13.1 ليتر لكل 100 كم
بس قطع غيار ال6 سلندر متوفرة عن ال4 سلندر ودة مش معناة انها ال4 سلندر مش موجود كقطع غيار لا موجودة ومفيش قلق خالص بس الاكتر ال6 سلندر وارخص الى حد ما من ال4 سلندر بفارق مش كبير

[احمد فهمى]

شكرآ على ردك السريع وممكن تبعتلى رقمك محتاج استفسار منك على شوية حاجات بما ان العربيه معاك والفرق 3 لتر بينهم مش مشكله بالنسبالى ﻷن استخدامها مش هيكون اساسى وطبعآ انا عايزها اوتوماتيك وده فيها والزجاج والسنتر اعتقد سهل تركيبهم استيراد طيب انا عايز اعرف السعر المناسب كام هى راشه كلها و6 سلندر صالونها نضيف وفروش الابواب نضيف محتاجه فردتين كوتش والغرز مفصول وقاللى فى حاجه مفكزكه وتتركب ويشتغل وهتتكلف 400 جنيه ويسلمها شغاله مش فاكر قال ايه مش راكب والتكيف مش شغال واكيد هتحتاج تكيف وهو مغير مساعدين وبيض جداد صوت العربيه هادى ومفيش اى اهتزاز داخلى وانا دايس فرامل على ال d بس الحوض فى صدا وتقشير فى حتت كده بس طبعآ دى عربيه 92 مستحيل تكون افضل من كده فتقيمكم ايه؟؟ ويا ريت يا رجاله ارقام ملاك العربيه نتواصل ضرورى انا مش عايز اتورط والسعر شكلها ممكن تخلص 46

[tootey]

بص بصراحه كده انا على حسب كلامك شايف ان كتير عليها لان العربيه عاوزه شويه مصاريف بص برضه انزل اى مركز متخصص فى الجيب فى صقر قريش اكشف عليها اضمن قبل ما تشترى

[احمد فهمى]

هو فعﻵ انا بعد الحسابات شايف الرقم كبير وكمان هى رشه كلها وغالب الشيروكى الموديلات القديمه مش راشه اعتقد ادور اكيد هلاقى حالات افضل