استفسار طويل لمن لهم خبرة بالشيروكي.....

[Ahmad Major]

يا جماعة ان محدد ميزانية 150 الف لعربية 4*4
و محتار بين ليبرتي و او حراند شيروكي او ازود الميزانية شوية و اجيب شيروكي ليميتد 2008
مع العلم اني خبرتي كانت مع عربيات زيرو
ماليش اي خبرة فى المستعمل او 4*4
و سيفيك اللي معايا عقدتني من المطبات
لكن فى نقط مهمة
انا مهتم بالثبات و التحكم فى السرعات العالية لان دايما دايس
ميال للجراند بس شايف انها هتكون قديمة شوية و ممكن تكون التكنولوجيا بتاعتها اقل من ليمتيد 2008
مهتم بالراحة و الرفاهية لاني جربت ليميتد 2008 و لقيتها مش مريحة و كمان ليبرتي و الاتنين ضيقين
ولو جراند شيروكي ايه افضل موديل و سعره يكون فى المعقول
و هل التكنولوجيا بتاعتها قريبة من الليمتيد 2008 او الجراند الجديدة و لا في فرق كبير
و هل اداءها جبار و لا لا
و منين ممكن الاقي مستعمل حالته حلوة
و اكشف عليها فين
و لا ابعد عن الفئة دي خالص و اجيب عيون
معروض عليا واحدة فى نفس الرانج
د احمد
القاهرة....المقطم

[ahmed_eng2001]

اخى الكريم ....

حضرتك ذكرت جملة .... انك بتحب الجرى و مهتم بالثبات و التحكم ..... يبقى حضرتك تبعد عن عربيات الدفع الرباعى كلها
الثبات فيها سيئ جدا ...
انا انصح حضرتك بالعيون .... و لو لقيت 240 حالتها كويسة حتكون احسن من ال 200

بس العيون مش عالية اوى عن الارض

اما لو حضرتك بتفكر فى الدفع الرباعى .....
.
الشيروكى كله ضيق فى الكنبة الخلفية ... و كمان الليبرتى
الحراند عربية مختلفة عن الشيروكى ..... ادائها افضل و انعم ... و اكثر راحة و مفيهاش ضيق الكنبة الخلفية الى موجود فى الشيروكى

اعتقد السعر ده يجيبلك جراند موديل 2004 ( الكريستالة ) او اقل شوية ..... حسب الحالة

لو حضرتك حتقارن الجراند 2004 بالشيروكى 2008 ..... انا ارشح لحضرتك الجراند

ممكن حضرتك تسال شوية عن الجران تريوس .... او الجراند فيتارا فى حدود السعر الى معاك

و ربنا يوفقك

[Ahmad Major]

اخى الكريم ....

حضرتك ذكرت جملة .... انك بتحب الجرى و مهتم بالثبات و التحكم ..... يبقى حضرتك تبعد عن عربيات الدفع الرباعى كلها
الثبات فيها سيئ جدا ...
انا انصح حضرتك بالعيون .... و لو لقيت 240 حالتها كويسة حتكون احسن من ال 200

بس العيون مش عالية اوى عن الارض

اما لو حضرتك بتفكر فى الدفع الرباعى .....
.
الشيروكى كله ضيق فى الكنبة الخلفية ... و كمان الليبرتى
الحراند عربية مختلفة عن الشيروكى ..... ادائها افضل و انعم ... و اكثر راحة و مفيهاش ضيق الكنبة الخلفية الى موجود فى الشيروكى

اعتقد السعر ده يجيبلك جراند موديل 2004 ( الكريستالة ) او اقل شوية ..... حسب الحالة

لو حضرتك حتقارن الجراند 2004 بالشيروكى 2008 ..... انا ارشح لحضرتك الجراند

ممكن حضرتك تسال شوية عن الجران تريوس .... او الجراند فيتارا فى حدود السعر الى معاك

و ربنا يوفقك

شاكر جدا لردك اخي الكريم
.
.
انا فاهم جدا ان ثبات السيدان اعلى من الرباعي
لكن ليبرتي بتعوم جامد بعد ال 110
و الشيروكي 2008 ثابتة بصراحة بالمقارنه ب ليبرتي
لكن ما اعرفش وضع الجراند ايه
.
.
.
بالنسبة للجراند هل هناك فرق كبير بينها و بين شيروكي 2008 من ناحية التكنولوجي و التحكم فى الثبات و الامور دي
و اي موديل افضل لاريدو و لا ليميتد و لا اوفر لاند
و اي سنة افضل 2004 و لا 2000
و لو امكن افضل مكان اشتري منه و لو امكن اكشف عليها فين و هيتكلف كام
.
.
.
المرسيدس ركوبة طبعا بس بالسعر ده مش هالاقي غير 98 و بتناسب اكتر الناس اللي فوق ال 40
.
.
الحقيقي محتار لكن ميال للجراند
بتخلى اللى حواليك يكش منك على الطريق و تستحمل الطرق الزبالة اﻷى احنا فيها
.
.
.
اسف على الاطالة و شاكر جدا لرايك

[ahmed_eng2001]

لا شكر على واجب ... احنا كلنا بنحب نفيد و نستفيد من بعضنا ...

اعذرنى انا معنديش معلومات كتير عن الشيروكى 2008 ....فبالتالى مقدرش افيد حضرتك فى المقارنة بين الجراند و الشيروكى..... الى بقوله لحضرتك .... معلومات عن الجراند 2004 و هى احسن من الشيروكى 2004

..... فيه ناس كتير شغالة فى الجيب بس فى صقر قريش ... لو حد من الاعضاء يعرف حد فى صقر قريش يكون كتر خيره انه يدلك عليه ... علشان الفحص و الصيانة

افضل طرق للشراء ..... حضرتك تدور بنفسك ... اتفرج كتير ... تاخد خبرة اكتر و معرفة اكتر من النت و من الميكانيكية و من الاعلانات

لو حضرتك ميال للجراند ... استخير ربنا و اتكل على الله

بالمرة و حضرتك بتتفرج على الجراند ..... اتفرج كمان على اللاند كروزر موديلات التسعينات ... و اتفرج كمان على الجيمس برضو موديلات التسعينات .... حتستفيد و تاخد معلومات اكتر ....

ميزة الجراند الاساسية .... شكلها حلو .... و فيها اوبشنز

اللاند كروزر عربية افضل و حمالة اسية .... بس الاوبشنز فيها ضعيفة جدا

الجيمس عربية كويسة ... بس حجمها كبير شوية

المرسيدس عربية عاوزة طريقة ركوب مختلفة ...... يعنى مينفعش تركب العربية و انت مش متأنتك و على سنجة عشرة .... مينفعش تركن فى اى حته ..... مينفعش تدفع بقشيش زى بقية العربيات .... مينفعش العربية يكون فيها خدش خفيف و تسيبه .... مينفعش تخرج بالعربية و هى عليها تراب و مش نضيفة .... دى المرسيدس

ربنا يوفقك للى فيه الخير

[Ahmad Major]

شاكر ليك للمرة التانية
على النصح و التفاعل

[ahmed_eng2001]

يا باشا لا شكر على واجب للمرة الثانية :)
ربنا يقدرنا و نفيد حضرتك و يهديك للى فيه الصالح

[tootey]

بص حضرتك ممكن تفكر فى
اللاند كروزر
باجيرو
جيب رانجلر

لو حضرتك مصمم على الجيب الجراند احسن من الشيروكى او تسيب المستعمل كله وتجيب تويوتا كورولا زيرو

[Ahmad Major]

شاكر جدا لمرورك و نصحك اخي الكريم

[Mohamedarazak]

الليمتد مافيهاش ثبات اصلا

[Mohamedarazak]

لو عايز جرى ب 4*4 يبقى جراند أو باجيرو..... ( الفئة دى عموما) بس للعلم الثبات للعربيات السيدان هيبقى أحسن

[Ahmad Major]

شاكر لردك اخي الكريم
انا ميال للجراند
بس فى كلام على ان حساساتها كتير و بتعطل
ايه اخبار الرانجلر حديث او بي ام x3