سؤال عن اعادة بيع الشيروكي

[midoegypt]

السلام عليكم
انا عايز اشتري جيب شيروكي الشكل الجديد 2008
معايا المقدم والباقي تقسيط وسعرها 319 الف
بس انا بحب اغير العربية كل شويا وخايف
اشتريها واجي ابيعها بعد سنتين متتبعش واخسر فيها كتير
تنصحوني بي اية ؟؟ واعمل اية ؟؟

[Ahmed Samy]

العربية حضرتك هاتحجزها و تستلمها بعد ست شهور تقريبا

تمنها كاش 340 الف و تسليم فوري

فلو حبيت تبيعها بعد استلامها بكام شهر ممكن تبيعها زي ما اشتريتها

و ليها سوقها لأنها تعتبر رخيصة بين منافسينها هنا في مصر بسبب هبوط الدولار و التصنيع المحلي


توكل على الله

[midoegypt]

فين الردود والمساعدة يا جماعة

[bimmeraddict]

بص لوحبيت تبيعها بعد سنتين هتخسر أكتر من 30% لأن الفور باي فور مبيمسكش سعر في مصر
كمثال شيروكي 2006 تمنها مستعمل بحوالي150000 وكانت بتتباع زيرو في سنة الصنع بحوالي 250000
بص اشتري شيروكي مستعمل لو بتحبها أوي

[Adham]

سعر الشيروكي ال فور باي فوي نزل عامه بسبب ارتفاع الضرايب و ارتفاع سعر البنزين

ضريبتها ا لسنوية 6400 جنية

و سعر العربيات دي نزل و الطلب عليها تقريبا انعدم للسببين دول

و معروض كتير منها مستعمل للبيع و ماحدش بيشتري الا لو بسعر واقع جدا

فكر في البرادو الديزل احسن بكتير و المستقبل للعربيات الديزل لرخص الجاز

وياسلام لو معاك سجل تجاري اشتريها بدون جمارك و رخصها اوتوبيس خاص
تكلفك 220 الف تقريبا

[midoegypt]

مشكور يا ادهم
طيب لو اشتريت البرادو ورخصتها اتوبيس خاص
وحبيت بعد 4 سنين ابيعها
هيكون اية النظام ؟

لأن انا اعرف واحد صاحبي عندة سجل تجاري

[mahfouz1983]

سعر الشيروكي ال فور باي فوي نزل عامه بسبب ارتفاع الضرايب و ارتفاع سعر البنزين

ضريبتها ا لسنوية 6400 جنية

و سعر العربيات دي نزل و الطلب عليها تقريبا انعدم للسببين دول

و معروض كتير منها مستعمل للبيع و ماحدش بيشتري الا لو بسعر واقع جدا

فكر في البرادو الديزل احسن بكتير و المستقبل للعربيات الديزل لرخص الجاز

وياسلام لو معاك سجل تجاري اشتريها بدون جمارك و رخصها اوتوبيس خاص
تكلفك 220 الف تقريب


انا عاوز افهم الموضع بتاع الاتوبيس الخاص دا ممكن توضيح يا جماعه يعني اي حد عندو سجل تجاري يجبها من غير جمارك

[lol656]

اوعي تعمل كده حتخسر كتير حتي لو بعتها بعد شهر

[MAHERANIS]

يا ريت لو احد عندة فكرة عن ترخيص جراند شيروكى 2005 و4500ccولكم جزيل الشكر