عفشة رانجلر ٢٠١١

[Tamer allam]

السلام عليكم،،
الموضوع باختصار معايا رانجلر ٢٠١١ وزي ماتقول كده العربيه حاست انها خرجت مالضمان
،، سامع اصوات كتير وتزييق وصفافير فالعفشه،،
لو عاوز اظبطها او اغيرها او حتى اصلحها اروح لمين
اييييه العمل عشان صدعت !!

[Hussein_Ramdan]

بس ياباشا انا هقولك على حاجة انا عرفتها بعد ما صرفت فلوس كتير
انت معندكش مشكلة فى العفشة صوفت التهبيد والصفافير دى
من الهارد توب
خالى حد يربطلك الجزء الى ورة فى العربية وكمان الصواميل الى فى العربية كلها من قدام وورا وكمان من عند البربريز وفضى الشنطة متخليش فيها حاجة
اهم حاجة ربط الهرد توب كويس عشان دة الى بيعمل صفافير ودوشة ورة رهيبة

[ahmed_eng2001]

كلام موزون جدا
ربنا يباركلك فى عربيتك

سؤال فى السريع .....

هل تم بالفعل معالجة موضوع لوك الكبوت فى الموديلات الحديثة ؟؟
هل الاكصدامات الامامية مفيش تحتها تدعيم حديد ؟؟

[Hussein_Ramdan]

لوك الكابوت نزل من اول موديل 2011
والاكصدام كويس مش محتاج تدعيم عشان ولاة الاكصدمات حديد جامد جدااا

[Tamer allam]

بس ياباشا انا هقولك على حاجة انا عرفتها بعد ما صرفت فلوس كتير
انت معندكش مشكلة فى العفشة صوفت التهبيد والصفافير دى
من الهارد توب
خالى حد يربطلك الجزء الى ورة فى العربية وكمان الصواميل الى فى العربية كلها من قدام وورا وكمان من عند البربريز وفضى الشنطة متخليش فيها حاجة
اهم حاجة ربط الهرد توب كويس عشان دة الى بيعمل صفافير ودوشة ورة رهيبة

عندك حق يا معلم وجزاك الله خير

[stonecoldmido5]

مساء الخير علي حضراتكوا , معايا رانجلر 2013 وخايف افتح الهارت توب بتاع العربية حتي و لو الجزء الامامي بس لاني سمعت انه بيسرب ماء فهل الموضوع ده صحيح؟ لاني قريته في كتير من المنتديات الاجنبية

[Hussein_Ramdan]

بص ياباشا
حضرتك لو بصيت على المجرة بتاعيت الهرد توب سواء امامى او خلفى هتحس انها مجرة وجوة مجرة
ارجو انك تكون فهمنى يعنى عاشق ومعشوق بيخوشو جوة بعض فامن الصعب تسريب الماء
لكن بردو حضرتك طبعا مش هتفكو وتركبو كل يوم او كل شهر
هى مرة كل فترة الواحد بيروش بيها
ربنا يبارك ليك فيها

[stonecoldmido5]

بص ياباشا
حضرتك لو بصيت على المجرة بتاعيت الهرد توب سواء امامى او خلفى هتحس انها مجرة وجوة مجرة
ارجو انك تكون فهمنى يعنى عاشق ومعشوق بيخوشو جوة بعض فامن الصعب تسريب الماء
لكن بردو حضرتك طبعا مش هتفكو وتركبو كل يوم او كل شهر
هى مرة كل فترة الواحد بيروش بيها
ربنا يبارك ليك فيها

الف شكر لاهتمام حضرتك , و كلام حضرتك طبعا صع بس غالبا تسريب الميه بيبقي من فوق الازاز الامامي (البريبيز الامامي) و من الكاوتش فوق البابين الاماميين , بس عموما حضرتك سمعت عن اي شكوى من الموضوع ده؟ و اشكر حضرتك مرة تانية

[Hussein_Ramdan]

انا اخويا معاة 2012 بردو
ومفيش مشاكل خالص
تحت امرك فى اى حاجة

[Hazeeeeem]

سلام عليكم
هو ايه الهارد توب ده ؟
انا عايز اجيب رانجلر 2010 وخايف .. اول مره هركب جيب وناس مخوفاني منها !!
ايه رأيكوا جزاكم الله خير

[stonecoldmido5]

سلام عليكم
هو ايه الهارد توب ده ؟
انا عايز اجيب رانجلر 2010 وخايف .. اول مره هركب جيب وناس مخوفاني منها !!
ايه رأيكوا جزاكم الله خير

الهارد توب ده سقف العربية القابل للازالة و فيه السوفت توب بيبقي مشمع او جلد و ده طبعا مينفعش عندنا , و ايه اللي مخوف حضرتك منها بالضبط؟ و بصراحة عربية مينفعش تتقارن بأي حاجة تانية خصوصا في مصر

[Hazeeeeem]

الهارد توب ده سقف العربية القابل للازالة و فيه السوفت توب بيبقي مشمع او جلد و ده طبعا مينفعش عندنا , و ايه اللي مخوف حضرتك منها بالضبط؟ و بصراحة عربية مينفعش تتقارن بأي حاجة تانية خصوصا في مصر

سلام عليكم اولا
شاكر اهتمامك وردك ثانيا :)
وعشان كده اسمحلى بقى اصدعك شويه =d
بص يا باشا انا طول عمرى بركب سيدان (الطبيعى يعنى) وعربيتى الحاليه أوبل .. بس انا عندى مزرعة فى الجبل على طريق اسيوط الغربى + انى لما بتخنق من الزحمه بدخل فى اى مدق وبتبقى صعبانه عليا العربيه جدااا :(( وعشان كده فكرت فى الجيب ..
ناس خوفونى وناس شجعونى .. وناس قالولى هات ليبرتى .. سعرها مرتاح .. وناس قالتلى هات رانجلر .. فأنت رأيك ايه ؟ وايهما انسب ليا .. واخبار استهلاك البنزين والضريبه ؟
وبسمع برضو ان الليبرتى فيها مشاكل !!
واعتذر للاطاله
وشاكر ليك مره تانيه .. ووافر التحيه للزميل صاحب الموضوع

[stonecoldmido5]

سلام عليكم اولا
شاكر اهتمامك وردك ثانيا :)
وعشان كده اسمحلى بقى اصدعك شويه =d
بص يا باشا انا طول عمرى بركب سيدان (الطبيعى يعنى) وعربيتى الحاليه أوبل .. بس انا عندى مزرعة فى الجبل على طريق اسيوط الغربى + انى لما بتخنق من الزحمه بدخل فى اى مدق وبتبقى صعبانه عليا العربيه جدااا :(( وعشان كده فكرت فى الجيب ..
ناس خوفونى وناس شجعونى .. وناس قالولى هات ليبرتى .. سعرها مرتاح .. وناس قالتلى هات رانجلر .. فأنت رأيك ايه ؟ وايهما انسب ليا .. واخبار استهلاك البنزين والضريبه ؟
وبسمع برضو ان الليبرتى فيها مشاكل !!
واعتذر للاطاله
وشاكر ليك مره تانيه .. ووافر التحيه للزميل صاحب الموضوع

العفو يا فندم , ركوب السيدان حاجة و ركوب الدفع الرباعي حاجة تانية خالص ,و طبعا حضرتك عارف ان عفشة الدفع الرباعي (سواء الليبرتي او الرانجلر ) متعبة و خصوصا في الرانجلر بس قصاد ده بتدي حضرتك طمأنة كبيرة علي الطريق ( طبعا كله بيد اللة) و كلامي علي الرانجلر ان قطع غيارها معمرة و شبابية و استهلاكها اقل من الليبرتي بسبب الموتور الجديد بداية من 2012 Pentastar و ده مخلي العربية موفرة بشكل كبير عن الليبرتي طول ما حضرتك مبتقرصش علي دواسة البنزين بس طبعا في فرق كبير ما بين استهلاك السيدان و الدفع الرباعي .
انا كنت بحب الليبرتي بس بعد ما بسمعه عنها و عن مشكلة الثبات حتي بعد التعديل ( بعد الثبات الالكتروني لانه وظيفته الاساسية مع الفرامل) .
غير كده مش بحبز المستعمل القديم شوية من الجيب لا تكاليف صيانته عالية و لو فتحت مش بتوقف في صيانتها .
فأنا من رايي يا فندم ان حضرتك تجيب رانجلر بداية من 2012 عشان تعديل الموتور و الضريبة كانت حوالي 15 الف جنية في 3 سنين بس العربية كانت جديدة .
واي سؤال تحت امر حضرتك

[midnightman_74]

العفو يا فندم , ركوب السيدان حاجة و ركوب الدفع الرباعي حاجة تانية خالص ,و طبعا حضرتك عارف ان عفشة الدفع الرباعي (سواء الليبرتي او الرانجلر ) متعبة و خصوصا في الرانجلر بس قصاد ده بتدي حضرتك طمأنة كبيرة علي الطريق ( طبعا كله بيد اللة) و كلامي علي الرانجلر ان قطع غيارها معمرة و شبابية و استهلاكها اقل من الليبرتي بسبب الموتور الجديد بداية من 2012 pentastar و ده مخلي العربية موفرة بشكل كبير عن الليبرتي طول ما حضرتك مبتقرصش علي دواسة البنزين بس طبعا في فرق كبير ما بين استهلاك السيدان و الدفع الرباعي .
انا كنت بحب الليبرتي بس بعد ما بسمعه عنها و عن مشكلة الثبات حتي بعد التعديل ( بعد الثبات الالكتروني لانه وظيفته الاساسية مع الفرامل) .
غير كده مش بحبز المستعمل القديم شوية من الجيب لا تكاليف صيانته عالية و لو فتحت مش بتوقف في صيانتها .
فأنا من رايي يا فندم ان حضرتك تجيب رانجلر بداية من 2012 عشان تعديل الموتور و الضريبة كانت حوالي 15 الف جنية في 3 سنين بس العربية كانت جديدة .
واي سؤال تحت امر حضرتك

أخبار تكييف الرانجلر اية ؟؟

[stonecoldmido5]

أخبار تكييف الرانجلر اية ؟؟

التكييف فوق الممتاز وده اكيد بسبب حجم الموتور