لملاك الليبرتي اتحدث

[Hazeeeeem]

يعنى معنى كلامك يا باشا اننا نفكر فى موديل ابتداء من 2004 ؟
وهى بتستهلك بنزين ع الطوالى اكتر ؟؟ غريبه .. المفروض انها ع الطوالى استهلاكها اقل لكن جوه البلد تستهلك كتير

[FAR!D]

يعنى معنى كلامك يا باشا اننا نفكر فى موديل ابتداء من 2004 ؟
وهى بتستهلك بنزين ع الطوالى اكتر ؟؟ غريبه .. المفروض انها ع الطوالى استهلاكها اقل لكن جوه البلد تستهلك كتير

14 جوا البلد لكل 100 كم
11 على الطرق المفتوحه. لكل 100كم

[Hazeeeeem]

14 جوا البلد لكل 100 كم
11 على الطرق المفتوحه. لكل 100كم

يعنى تقريبا فى الصفيحه جوه البلد 160 كم بحد ادنى .!! ده يبقى ممتاااااااااااااااز جدا
طيب بالنسبه للضريبه بتبقى كام تقريبا ؟؟
تحيااااتى

[Dr.sheikh]

يعني لو عربيه مظبوطه على الشعره ممكن تعمل ١٦٠ بس المتوسط من ١٢٠-١٤٠ وبعدين انا كان معايا ليبرتي ٢٠٠٣ ٦شهور يعني كلامي مش من منطلق الكوري زي ما احد الاعضاء بيقول ومعايا حاليا شيروكي ٢٠٠١ المهم ان الليبرتي استهلاكيه اكتر شويه

[جوزيف]

انا معايا ليبرتى 2004 فابريكة بالكامل السيارة فوق الممتازة الموتور الكبير الكاملة استهلاكها مش عالى زى ما الناس متخيلة بس اكيد اكتر من اى عربية لانها 210 حصان وعزم 300 المهم العربية دى جريت بيها 140 مع كاوتش جوود يير المانى منفوخ نيتروجين بامانة محترمة جدا مع العلم انا كنت راكب قبلها جولف فور 2000 سى سى وطبعا عارفين يعنى اية جولف فور اسطورة الثبات فاكيد حكمى على اليبرتى هيكون مختلف عن اى شخص السيارة عموما مش شايف فيها مشاكل تقريبا المهم اللى بيشترى يجيب حالة كويسة وربنا يوفق الجميع وانا تحت امر اى حد فى اى استفسار

[جوزيف]

الاستاذ فريد بالنسبى للطارة المالتى موجودة من 2002 ال 2007 بالنسبة لليبرتى بس فى الموتور الكبير الاوتوماتك المانيوال مافيهاش نثبيت سرعة وزيادة سرعة وتهدئة وبرمجة كذا سرعة والرجوع ليها كلة من الطارة العضو المحترم اللى بيسال عن استهلاك البنزين هنقول العربية مظبوطة بنزين كويس بوجيهات تمام كاوتش منفوخ كويس ونضيف فلتر بنزين تمام يكون جوة البلد 14 لتر لل 100 كم او اكتر ما تنساش الاشارات والتسخين على الطريق الطوالى حوالى 11 او 10 تقرسيا لان اللى بيركب العربية دى فيها حاجة غريبة لو مالكى السيارة دى عندة قوة ملاحظة على سرهة 80 كم الار بى م بينزل ل 1 واتنين من عشرة تلاقى السرعة بتزيد والار بى ام بينزل لو انتة على 120 كم اى عربية هتلاقى الار بى ام على 3.5 او اكتر اليبرتى لاء هتلاقية على 2.1 ودة طبعا تقنية فى الموتور بيخلى دورات المحرك اقل فى السرعات العالية ودة بيقلل البنزين وبيخلى حرارة العربية اقل ودة بيدى عمر افتراضى اعلى للمحرك ويارب اكون افدت اخواتى اللى هنا من ملاك الوحش جيب

[جوزيف]

اللى بيسال على ثبات السيارة او انها بتقلب هكلمك بصراحة مفيش عربية فى الدنيا مش بتقلب حتى اعلى العربيات فى الثبات لانك من الاخر ماشى على هوا الجيب اليبرتى وزنها تقريبا 2 طن واعتقد انها ممكن تلف لو اختل التوازن مش تقلب وبعدين نتكلم بالعقل هوة على الشماسة راسم رسمة وتحذير فى الملفات يعنى مش همشى 160 واخد ملف لو هيونداى مثلا اى نوع هجيبها من الطريق المخالف هههههههه على العموم الفور باى فور واى عربية عالية لازم حذر فى الملفات انا جربت لغايت 140 معايا تمام بعربيتى القديمة جولف فور 2000 سى سى كاوتش 235 / 17 /55 كنت باخد اى ملف اى كان وباى سرعة بس العربية فيها موتور استجابتة فوق الرائعة وبتدخل بالعربية اى طريق مهما كان انا من كام يوم كنت زهقان اخدتها وروحت الكورنيش اللى على البحر عندنا وكنت عاوز ادخل على الرمل طلعت على السلالم بيها بعد تشغيل فتيس الغرز ونزلت السلم من الناحية التانية وشغلت الفول تايم بتاع 4* 4 وخمست شوية على رملة البحر ورجعت تانى بجد يا جماعة اداء متكيز اوى الرمل بتاعة زى الاسفلت وبالنسبة للعفشة استهلاكها مش عالى زى ما بتقولوا اللى بيبوظ فيها جلب المقص اللى ورا اللى بسمواة مقص طيارة ودة من المشى الكتير فى الزحمة وعزم الموتور الشديد الاجلبتين الاصلى ب 400 جنية لو مخرطة ب 250 لو مقص كامل شونة ب 750 والكلام دة كل كام سنة وانتة هارس العربية تحت رجلك ومش بترحمها وربنا يوفق الجميع

[FAR!D]

تشكر يا جو بس عايز رأيك بالنسبه لا ستهلاك البنزين ايه رأيك فيه ؟

[جوزيف]

بعد صباح الخير على الكل هتكلم تانى عن استهلاك البنزين فى الليبرتى موتور v6 3.7 l hp 211 طبعا منطقى انها هتكون اعلى من اى عربية تانية قدرة حصانية عالية وسعة لترية بردة عالية يعنى من الاخر انتة اخد امكانيات وقوة محرك مينفعش بعد كدة اقول بتاكل بنزين ولا لاء يعنى لما تكون طالع بالعربية دى سلم وصوت الموتور حتى ما يعلاش تفتكر يكون لية احنا عارفين ان المواتير الجديدة 1.6 بتستهل 7 ليتر فى 100 كم واكتر الجيب الليبرتى جوة البلد اشارات وزحمة وتسخين حوالى 14 لتر لكل 100 كم وممكن اكتر شوية حسب مشيك بيها وعلى الطريق فى السفر 10 لتر او 11 تقريبا لكل 100 كم وطبعا التكييف لما بيشتغل لا تاثير لة نهائيا على قدرة العربية واى خدمة وانا تحت امر اى حد فى حدود معلوماتى

[FAR!D]

شكرا يا جورج بس معلش انا بسألك لاني دايما على طريق سفر فا بتأكد منك بس و موضوع استهلاكها مخوفي شويه لاني سفري سكته طويله
هوا العربيه ديه ممكن تركبها ب 100 لحد 105 موديل كام؟ والحاله ايه؟ و امكانياتها ايه؟
اخر حاجه انسب موديل ليها سنه كما بالظبط عشان سمعت ان موديل 2002 كان فيه مشاكل

[Hazeeeeem]

متابع باهتمام
وشاكر جميع الاخوة ع الافاده
دمتم بامان

[احمد فهمى]

مع احترامى للجميع ال6 سلندر بتعمل داخل البلد فى حدود 20 لتر لل100 كيلو ممكن تنقص او تزيد لتر مثلاً وبره البلد فى حدود 130 ل 140 كيلو فى الصفيحه وده عن تجربه وفى منها موديل 2800 سي سي اوتوماتيك اللى فى 4 فوانيس فى السقف بس ده قليل شويه استهلاكو ممكن يفرق 2 لتر كانت معايا فتره نصيحه لو البنزين فارق معاك ومشاويرك كتير بلاش او ركب غاز..

[Hazeeeeem]

مع احترامى للجميع ال6 سلندر بتعمل داخل البلد فى حدود 20 لتر لل100 كيلو ممكن تنقص او تزيد لتر مثلاً وبره البلد فى حدود 130 ل 140 كيلو فى الصفيحه وده عن تجربه وفى منها موديل 2800 سي سي اوتوماتيك اللى فى 4 فوانيس فى السقف بس ده قليل شويه استهلاكو ممكن يفرق 2 لتر كانت معايا فتره نصيحه لو البنزين فارق معاك ومشاويرك كتير بلاش او ركب غاز..

والغاز يشتغل معاها عادى .. بلا مشاكل ؟
تحياتى

[samyamar]

بجد موضوع ممتاز و آراء الاعضاء و خبراتهم اكتر من ممتازه ... وبجد افادتنى كتير لانى بفكر اشترى ليبرتى

وفعلا استفدت جدا ....... و قررت اشتريها ان شاء الله .

[Hazeeeeem]

بجد موضوع ممتاز و آراء الاعضاء و خبراتهم اكتر من ممتازه ... وبجد افادتنى كتير لانى بفكر اشترى ليبرتى

وفعلا استفدت جدا ....... و قررت اشتريها ان شاء الله .

اتوكل علي الله .. هي عربيه ممتازه
وابقي قولنا رأيك لما تجيبها
بالتوفيق :)