الحمد لله بقيت شيروكاوي اصلي

[Dr.sheikh]

انا اشتريت الحمدلله جيب شيروكي ٢٠٠١ وربنا يبارك فيها ويكفيني شرها المهم انه انا مبسوط بيها جدا برغم انها ناشفه شويه كتير وضيقه بس مش مشكله كله يهون ،فيها صوت تزييق في التابلوه وتقريبا الباب الي ورا فممكن عايزه سروجي كويس وعايز كمان مركز صيانه كويس اتعامل معاه ....وشكرا للمرور

[abou-yahia]

رزقك الله خيرها وابعد عنك شرها

حضرتك ممكن تفاصيل

وبالنشبه للتزييق ممكن ترش شحم اسبراي علي المفصلات

[ahmedalaahosny]

الف مبروووك ياباشا ربنا يباركلك فيها ويكفيك شرها وشر طريقك ياريت لو تقرير صغير كده عن اسعار قطع الغيار زي التيول والسيور والفلاتر ومعدل استهلاك البنزين وياسلام لو مافيهاش غتاته لو كام صوره صراحة

[Dr.sheikh]

حاضر والله قريب جدا هيبقى فيه تقرير هيعجبكم جدا لان العربيه بصراحه جميله اوي

[Hazeeeeem]

ربنا يباركلك فيها ويستر طريقك
تحياتى

[J A G U A R]

الف مبروك وربنا يحفظهالك

[Kaizer]

الف مبروك، ربنا يبارك لك فيها و يكفيك شرها.

[ghaith_peogeut]

مبروك

[Dr.sheikh]

والله العربيه من يوم ماجيبتها وانا بحاول اقرأ واستفسر عنها هي زي ماقولت قبل كده اهم حاجه اهم حاجه في العربيات دي الكارونه والفتيس لان العربيات دي مغريه وبتجري زي الوحش وصاحبها لانها عفيه بيتعافى عليها اكتر ويهملها تقوم المكنه تبدأ مستواها يقل وطبعا زيت الفتيس بيتغير كل ١٠٠٠٠ -١٥٠٠٠ كم محدش بيغيره عشان كده تلاقي كل الناس مغيره فتيس وكارونه وانا كنت سالت على اني ممكن اشيل ورقه من السوست عشان العربيه تنعم شويه فقالولي ممكن انا هعملها واقولكم نعمت او ارتاحت ولا لأ وبعدين انا حليت الكردان بتاع فتيس الغرز لان مش محتاج ان امشي 4*4 وكمان العربيه بتكون تقيله وهو راكب لما بتحله بتخف العربيه والسحب بيزيد العربيه ممكن تعمل من ١٢٠-١٤٠ كم في الصفيحه على حسب المشي والشد والتكييف والعوامل الاخرى المؤثره برده العربيه بتغيب معايا في الدواره شويه بتدور من تاني مره تكييفها كويس بس بيسقع بعد مثلا ١٠ دقايق بيتهيالي ان الامريكاني كله كده معرفش بس مش بيأثر على السحب نهاءيا العربيات دي بيبقى فيها سنه بوش في الدريكسيون عشان التحكم ومتتقلبش فممكن الناس تقولك انها بتعوم لاخالص العربيه مبتعومش بس بوش الدريكسون ده ممكن يديلك احساس التعويم على السرعه بس كل ماتج ي كل ماتتحمل بأه المطبات والعربيه عفشتعا مجدده بالكامل وصرفت بتاع ٤٠٠٠-٥٠٠٠ الاف جنيه اسف للاطاله

[S O P H O S]

الف مبروك يا باشا

[احمد فهمى]

مبروك وعربيه فعلا تستاهل الاقتناء

[Kaizer]

والله العربيه من يوم ماجيبتها وانا بحاول اقرأ واستفسر عنها هي زي ماقولت قبل كده اهم حاجه اهم حاجه في العربيات دي الكارونه والفتيس لان العربيات دي مغريه وبتجري زي الوحش وصاحبها لانها عفيه بيتعافى عليها اكتر ويهملها تقوم المكنه تبدأ مستواها يقل وطبعا زيت الفتيس بيتغير كل ١٠٠٠٠ -١٥٠٠٠ كم محدش بيغيره عشان كده تلاقي كل الناس مغيره فتيس وكارونه وانا كنت سالت على اني ممكن اشيل ورقه من السوست عشان العربيه تنعم شويه فقالولي ممكن انا هعملها واقولكم نعمت او ارتاحت ولا لأ وبعدين انا حليت الكردان بتاع فتيس الغرز لان مش محتاج ان امشي 4*4 وكمان العربيه بتكون تقيله وهو راكب لما بتحله بتخف العربيه والسحب بيزيد العربيه ممكن تعمل من ١٢٠-١٤٠ كم في الصفيحه على حسب المشي والشد والتكييف والعوامل الاخرى المؤثره برده العربيه بتغيب معايا في الدواره شويه بتدور من تاني مره تكييفها كويس بس بيسقع بعد مثلا ١٠ دقايق بيتهيالي ان الامريكاني كله كده معرفش بس مش بيأثر على السحب نهاءيا العربيات دي بيبقى فيها سنه بوش في الدريكسيون عشان التحكم ومتتقلبش فممكن الناس تقولك انها بتعوم لاخالص العربيه مبتعومش بس بوش الدريكسون ده ممكن يديلك احساس التعويم على السرعه بس كل ماتج ي كل ماتتحمل بأه المطبات والعربيه عفشتعا مجدده بالكامل وصرفت بتاع ٤٠٠٠-٥٠٠٠ الاف جنيه اسف للاطاله

ياريت تقول لنا المصاريف اللي اتصرفت كانت على ايه و فين

[megodahab]

ربنا يديك خيرها ويكفيك شرها الشيروكي فعلا عربيه محترمه وقطع غيارها مش غاليه وميزتها انك بتغير القطعه وتنساها بالنسبه لعيوب الشيروكي استهلاك بنزين عالي وناشفه ومن ورا السواق ضيقه واهم عيوبها الحراره لكن مجملا الشيروكي من 98 الي 2001 عربيه محترمه