معلومات عن جيب رنجلر 2015

[Hussein_Ramdan]

بصو ياشباب عشان خاطر الناس الى بتسئل على الرنجلر 2015
ونا فى التوكيل فاضى قولت انزل الصاله اسئل على رنجلر 2015 عشان حبيبى الى هنا الى بيسئلو عليها
المهم
مفيش 2015 نزلت
المهم انا هاحول انقل الكلام
انا : سلام عليكم عندكو رنجلر 2015
الموظف : لا
انا : طيب عندكو 2014
الموظف : لا
انا : طيب عندكو اية هههههههههههههههه
الموظف : ضحك قالى 2014 بالحجز من اسبوعين الى شهر
انا : ازاى شهر احنا فاضل شهر ونص ونخوش 2015
الموظف : منا عارف ( انا مش فاهم يعنى اية منا عارف المهم مركزتش معاه )
انا : بكام 2014
الموظف : 338
طبعا السعر فى الشهر الى قبل الى فات كان ب 328
مش عارف اترفع 10 مره واحده
انا بئا هقولو الى فهمتو من الموظف كدة بالحب
2015 هتتكلم فى 350 الف
بنسبه للناس الى حاجزه عادى ممكن تحجز لكن مش بيدى لا سعر ولاة ميعاد كل الفكره ان الى حاجز بيبقا لى اولاويه فى التسليم
المهم بنسبه لموضوع انا كنت قولتو ان 2015 هتنزل غاليه عشان لون واحد
لا هى لونين وموضوع الون واحد دة اختيارى بكام بئا 12 الف فوق تمن العربيه
العربيه ياشباب عليها طلب جنونى من الجيش والشعب والشرطه ههههههههههههههه
ومفيش اى تغير حتى لو مسمار فى 2015 عن 2012
ودى بعض الصور الى خدها هناك لعربيه لون واحد
اى استفتسار انا تحت امركم





دى الجراند شروكى

[Hussein_Ramdan]

دى بئا مالناش دعوة بيها
دى الشيروكى ب 850

[احمد فهمى]

عجائب والله

[Hosam_Optrawy]

350 ؟ هي غليت كدا ليه

انا أصلا بصراحه مبحبهاش ولا عمرى فكرت فيها ، بس هو سعرها كدا عادى يعنى تستاهل سعرها ؟

وايه مميزاتها عن غيرها من العربيات في نفس السعر

[stonecoldmido5]

350 ؟ هي غليت كدا ليه

انا أصلا بصراحه مبحبهاش ولا عمرى فكرت فيها ، بس هو سعرها كدا عادى يعنى تستاهل سعرها ؟

وايه مميزاتها عن غيرها من العربيات في نفس السعر

كفاية يافندم انها من اقوى العربيات في مصر من نظام التعليق و موتور بالنسبة للكماليات فقيرة شوية بس من ناحية القوة الاعتمادية فهي تستحق السعر ده كفاية ان حضرتك سايق في مصر مش خايف من حاجة سواء من عربيات او من طريق

[Hosam_Optrawy]

كفاية يافندم انها من اقوى العربيات في مصر من نظام التعليق و موتور بالنسبة للكماليات فقيرة شوية بس من ناحية القوة الاعتمادية فهي تستحق السعر ده كفاية ان حضرتك سايق في مصر مش خايف من حاجة سواء من عربيات او من طريق

لو كدا يبقى اللى عايز يجيب مستعمل سنه ولا إتنين يكون سعرها نزل شويه لأن بصراحه سعرها كدا أوفر أوى

طبعا ان الواحد يمشى مش خايف من حاجه دى أكبر نعمه في شوارع مصر :) بس مش ب 350 الف

لأنى قريت كمان انها في السفر مش حلوه من حيث العزل والثبات ، وتقفيلها مش اوى ، دا غير الضريبه وإستهلاك البنزين ، وفقر الكماليات اللى حضرتك قولته

ربنا يبارك لك فيها

[stonecoldmido5]

طيب حضرتك خليك معايا ب 350 الف ممكن تجيب حضرتك ايه غير الفورشنر في نفس الفئة ؟ و لو في فئة السيدن اظن المرسيديس فئة c مثلا بقت اغلي من كدة و بقت قطع غيارها استهلاكية و لو ميكروباص ريح علي العربية كده بالسلانة غير في السفر ان ممكن حضرتك تاخد مطب او نقرة و ده حصل لواحد صاحبي جاب مساعد و غيره بتلاث الاف جنية و غير المطبات اللي لازم يتحك فيها الشكمان , انا بحسبها من وجهة النظر دي

[Hosam_Optrawy]

طيب حضرتك خليك معايا ب 350 الف ممكن تجيب حضرتك ايه غير الفورشنر في نفس الفئة ؟ و لو في فئة السيدن اظن المرسيديس فئة c مثلا بقت اغلي من كدة و بقت قطع غيارها استهلاكية و لو ميكروباص ريح علي العربية كده بالسلانة غير في السفر ان ممكن حضرتك تاخد مطب او نقرة و ده حصل لواحد صاحبي جاب مساعد و غيره بتلاث الاف جنية و غير المطبات اللي لازم يتحك فيها الشكمان , انا بحسبها من وجهة النظر دي

أصلا الفورشنر دى مابعتبرهاش عربيه

فى الفئه دى هايبقى فى رأيين

الأول هو الرانجلر للمميزات اللى حضرتك قولتها

الرأي التانى هايكون X3 و GLK مستعمل ، أو X1 و Q3 زيرو ، عربيات ممتعه فى سواقتها وفيها مميزات كتير ، بس عيوبها هاتبقى خايف عليها ومصاريفها مش رخيصه

[midnightman_74]

أصلا الفورشنر دى مابعتبرهاش عربيه

فى الفئه دى هايبقى فى رأيين

الأول هو الرانجلر للمميزات اللى حضرتك قولتها

الرأي التانى هايكون x3 و glk مستعمل ، أو x1 و q3 زيرو ، عربيات ممتعه فى سواقتها وفيها مميزات كتير ، بس عيوبها هاتبقى خايف عليها ومصاريفها مش رخيصه

أية عيوب الفورنتشر من وجهة نظرك ؟

[monamize4]

دى بئا مالناش دعوة بيها
دى الشيروكى ب 850

ضمان 6 سنين \ 200 ألف كيلو !!!!!!

دا للشيروكى بس و لا لكل الموديلات ?

[haithamelhagar]

العزل اتحسن.... وايه اخبا ر العفشة.. هل فعلا مش مريحة وبتتعب الظهر ولا ده كان ف موديلات قديمة

[Hosam_Optrawy]

أية عيوب الفورنتشر من وجهة نظرك ؟

انا ماسوقتهاش ولكن

عربيه ماتستاهلش تمنها تماما

فقيره جدا من الداخل والخارج ، هي في الأصل مبنيه على عربيه Pickup اللى هي ال Hilux

مواتير بحجم كبير مطلعه هورس باور قليل وأداء ضعيف

فتيس 4 و 5 سرعات

العربيه في الأصل تقفيل تيلاندى وإندونيسى وعندنا مصري ـ مابتتباعش في اليابان ولا أمريكا ولا أوروبا