إعـــــــلان

Collapse

.

,
See more
See less

حاجه مرعبه حصلت معايا ، الدريكسيون لف يمين 180 درجه بعنف فجأة

Collapse
X
 
  • Filter
  • الوقت
  • Show
Clear All
new posts

  • حاجه مرعبه حصلت معايا ، الدريكسيون لف يمين 180 درجه بعنف فجأة

    السلام عليكم و رحمة الله و بركاته

    يا جماعه، انا اللي حصل معايا مش مصدقه لغاية داوقتي،

    كنت مروح البيت، و انا راجع بعد نزلة كوبري و سرعتي لا تتجاوز 60 بأي حال من الاحوال، لقيت الدريكسيون لف يمين 180 درجه بعنف، و رجع تاني و خد نفس اللفه دي بنفس الدرجه من العنف، و طبعا العربيه حدفت اقصي اليمين و بعدين اقصي اليسار و انا مذهول لانها كلها لحظه، كلبشت ايدي الاتنين ف الطاره عشان اسيطر عليها، و للاسف وقفت ع الفرامل مش مكنتش مستوعب الموقف و لا عندي فرده طارت و لا حاجه،

    طبعا لما فرملت العربيه خمست و بقي وشي في وش اللي ورايا

    طبعا الحمد لله مكانش حد قريب مني او جنبي في الوقت دا،

    ركنت علي جنب و نزلت من العربيه و فتحت الكبوت و بصيت علي الكاوتشات و بصيت تحت العربيه، مالقيتش اي حاجه ملفته للانتباه

    طبعا كملت الطريق مرعوب و بفكر ف اللي حصل
    و العربيه كانت طبيعيه تماما بعد كدا

    بس خايف و مش عارف ممكن يكون السبب ايه،

    اكشف علي ايه و لا اعمل ايه مش عارف

    انا لغاية دلوقتي مش مصدق اللي حصل.


    تم تعديل العنوان ليتناسب مع المحتوى
    م ب 3

  • #2
    حاجه غريبه
    احتمال زيت على الارض

    Comment


    • #3
      إحتمال كبير فعلا الأرض كان عليها حاجه ..حتى لو كانت بقعة زيت كبيره شويه ممكن تعمل كده
      [SIGPIC][/SIGPIC]--------

      m_m_sh_a سابقا

      Comment


      • #4
        كوبري اية اللي كنت علية ..لو كوبري القبة اتجاة الزاوية فبة مطبات في الفواصل يمين وشمال ممكن خبطة فيهم نلف الدريكسيون بعنف وتعمل كل ما وصفت ..حصل امامي سيدة ببيجو3008ضرب عندها بيض المقص من مطب من دول ووقف الكوبري لغاية ما جه ونش المرور

        Comment


        • #5
          حمدلله على سلامتك أولاً :
          ممكن يكون فيه فعلاً زيت فى الأرض زى ما الإخوة قالوا .... بس برضه علشان تطمن فيه أسباب تانية ممكن تحطها فى الإعتبار:
          - فيه ٢ upper ball joint وفيه ٢ lower ball joints فى العربية من قدام ( زى البيضات بتاعة الدركسيون) دول تكشف عليهم .
          - ممكن يكون مفتاح الكونتاكت فصل لحظياً وده بيسبب انعدام الباورستيرنج تماماً ويؤدى إلى فقد التحكم فى العربية وكمان يخلى العربية تفرمل بصعوبة لإن برضه السيرفو بيتوقف ويخليك فعلاً تقف على الفرامل علشان العربية تقف .... إكشف على وصلات الكونتاكت كمان .
          amadios سابقا

          Comment


          • #6
            المشاركة الأصلية كتبت بواسطة hany63;387582907[size="5"
            1]حاجه غريبه
            احتمال زيت على الارض
            انا قلت جايز يكون زيت فعلا

            الجو كان لسه بادئ يشتي، مفيش دقايق [/size]

            Comment


            • #7
              المشاركة الأصلية كتبت بواسطة kaza مشاهدة المشاركة
              كوبري اية اللي كنت علية ..لو كوبري القبة اتجاة الزاوية فبة مطبات في الفواصل يمين وشمال ممكن خبطة فيهم نلف الدريكسيون بعنف وتعمل كل ما وصفت ..حصل امامي سيدة ببيجو3008ضرب عندها بيض المقص من مطب من دول ووقف الكوبري لغاية ما جه ونش المرور

              لا للاسف، انا كنت فى الزقازيق، بعد الكوبري بحوالى ٢٠٠ متر

              Comment


              • #8
                المشاركة الأصلية كتبت بواسطة amadios مشاهدة المشاركة
                حمدلله على سلامتك أولاً :
                ممكن يكون فيه فعلاً زيت فى الأرض زى ما الإخوة قالوا .... بس برضه علشان تطمن فيه أسباب تانية ممكن تحطها فى الإعتبار:
                - فيه ٢ upper ball joint وفيه ٢ lower ball joints فى العربية من قدام ( زى البيضات بتاعة الدركسيون) دول تكشف عليهم .
                - ممكن يكون مفتاح الكونتاكت فصل لحظياً وده بيسبب انعدام الباورستيرنج تماماً ويؤدى إلى فقد التحكم فى العربية وكمان يخلى العربية تفرمل بصعوبة لإن برضه السيرفو بيتوقف ويخليك فعلاً تقف على الفرامل علشان العربية تقف .... إكشف على وصلات الكونتاكت كمان .
                شكرا يا باشا على النصيحه، بس دول اللى يشوفهم عفشجى و كهربائي يعنى؟

                و لا توكيل؟

                ما اعرفش برضو دي ممكن تكون الظاهرة المشهورة Hydroplane بس الارض ما كانتش مبلوله تقريبا لان المطر كان لسه بادئ مفيش دقايق و مطر خفيف.

                Comment


                • #9
                  أحتمال كبير زيت على الارض او ان كاوتشات الميزان دابت بس طبعاً ده هتلاحظه حتى فى المشى الطوالى
                  [SIZE="5"]لا اله إلا الله محمدُ رسول الله[/SIZE]

                  Comment


                  • #10
                    حمدا لله على سلامتك

                    انا مش ضليع فى الميكانيكا لكن حسيت باللحظات المرعبة اللى مريت انت بيها خمد لله على السلامة و اقترح توديها التوكيل يكشفوا عليها لو مفيش اى شئ غير طبيعى يبقى نرجح موضوع بقعة الزيت يعنى التشخيص بالاستبعاد وده لما نكون مش عرفين تشخيص المرض diagnosis by exclusion

                    Comment


                    • #11
                      المشاركة الأصلية كتبت بواسطة amr011111 مشاهدة المشاركة
                      أحتمال كبير زيت على الارض او ان كاوتشات الميزان دابت بس طبعاً ده هتلاحظه حتى فى المشى الطوالى
                      معلشى يا ريس، يعنى ايه كاوتشات الميزان دي

                      Comment


                      • #12
                        المشاركة الأصلية كتبت بواسطة ali ashraf مشاهدة المشاركة
                        انا مش ضليع فى الميكانيكا لكن حسيت باللحظات المرعبة اللى مريت انت بيها خمد لله على السلامة و اقترح توديها التوكيل يكشفوا عليها لو مفيش اى شئ غير طبيعى يبقى نرجح موضوع بقعة الزيت يعنى التشخيص بالاستبعاد وده لما نكون مش عرفين تشخيص المرض diagnosis by exclusion
                        ما انا بالفعل قررت اعمل كدا، لكن هستني يوم كدا يكون مشمس و مفيش مطر

                        ربنا يستر علينا حميعا.

                        Comment


                        • #13
                          المشاركة الأصلية كتبت بواسطة a7med87 مشاهدة المشاركة


                          شكرا يا باشا على النصيحه، بس دول اللى يشوفهم عفشجى و كهربائي يعنى؟

                          و لا توكيل؟

                          ما اعرفش برضو دي ممكن تكون الظاهرة المشهورة hydroplane بس الارض ما كانتش مبلوله تقريبا لان المطر كان لسه بادئ مفيش دقايق و مطر خفيف.

                          العفشة تشوفها عند واحد عفشجى كويس بس الكونتاكت انصحك بالتوكيل لأن كهربة العربيات دى مش بتاعة فتاوى ولو لقيت حاجة بايظة فى البيضات يبقى تشتريها من التوكيل وتريح دماغك ...حتلاقى فى السوق حاجات أرخص بس مضروبة وحتتضطر تروح تشتريها تانى من التوكيل زى الباشا :)
                          amadios سابقا

                          Comment


                          • #14
                            انا مستبعد قصة الزيت دي ﻷنها مستحيل تلف الدركسيون غصب عنو بس اعتقادى يا بور فصل رسبب مطب يا حاجه فى العفشه الموضوع ده خطر جدآ راجع الكوارين وكل مجموعة العافشه عند ميكانيكى جيب مش اي حد
                            [RIGHT][B][FONT=Impact]أحمد فهمى[/FONT]
                            [/B][/RIGHT]

                            Comment


                            • #15
                              لو زيت علي اﻻرض هايكون علي كل العربيات اللي
                              مش لوحك
                              [SIGPIC][/SIGPIC] ياتقول كلام في محله يا تقول حلو ياحلو
                              [url]/photos/a.879931698703941.1073741827.879900435373734/879931905370587/?type=1[/url]

                              Comment

                              Working...
                              X