شيروكي تسعينات ولا ماهيندرا بنزين

[dr.kemooo]

الساده الافاضل ملاك الجيب والماهيندرا
انا محتاج عربيه قويه تستحمل المطبات وكده وبقالي فتره هتجنن من الحيره
اخيرا المقارنه استقرت بين شيروكي مانيوال الشكل الجديد فوق 98 او ماهيندرا بنزين
الجيب 1 موديل قديم 2 ضريبه عاليه 3 ناشفه جدا 4 بنزين كتير 2400 لو مانيوال واذا ملقتش حاله حلوه يبقى اوتو وده 4100
بس الصيانه سهله وقطع الغيار متوفره
الماهيندرا ركبتها مرتين تلاته 1 ناعمه جدا في المطبات 2 موديل حديث 3 بنزين اقل 2000
لكن في نفس الوقت صيانه في الوكيل وغاليه عربيه مش منتشره وقطع الغيار في الوكيل بس واحد اعرفه قالي تكلفة اسطوانه وديسك ومجموعة دبرياج ب 3000 في الوكيل
ده اللي توصلت اليه ياريت لو حد ممكن يقترح عليه او يفيدني ويساعدني في الاختيار خاصة عن الماهيندرا هل ليها قطع غيار او مراكز صيانه بره الوكيل ولا ايه

[م/أحمد عبد الفتاح]

حنفكر مع بعض شوية :
أول حاجة إن الشيروكى الموتور الكبير احسن من الموتور الـ ٢٤٠٠
- استهلاك البنزين : الماهيندرا استهلاكها اقل بس قد إيه ؟؟
- الضريبة: أعلى فى الشيروكى
- القوة والتحمل : أعلى فى الشيروكى
- قطع الغيار : الشيروكى متوفر جديد واستعمال
- الصيانة : متوفرة للشيروكى ناس كتير بتشتغل فيها
- المشاكل والأعطال : لو الماهيندرا على الزيرو حتريح دماغك سنتين تلاتة ـ الشيروكى مستعملة برضه ييجى ١٦ سنة.
يبقى مشكلة الماهيندرا إنها قطع غيارها صعبة وتوكيلها محتكر لقطع الغيار .... يعنى قطع الغيار موجودة بس غالية؟ طيب هل سألت حد على إعتمادية العربية وهل بتعطل كتير ولا مافيهاش مشاكل؟
لو العربية الماهيندرا على الزيرو والوكيل عنده قطع الغيار بس غالية يبقى الفلوس بتاعة قطع الغيار للماهيندرا حاتدفع زيها للشيروكى بنزين ولو الماهيندرا اعطالها قليلة يبقى كده المعادلة فى صالح الماهيندرا ( على الزيرو)

[dr.kemooo]

شكرا على الرد الجميل وكلام حضرتك صح فعلا بس انا لو هشتري ماهيندرا مش هتبقى زيرو هتبقى 2009 2010 لسببين الاول ان ده عربيه تانيه وعاملها متوسط 70 الف بالكتير التاني ان العربيه ده سعر اعادة البيع فيها سيء جدا . عندي حد قريبي معاه ماهيندرا ديزل ناعمه جدا في المطبات ومريحاه جدا بس بصراحه الديزل ميتركبش رجه جامده جدا وصوت الموتور حاجه تخض كده علشان كده قررت اشتري البنزين

[dr.kemooo]

اقصد ان البنزين هيه داخل المقارنه لكن الديزل مستبعده

[احمد فهمى]

من تجربتى للعربيتين لو بتفكر فى مانيوال يبقى الماهيندرا وانا عامل تقرير عنها وهى متورها متور الرينو لاجونا بكل مشتملاتو بس التوكيل مبيقولش لحد وكل بتوع الفرنساوي عارفين وشغالين فيها عادي وواسعه جدآ وعلى شاسيه بجد شيلنا فيها مكنة مياه وزنها طن وموفره جدآ فى البنزين على فكره توكل على الله بس تكون سليمه

[dr.kemooo]

شكرا على ردك يا استاذ احمد وانا قريت تقريرك عن الماهيندرا كان جميل وشامل وانا اتجه فعلا ليها علشان الموديل الحديث . انت طمنتني لو فيه جديد هقول لحضرتك

[abokoko]

متوسط سعر الماهيندرا بنزين 2009/2010
كام

[dr.kemooo]

في مواقع النت هتلاقي في السبعينات

[احمد فهمى]

متوسط سعر الماهيندرا بنزين 2009/2010
كام

من 65 ل70 الحالات الكويسه

[dr.kemooo]

رايك ايه يا استاذ احمد لو اضيف فيتارا للمقارنه 4 باب طبعا

[احمد فهمى]

رايك ايه يا استاذ احمد لو اضيف فيتارا للمقارنه 4 باب طبعا

فيتارا 4 باب تكسب اولآ يابانى يعنى صفر مشاكل واوتومانيك و4×4 وهتلاقى حالات كويسه منها وقطع غيارها منتشره جديد واستيراد وفى المعقول

[amirz]

عندى نفس الحيرة بالظبط.. بس الناس بتخوفنى من الجيب خصوصا فى موضوع البنزين..والماهيندرا كل ما اقول لحد عليها يتريق عليا مع انى سألت كذا حد من ملاكها وشكروا فيها سواء بنزين او ديزل بس مانيوال ..للاسف القرار صعب

[amirz]

متابع

[gonet]

سؤال هوا ممكن اركب للجيب غاز وابقي حليت مشكلة استهلاك البنزين العالي بالنسبة 4000 سي سي ؟

[Mecha]

سؤال هوا ممكن اركب للجيب غاز وابقي حليت مشكلة استهلاك البنزين العالي بالنسبة 4000 سي سي ؟

لو ركبت غاز مفيش فرق ان لم يكن معدل اسوا الا لو الغاز علي سلونيدات