الجيب الرينيجيد

[eng wael]

الاخوة الافاضل
حد عنده معلومه عن الجيب الرينيجيد
هتنزل مصر امتى وسعرها فى حدود كام
العربيه موجوده على موقع جيب وليها فيديوهات كتير هيا تصنف كروس اوفر
العربيه فيها اوبشن كويس
لو حد عنده معلومه برجاء الافاده
تحياتى

[eng wael]

مفيش حد عنده معلومه يا شباب

[م/أحمد عبد الفتاح]

الجيب الرينيجيد هى باكورة إتحاد كرايزلر وفيات ( تم بدء إجراءات الإندماج ٢٠٠٩ وإنتهت الإجراءات فى إكتوبر ٢٠١٤ لتصبح شركة واحدة إسمها FCA )وحاتكون أصغر عربية جيب نزلت من كرايزلر وحاتنزل الرينجيد إعتباراً من شهر ديسمبر الحالى بـ ١٦ موديل بس المعروف منهم حتى الأن :
- أول موديل بموتور ٤ سلندر ١٤٠٠ سى سى تربو بقدرة ١٦٠ حصان وعزم ١٨٤ باوند قدم ( الموتور من فيات ٥٠٠) وجيربوكس يدوى ٦ سرعات.
- تانى موديل بموتور ٤ سلندر ٢٤٠٠ سى سى تايجرشارك بقدرة ١٨١ حصان وعزم ١٧٧ باوند قدم بجيربوكس ٩ سرعات اوتوماتيك.
حيندرج تحت كل موديل من الإتنين نوع جر أمامى ونوع ٤ x ٤
يبقى كده عندنا ٤ موديلات معروفين حتى الأن
فيه كمان موديل حاينزل منها إسمه Trailhawk حايبقى إمكانيات الأوفرود بتاعته أحسن والعربية نفسها حاتبقى أعلى شوية بس لسه مافيش معلومات عنه أكتر من كده. طبعاً فيه منها موديلين كمان تربو ديزل ١٦٠٠ سى سى و٢٠٠٠ سى سى
بالنسبة لسعرها عالمياً حايبقى أرخص من الشيروكى الجديدة والمفروض إنها نازلة تنافس الكيا سول والنيسان الجوك والقاشقاى والمينى كانترى مان والاسكودا يتى ( النسخ الأصلية مش زى اللى بتنزل عندنا فى مصر) فطبعاً كمان إستهلاك البنزين فيها حايكون كويس جداً علشان تنافس.
بالنسبة لنزولها مصر مش معروف إمتى لأنها لسه منزلتش اوروبا وامريكا وطبعاً لو نزلت مصر مش عارفين أى موديلات هى اللى حاتنزل وهل حاتتقفل برضه فى مصر زى الرانجلر والجراند شيروكى ولا لأ فأعتقد إن موضوع نزولها مصر لسه بدرى عليه شوية وسعرها فى مصر برضه حايكون غالى لو نزلت.
ممكن تكلم الطارق وابوغالى وعز العرب تسألهم عن نزولها :
الطارق : ١٩٨٥٠
أبوغالى : ١٩٥٧٠
عز العرب :١٩٣٩٩
وإبقى طمننا

[eng wael]

الجيب الرينيجيد هى باكورة إتحاد كرايزلر وفيات ( تم بدء إجراءات الإندماج ٢٠٠٩ وإنتهت الإجراءات فى إكتوبر ٢٠١٤ لتصبح شركة واحدة إسمها fca )وحاتكون أصغر عربية جيب نزلت من كرايزلر وحاتنزل الرينجيد إعتباراً من شهر ديسمبر الحالى بـ ١٦ موديل بس المعروف منهم حتى الأن :
- أول موديل بموتور ٤ سلندر ١٤٠٠ سى سى تربو بقدرة ١٦٠ حصان وعزم ١٨٤ باوند قدم ( الموتور من فيات ٥٠٠) وجيربوكس يدوى ٦ سرعات.
- تانى موديل بموتور ٤ سلندر ٢٤٠٠ سى سى تايجرشارك بقدرة ١٨١ حصان وعزم ١٧٧ باوند قدم بجيربوكس ٩ سرعات اوتوماتيك.
حيندرج تحت كل موديل من الإتنين نوع جر أمامى ونوع ٤ x ٤
يبقى كده عندنا ٤ موديلات معروفين حتى الأن
فيه كمان موديل حاينزل منها إسمه trailhawk حايبقى إمكانيات الأوفرود بتاعته أحسن والعربية نفسها حاتبقى أعلى شوية بس لسه مافيش معلومات عنه أكتر من كده. طبعاً فيه منها موديلين كمان تربو ديزل ١٦٠٠ سى سى و٢٠٠٠ سى سى
بالنسبة لسعرها عالمياً حايبقى أرخص من الشيروكى الجديدة والمفروض إنها نازلة تنافس الكيا سول والنيسان الجوك والقاشقاى والمينى كانترى مان والاسكودا يتى ( النسخ الأصلية مش زى اللى بتنزل عندنا فى مصر) فطبعاً كمان إستهلاك البنزين فيها حايكون كويس جداً علشان تنافس.
بالنسبة لنزولها مصر مش معروف إمتى لأنها لسه منزلتش اوروبا وامريكا وطبعاً لو نزلت مصر مش عارفين أى موديلات هى اللى حاتنزل وهل حاتتقفل برضه فى مصر زى الرانجلر والجراند شيروكى ولا لأ فأعتقد إن موضوع نزولها مصر لسه بدرى عليه شوية وسعرها فى مصر برضه حايكون غالى لو نزلت.
ممكن تكلم الطارق وابوغالى وعز العرب تسألهم عن نزولها :
الطارق : ١٩٨٥٠
أبوغالى : ١٩٥٧٠
عز العرب :١٩٣٩٩
وإبقى طمننا

شكرا ياباشا على المعلومات وان كنت محتاج معلومه عن ميعاد نزولها :-)
بس اشكرك على الاهتمام وهحاول اوصل لمعلومه وابلغكم
تحياتى

[eng wael]

بعد الاتصال بابوغالى موتورز
العربيه منتظر نزولها للاسواق المصريه على شهر ابريل
ماتور 1400 تيربو والاسعار من 200 الف للمانيوال
وهينزل منها كذا فئه اتوماتيك وتنتهى بسعر 300 الف لاعلى فئه اتوماتيك
تحياتى

[م/أحمد عبد الفتاح]

شكراً ياباشا على الفيدباك بعد اتصالك

[eng wael]

شكراً ياباشا على الفيدباك بعد اتصالك

لا شكر على واجب يا فندم

[احمد فهمى]

معلومات ممتازه ودى العربيه

[Hussein_Ramdan]

بس دى تربو ياشباب يعنى بنزين 95 ولو التوكيل قال اديها 92 يبقا بيهرج

[Hussein_Ramdan]

وبكدة يكون التوكيل عمل احلال للفئات الى عندو
بعد ما شال الشيروكى راح معلى سعر الرنجلر ودخلها مكان الشيروكى ونزل بالعربيه دى مكان الرنجلر
عشان يمسك السعر من اول 250 الى 6000 الف

[احمد فهمى]

وبكدة يكون التوكيل عمل احلال للفئات الى عندو
بعد ما شال الشيروكى راح معلى سعر الرنجلر ودخلها مكان الشيروكى ونزل بالعربيه دى مكان الرنجلر
عشان يمسك السعر من اول 250 الى 6000 الف

بالظبط

[eng wael]

معلومات ممتازه ودى العربيه

ايه رايك وانطباعك عن العربيه ياباشا
هل هتنجح وهتشتغل كويس ولا ايه
انا معجب بيها بس مش عارف تستحق الانتظار ولا ايه
وهل تستحق القيمه دى فى الفلوس ولا تعتبر غاليه
تحياتى

[Hussein_Ramdan]

ممكن اضيف وجه نظرى العربيه دى لو نزلت من 230 الى 270 حلوة
لكن فى حاله انها تستخدم بنزين 92 وهى اكيد مش هتستخدمو عشان جيب مش بتعمل ماوتير صغير غير تربو
وطبعا التوكيل هنا هيقولك لا استخدم 92 زاى ما بيحصل معا البى ام والمرسيدس والفاضيح الى حصلت الايام دى
المهم خلينا نتكلم فى نطاق ال 250 يبقا افضل بمراحل من السبورتاج والقشقاى
بس انا لا اتوقع دده
دى هتزل فى رينج ال 300
ومعلش الى يخلينى ادفع 300 فى دى يبقا ادفع ال 350 فى رنجلر وحش بمعنى الكلمه

[Hussein_Ramdan]

المشكله حجم العربيه الحقيقى او ابعادها محدش شفها على ارض الواقع هل هتكون كبيره الهونداى 35
ولاة صغيره زاى الكيا سول
ولاة ايه حكايتها

[احمد فهمى]

جيب هتنجح طبعآ بس الرك على السعر وبعد نجاح الرانجلر اعتقد اي جيب هتتباع