إعـــــــلان

Collapse

.

,
See more
See less

أول 1000 كم من الجيب...

Collapse
X
Collapse
 
  • Page of 3
  • Filter
  • الوقت
  • Show
Clear All
new posts
السابق 1 2 3 template التالي
  • #1

    أول 1000 كم من الجيب...

    بدأت رحلتي مع الجيب من يوم 27 أكتوبر

    نوع العربية: جيب شيروكي موديل 2000 مانيوال 4 سلندر 2500cc
    بعد الكشف عليها في مركز خدمة في صقر قريش اسمه "جيبولي" بتاع 3 شركاء كانوا بيشتغلوا في توكيل جيب...أخدت القرار بشرائها .. و كان تقريرهم عنها أن أساسياتها ممتازة (من شاسيه و آلات جر و فتيس و عفشة)

    يوم الشراء و بعد اجراءات نقل الملكية... طلعت على بنزينة شل اللي في طريق الاسماعيلية عشان أغسل العربية (غسيل كامل صالون و شاسيه و غسيل خارجي) و بعدين و انا مروح العربية قعدت تقطع مني... سايستها لحد ما وصلت البيت و ركنتها...
    تاني يوم 28 أكتوبر روحت مركز الخدمة السابق ذكره (و هما بصراحة أكتر من ممتازين) بعد الكشف على طرمبة البنزين و الاسبراتير طلع العيب في البوجيهات... و أسلاك البوجيهات
    و تم تغييرها بسعر 15 جنيه للبوجيه ماركة champion الأصلي و 15 جنيه للسلك (استيراد) بإجمالي 120 جنيه قطع غيار و 80 جنيه مصنعية (اجمالي 200 جنيه)
    تاني يوم رحت لعمل أعمال الصيانة الدورية...
    غيرت زيت موبيل 10,000 كيلو بسعر 235 جنيه
    فلتر زيت ب50 جنيه
    طفم تيل فرامل أمامي أصلي ب 180 جنيه
    فك فلتر الهواء و تنظيفه
    فك الطنابير الخلفية و تنظيفها
    شد سير الكاتينة
    مراجعة زيت الكوارين (الأمامية و الخلفية)
    مصنعية 85 جنيه
    (اجمالي 550 جنيه)

    الحق يقال... العربية فاقت أوي أوي بعد العمليات ديه و حسيت أنها بيتمر فيها التعب و الشغل...

    الجمعة 31 أكتوبر...
    تم تغيير الزجاج الأمابي (لأنه كان فيه شوية شروخ) بزجاج جديد جريش (زي الأصلي اللي نازل فيها)
    من محل السباعي عند ميدان الجامع بسعر 340 جنيه شامل التركيب

    السبت 1 نوفمبر رحت مركز الخدمة تاني علشان ألغي كلاتشات الكرونة الخلفية و تم عمل ذلك مع تغيير زيت الكورونة و تنظيف كل أجزائها الداخلية بالبنزين (اجمالي 240 جنيه)

    العملية اللي جاية بإذن الله هتكون تنزيل الفيتيس الأمامي و الخلفي (الغرز) و تنظيفهم و تغيير الأويل سيلات و كذلك قواعد الفيتيس بتاعتهم كلها (و طقم الدبرياج اذا لزم)

    لحد دلوقتي صرفت عالعربية 1330 جنيه صيانات عادية و متوقع يوصلوا ل 3-4 الاف عشان تبقا بحالة Perfect


    نيجي بأة للجزء الأهم.... التقييم للعربية من حيث الآداء ...

    أولا لو كنت راكب أي عربية تانية عادية (سيدان أو هاتش باك) هتحس أكنك قاعد فوق سقف عربيتك القديمة... و معاك دركسيونك و فتيسك و كل اللي نفسك فيه فوق...

    في العربية العادية أنت خايف حد يخبطك أو يحك فيك أو يخدش عربيتك... في الشيروكي أنت (و بدون مبالغة) خايف لحسن اللي قدامك يفرمل تجيب شنطته في كبوته...
    احساس غير عادي بالقوة...صوت الموتور و الات الجر مسموع الى حد كبير داخل الكابينة و مزعج الى حد كبير...(بالنسبة ليا ممتع جدا و بطفي الكاسيت عشان أسمع الأصوات دي كلها)

    العربية عكس ما تخيلت ثباتها معقول (ناس كتير قالوا أن ثبات الموديل ده يعتبر أحسن ثبات في الشيروكي 1999-2000)
    النقلات نفسها مش طويل أوي بس الموتور على سرعة 120 - 130 بيكون جايب 3 rpm بالعافية (مش مكمل 3)

    مطبات الدائري و قضبان المترو و الحاجات الصغيرة ديه مابتشكلش أي مشكلة... خدها على سرعة و مش هتحس أوي ...
    لو دخلت بيها مدق أو طريق مكسر بتحس بكل حاجة دست عليها و كل حفرة نزلت فيها...

    استهلاك البنزين: مونت من امارات مصر Full Tank (قبل طريق مصر اسكندرية الصحراوي) و طلعت بالعربية لحد الريست... و دخلت جوا لحد الوادي بعدين خرجت و رجعت تاني القاهرة و دخلت امارات مصر تاني و مونت Full Tank
    على العداد أنا عامل 185 كيلومتر بالظبط
    عدد اللترات اللي نقص 18.62 لتر بالظبط
    يعني بالتقريب اللتر عمل 10 كم عالطوالي (في اعتقادي لأنها 4 سلندر مانيوال 2500cc)

    دا تقييمي للعربية لحد دلوقتي و أي حد عاوز يسأل في أي حاجة أنا تحت أمركم...
    ...سأوافيكم بالأخبار قريبا...

    كان معكم M!NA
    :)
    اعذروني عشان مش بقدر افتح المنتدى كتير
    ده الايميل و هيجيلي مباشرة على التليفون لأي استفسار
    [email]mina.nilemotors@gmail.com[/email]
    و السكايب
    mina.nilemotors
    الكلمات الدلالية (Tags): 1000, 20, 2006, 2009, 40, 50, rpm, أحسن, أول, استهلاك البنزين, اسعار, اسعار قطع الغيار, اسكندرية, البنزين, الجديدة, الجي, الجيب, الصيانة, الصيانة الدورية, اللي, الي, بدون, بنزين, تركيب, تغيير, تقييم, تنظيف, توكيل, تيل, تيل فرامل, ثبات, حساس, خدمة, دبرياج, ريس, زيت, سخونة, سرعة, سعر, سكندرية, سير, شراء, صالون, صوت, صوت الموتور, صيانات, صيانة, طنابير, عداد, عربية, عفشة, عن, غيار, فتيس, فرامل, فلتر, في, قطع, قطع الغيار, قطع غيار, قطعة, قوة, كاتينة, كاسيت, كبوت, كروزر, كشف, كل, مركز, مركز الخدمة, مركز خدمة, مشكلة, مصر, مع, من, موتور, موديل, نيو, هل, هي, وكيل
  • #2
    الف الف مبروووووووك وشكر على التقييم التحفة دا
    [CENTER][SIZE="4"][B][CENTER][SIGPIC][/SIGPIC][/CENTER]
    My lil Baby xD [/B][/SIZE][/CENTER]

    Comment

    • #3
      مينا باشا الديزلاوى
      مبروك الروكة يا عم
      لو ماجتش اخد بيها لفة يوم الجمعة بالربوة
      هاقفلك قسم الديزل وقسم الجيب كمان
      ده انا لما صدقت لقيت منها مانيوال كل اللي اعرفهم كان معاهم اوتو وانا عدو الاوتو

      جروب ورشة نايل موتورز علي الفيس بوك

      صفحة ورشة نايل موتورز على الفيس بوك

      Comment

      • #4
        مبروك يا باشا
        و ياريت لو تقولنا جبتها بكام
        [SIGPIC][/SIGPIC]
        https://www.facebook.com/groups/SWIFTCLUBINEGYPT/

        Comment

        • #5
          المشاركة الأصلية كتبت بواسطة sa3dawy مشاهدة المشاركة
          الف الف مبروووووووك وشكر على التقييم التحفة دا
          الله يبارك فيك :)

          المشاركة الأصلية كتبت بواسطة karim_monir مشاهدة المشاركة
          مينا باشا الديزلاوى
          مبروك الروكة يا عم
          لو ماجتش اخد بيها لفة يوم الجمعة بالربوة
          هاقفلك قسم الديزل وقسم الجيب كمان
          ده انا لما صدقت لقيت منها مانيوال كل اللي اعرفهم كان معاهم اوتو وانا عدو الاوتو

          الله يبارك فيك... و بعدين يا كيمو باشا أنتا تؤمر من غير حاجة...(شفت أحرجتك بذوقي ازاي؟) :P

          المشاركة الأصلية كتبت بواسطة El Prince مشاهدة المشاركة
          مبروك يا باشا
          و ياريت لو تقولنا جبتها بكام
          الله يبارك فيك... أنا اديت للبايع عربيتي البوينتر موديل 2006 + مبلغ 20 ألف جنيه (عربيتي قدرناها ب 55-60 ألف)
          يعني هي بحوالي 75-80 ألف جنيه (و ده سعر السوق للحالة الجيدة من الشيروكي موديل 2000)
          اعذروني عشان مش بقدر افتح المنتدى كتير
          ده الايميل و هيجيلي مباشرة على التليفون لأي استفسار
          [email]mina.nilemotors@gmail.com[/email]
          و السكايب
          mina.nilemotors

          Comment

          • #6
            الف مبروك يا باشا

            والله انا نفسى كمان اعمل الخطوة دية بس مستنى شوية علشان نفسى فى الليبرتى او شيروكى مود 2003

            ياترى اسعار نقل الملكية والترخيص ايه اخباره " على اساس انها 2500 cc"
            [SIZE=3][COLOR=navy][gdwl]
            [SIZE=3][COLOR=navy]سبحانك اللهم وبحمدك ، أشهد أن لا إله إلا أنت أستغفرك وأتوب إليك[/COLOR][/SIZE]
            [/gdwl][/COLOR][/SIZE][SIZE=4][COLOR=navy][/COLOR][/SIZE]
            [SIZE=4][COLOR=navy]مـحـمـد الـطـويـل - إسـكـنـدريـه[/COLOR][/SIZE]

            Comment

            • #7
              يا مينا انا اللي يهمني اني اشوفك مش العربية يا صديقي
              شوفت انا بقى

              جروب ورشة نايل موتورز علي الفيس بوك

              صفحة ورشة نايل موتورز على الفيس بوك

              Comment

              • #8
                المشاركة الأصلية كتبت بواسطة mido777 مشاهدة المشاركة
                الف مبروك يا باشا

                والله انا نفسى كمان اعمل الخطوة دية بس مستنى شوية علشان نفسى فى الليبرتى او شيروكى مود 2003

                ياترى اسعار نقل الملكية والترخيص ايه اخباره " على اساس انها 2500 cc"
                نصيحة ... ابعد عن الجيب العيون... أولا مش Stable خالص... ثانيا قطع غيارها نااااااار بطريقة مبالغ فيها...
                خليك في موديل 2000-2001 شكل قديم... قطع غيارها أقرب لقطع غيار ال128 في الانتشار و رخيصة كمان...
                أحلى حاجة بأة أنك تلاقي من قطع الغيار ديه الصيني و الهندي و الأمريكاني و الاستيراد... و على حسب الفلوس اللي معاك هتمشيها هتمشيها...
                عمرك ما هتقف بسبب قطعة غيار... و لما تجيلك فلوس غير و هات الأمريكاني الأصلي...

                بالنسبة للضريبة أنا لسة ماشي بالتوكيل... لكن مصاريف نقل الملكية سمعت أنها حوالي 700 جنيه...

                المشاركة الأصلية كتبت بواسطة karim_monir مشاهدة المشاركة
                يا مينا انا اللي يهمني اني اشوفك مش العربية يا صديقي
                شوفت انا بقى
                إشطة... يبقا أنا جاي ف تاكسي ... :D
                اعذروني عشان مش بقدر افتح المنتدى كتير
                ده الايميل و هيجيلي مباشرة على التليفون لأي استفسار
                [email]mina.nilemotors@gmail.com[/email]
                و السكايب
                mina.nilemotors

                Comment

                • #9
                  المشاركة الأصلية كتبت بواسطة M!NA مشاهدة المشاركة
                  السبت 1 نوفمبر رحت مركز الخدمة تاني علشان ألغي كلاتشات الكرونة الخلفية و تم عمل ذلك مع تغيير زيت الكورونة و تنظيف كل أجزائها الداخلية بالبنزين (اجمالي 240 جنيه)

                  :)
                  سؤال بس للعلم.
                  ليه لغيت الكلاتشات ؟
                  [B]:) [COLOR=Blue]حازم حـزه[/COLOR] :)[/B]

                  Comment

                  • #10
                    المشاركة الأصلية كتبت بواسطة h_hezzah مشاهدة المشاركة
                    سؤال بس للعلم.
                    ليه لغيت الكلاتشات ؟
                    لأنها كانت بتعمل دبدبة بعد المشي مسافات طويلة (لما يحصل سخونة) فخليتها حرة... كمان أنا 90% من طرقي أسفلت... و لو دخلت off-road هدخل مدقات... مش رملة رملة يعني...

                    و على فكرة... الكلاتشات اتلغت في الجراند شيروكي من أول موديل 1999 و في الليبرتي العيون من أول 2002 (على حد علمي)

                    كمان سمعت أنك لما بتجيب كرونة استيراد (حتى لو لموديل 1996) هتلاقي فيها الكلاتشات ملغية...
                    اعذروني عشان مش بقدر افتح المنتدى كتير
                    ده الايميل و هيجيلي مباشرة على التليفون لأي استفسار
                    [email]mina.nilemotors@gmail.com[/email]
                    و السكايب
                    mina.nilemotors

                    Comment

                    • #11
                      التقييم فعلا مفيد جدا الف مبروك مره تانيه ومش هقوللك بقى عقبال متركب موديل 2009 علشان انا عارفك يلا الف مبروك وعقبال متركب دبابه من بتوع حرب 73 دى علشان متحتجش بقى كل شويه تغير كوتش:Dالف مبروك ياصحبى وليا عندك طلعه دهب بقى;)
                      George
                      [CENTER]فى كل صباح تذكر ان الرب الهك يحبك ويحرسك ويدبر كل امورك,فقط قل لتكن مشيئتك[/CENTER]

                      Comment

                      • #12
                        المشاركة الأصلية كتبت بواسطة GMakram مشاهدة المشاركة
                        التقييم فعلا مفيد جدا الف مبروك مره تانيه ومش هقوللك بقى عقبال متركب موديل 2009 علشان انا عارفك يلا الف مبروك وعقبال متركب دبابه من بتوع حرب 73 دى علشان متحتجش بقى كل شويه تغير كوتش:Dالف مبروك ياصحبى وليا عندك طلعه دهب بقى;)
                        الله يبارك فيك يا جميل... :) و طبعا لازم نطلع دهب (و البنزين على سعادتك طبعا :P)
                        اعذروني عشان مش بقدر افتح المنتدى كتير
                        ده الايميل و هيجيلي مباشرة على التليفون لأي استفسار
                        [email]mina.nilemotors@gmail.com[/email]
                        و السكايب
                        mina.nilemotors

                        Comment

                        • #13
                          المشاركة الأصلية كتبت بواسطة M!NA مشاهدة المشاركة

                          إشطة... يبقا أنا جاي ف تاكسي ... :D
                          هاهاهاهاها .... :D

                          ------------------

                          الف مبروك ياباشا

                          وتقيم مميز وحبة صيانات فى الجون وعقبال الباقى
                          [RIGHT][FONT=Comic Sans MS][COLOR=navy][SIZE=2][B]Eng.Ahmed Ismail[/B][/SIZE][/COLOR][/FONT][/RIGHT]


                          [CENTER][FONT=Book Antiqua][SIZE=4][COLOR=blue]You Can't Never Ever to Keep a Nice Car [/COLOR][/SIZE][/FONT][FONT=Book Antiqua][SIZE=4][COLOR=blue]in [/COLOR][/SIZE][/FONT][FONT=Book Antiqua][SIZE=4][COLOR=blue]This Country....!!! :_Alshmokh08[1]: S.O.S
                          [/COLOR][/SIZE][/FONT][CENTER][sor2]http://www.wasit.net/alrowad/images/hit.gif[/sor2]

                          [/CENTER]
                          [/CENTER]
                          [CENTER][URL="http://www.nilemotors.net/Nile/55709-a.html"][SIZE=5][COLOR=seagreen]كل شيء عن السيراتو[/COLOR][/SIZE][/URL]

                          [CENTER] _______________[B]
                          [COLOR=Blue][B][SIZE=2]اللهم إن في تدبيرك مايُغني عن الحِيَل، وفي كرمك ماهو فوق الأمل، وفي حلمك مايسد الخلل، وفي عفوك مايمحُو الزلل..[/SIZE][/B][/COLOR][/B]

                          [B][COLOR=Blue][B][SIZE=2] اللهم فبقوة تدبيرك وعظيم عفوك، وسعة حلمك ,وفيض كرمك، أسألك أن تدبرني بأحسن التدابير، وتلطف بي وتنجيني، مما يخيفني ويهمني..[/SIZE][/B][/COLOR][/B]
                          [/CENTER]
                          [B][COLOR=Blue][B][SIZE=2]
                          اللهم لا أضام وأنت حسبي، ولا أفتقر وأنت ربي، فأصلح لي شأني كله ولا تكلني إلى نفسي طرفة عين ولا حول ولاقوة إلابك[/SIZE][/B][/COLOR][/B]

                          _______[COLOR=Blue]_______________
                          [/COLOR][shfaf2]http://www7.0zz0.com/2011/11/29/23/575740455.gif[/shfaf2] [/CENTER]

                          Comment

                          • #14
                            الله يبارك فيك يا أحمد :)

                            انهاردة رحت أستكمل رحلة التجديد و التحسين للعربية...

                            نزلنا عمود الكردان الخلفي و فيتيس الغرز و القنطرة الأمامية و عمود الكردان الأمامي... (القنطرة الأمامية ليها وظيفتين... أولا حماية العربية من خطر سقوط عمود الكردان الأمامي اللي بيؤدي لانقلابها... ثانيا أنها بتحمل قاعدة الفيتيس العادي - مش الغرز)

                            بعد كدا عملنا تشحيم لصلايب عمود الكردان الخلفي و الأمامي...
                            كذلك تم تغيير 2 أويل سيل بفيتيس الغرز...
                            و زودنا زيت الفيتيس الأمامي و الخلفي بزيت درجة لزوجته 90

                            الأويلسيلين الأصلي كلفوني 220 جنيه
                            زيوت الفيتيس 20 جنيه
                            مصنعية 60 جنيه

                            إجمالي 300 جنيه...

                            و بإذن الله يوم السبت اللي جاي هيتم عمل آخر جزء من صيانة الأساسيات (قاعدة الفتيس...)

                            و سنوافيكم بالأخبار...إبقوا معنا :)
                            اعذروني عشان مش بقدر افتح المنتدى كتير
                            ده الايميل و هيجيلي مباشرة على التليفون لأي استفسار
                            [email]mina.nilemotors@gmail.com[/email]
                            و السكايب
                            mina.nilemotors

                            Comment

                            • #15
                              الف مبـــــــــــــــــروك ياباشا

                              ربنا يباركلك فيها ان إن شاء الله

                              Comment

                              السابق 1 2 3 template التالي
                              Working...
                              X