!! KK or Wrangler

[Huss3iN]

السلام عليكم

انا الحمد لله غيرت رايى بعد مكنت هركب بى ام دابليو 320 face lift هركب ان شاء الله جيب

انا عارف ان مفيش اى مجال للمقارنة بينهم بس انا زهقت من العربيات الواطيه و المطبات و اصلا بعانى

معايا جيتا 2009 هاى لاين خليجى ومش هعيد نفس الموضوع تانى فى البى ام و المطبات و الكلام ده :)

فقولت اغير بقا ان شاء الله و انا عارف ان الناس ممكن تشتم عشان جيب بدل بى ام بس بردو

كل واحدة ليها متعتها فى السواقة.... و مينفعش يتقارنو ببعض اكيد

هتقل عليكم شوية فى الموضوع ده بس معلش الواحد لسه فى حاجات بيتعلمها مش اكتر ومش عارفها ...

و تعبت فى كتابة البوست اصلا بس ان شاء الله هيفيد ناس كتير....

انا محتار يا جماعة بين ال KK و Wrangler

طبعا انتم عارفين ان الحاجات ديه ازواق... انا بحب ال kk اكتر الصراحة بس ملاحظ ان معظم الناس مقيدة

الرانجلر.... عشان ممكن تكون اقوى و معدل استهلاكها لقطع الغيار اقل...

انا عندى اسئلة و ياريت النصيحة لو سمحتم عشان الواحد يقرر عشان لسه فى حاخات مش عارفها

1 الفرق اللى ملاحظه بين ال kk 2009 و 2011 شكل الطارة و الكاسيت تاتش .. فى اختلافات ايه تانى ؟؟

2 فى فرق بينهم او تغيير فى الموتور و الفتيس بين 2009 و 2011 ؟؟ يعنى مثلا موتور جديد اقوى زى رانجلر

2012 ؟؟؟

3 ال kk القديمة 3700 6 سلندر كام هورس باور ؟؟؟ و 2011 نفس الموضوع ولا اقوى ؟؟؟

4 ال 2011 او 2012 نزل فيها الموتور الجديد بتاع الرانجلر ولا هو نفس الموتور من 2009 ؟؟ ولا نزل جديد فى

2013 و 2014

5 الكاتيجورى العادى مش الهاى لاين فى ايه اوبشنز غير الحاجات العادية المعروفة ؟؟

6 ايه موضوع المفتاح الجديد ؟؟ نزل فى التغيير بتاع 2011 ولا نزل فى 13 او 14 مثلا و بيختلف ف ايه عن

العادى ؟؟؟ و بينزل من موديل سنة كام ؟

7 موضوع الجر الخلفى جوا المدينة و لكن فى السفر على الطريق السريع خلفى ولا 4x4 ؟؟ و ايه الفرق

بينهم فى السفر على الطريق؟؟؟

8 لو فى المطرة امشى خلفى ولا 4x4 جوا المدينة ؟؟؟

9 لو صيانه ابو غالى ولا عز العرب ولا الهيئة العربية ؟؟ ولو كشف بردو انهى احسن فيهم و بكام

10 لو كشف برا التوكيل عند مين فى مصر الجديدة او مدينة نصر مش الناحية التانية الهرم :)) و بكام

11 عقد البيع التسجيل بكام لو 2011 او 2012 ؟؟ و الترخيص هو الضريبة ؟؟؟ يعنى لم الناس بتقول

الترخيص فى السنة ب 5 الاف نفس المعنى اللى هو الضريبة فى السنة 5 الاف؟؟

12 انهى اتقل كوزن kk ولا رانجلر واحسن فى القاعدة وسفر ولا ناشفة زى رانجلر

13 مستوى اسعار kk لو عادى وهاى لاين 2011 , 2012... انا شايف من 260 ل 320!! و الفرق بين الهاى لاين

و البيزك كام فى السعر لو نفس الموديل و الحالة...

14 تركب 2011 ماشية 40 الف ولا 2013 ماشية 40 الف بردو مع العلم ان ال 2 نفس الحالة فابريقة وزيرو؟؟ و

ياريت التوضيح للسبب يعنى الموديل ولا ال كم؟؟؟ طالما هى هى نفس العربية والكماليات و الشكل

انا عارف ان الاسئلة كتير بس انا قريت المواضيع كلها ملقتش اى تفاصيل كاملة و كلها اساسا على الرانجلر :))

فانا قولت اعمله بالتفصيل يساعدنى ويساعد ناس كتير بعدى ان شاء الله و اسف طولت عليكم بس انا

شخصيا تعبت فى كتابة الموضوع ده :))

ضرورى يا رجالة لو سمحتم عشان انا بشترى اليوين دول ان شاء الله و لسه معرفش اماكن للكشف برا

[Huss3iN]

ما شاء الله.... 90 مشاهدة و ولا رد واحد d:

يا جماعة اللى عارف حاجة يقولها.... مش لازم الرد بالتفصيل على سؤال سؤال اكيد :))

[a7med ezz 20]

انت هتجيب زيرو ولا استعمال ؟؟؟

[م/أحمد عبد الفتاح]

السلام عليكم

انا الحمد لله غيرت رايى بعد مكنت هركب بى ام دابليو 320 face lift هركب ان شاء الله جيب

انا عارف ان مفيش اى مجال للمقارنة بينهم بس انا زهقت من العربيات الواطيه و المطبات و اصلا بعانى

معايا جيتا 2009 هاى لاين خليجى ومش هعيد نفس الموضوع تانى فى البى ام و المطبات و الكلام ده :)

فقولت اغير بقا ان شاء الله و انا عارف ان الناس ممكن تشتم عشان جيب بدل بى ام بس بردو

كل واحدة ليها متعتها فى السواقة.... و مينفعش يتقارنو ببعض اكيد

هتقل عليكم شوية فى الموضوع ده بس معلش الواحد لسه فى حاجات بيتعلمها مش اكتر ومش عارفها ...

و تعبت فى كتابة البوست اصلا بس ان شاء الله هيفيد ناس كتير....

انا محتار يا جماعة بين ال KK و Wrangler

طبعا انتم عارفين ان الحاجات ديه ازواق... انا بحب ال kk اكتر الصراحة بس ملاحظ ان معظم الناس مقيدة

الرانجلر.... عشان ممكن تكون اقوى و معدل استهلاكها لقطع الغيار اقل...
الإتنين واحد فى إستهلاك قطع الغيار
انا عندى اسئلة و ياريت النصيحة لو سمحتم عشان الواحد يقرر عشان لسه فى حاخات مش عارفها

1 الفرق اللى ملاحظه بين ال kk 2009 و 2011 شكل الطارة و الكاسيت تاتش .. فى اختلافات ايه تانى ؟؟
أعتقد مافيش فروق تانية جوهرية يمكن يكون فيه تعديل شوية فى السوفت وير بتاع الكمبيوتر بس مافرقش كتير

2 فى فرق بينهم او تغيير فى الموتور و الفتيس بين 2009 و 2011 ؟؟ يعنى مثلا موتور جديد اقوى زى رانجلر

2012 ؟؟؟
هو هو الموتور الـ ٣٧٠٠ سى سى ٦ سلندر والفتيس الـ selctrac ll
الموتور البنتاستار الجديد بتاع الرانجلر إبتدى يعمل مشاكل فى امريكا وبقوا بيدوا عليه ضمان ١٥٠ الف ميل يعنى ٢٤١ الف كم تقريباً مدى الحياه
3 ال kk القديمة 3700 6 سلندر كام هورس باور ؟؟؟ و 2011 نفس الموضوع ولا اقوى ؟؟؟
الإتنين ٢١٠ حصان عند ٥٢٠٠ لفة/دقيقة ، ٢٣٥ باوند قدم (٣١٩ نيوتن متر) عند ٤٠٠٠ لفة/دقيقة
4 ال 2011 او 2012 نزل فيها الموتور الجديد بتاع الرانجلر ولا هو نفس الموتور من 2009 ؟؟ ولا نزل جديد فى

2013 و 2014
نفس الموتور من ٢٠٠٨ ومافيش kk من ٢٠١٣ اخر حاجه نزلت كانت ٢٠١٣ وبطلوا ينتجوها
5 الكاتيجورى العادى مش الهاى لاين فى ايه اوبشنز غير الحاجات العادية المعروفة ؟؟
كاسيت u-connect هاندفرى ٦ اسطوانة و ٨ سماعات إنفينتى وسب ووفر - كرسى قاعدته كهربا للسائق ٦ اتجاهات وكرسى قاعدته كهربا للراكب بجوار السائق اتجاهين - يوجد ذراع lumbar ( لتقويسة الظهر) لكرسى السائق - مرايات جانبية كهربا بس مش بتتطبق كهربا وبتقلب لتحت فى المارشدير- مراية صالون تعتيم اوتوماتيك - مثبت سرعة - تحكم فى الكاسيت من طارة الدركسيون - انوار امامية اوتوماتيك - مساحات حساسة للمطر - ذاكرة لكرسى السائق والمرايات الجانبية ليها ٢ بروجرام - كراسى جلد وطارة دركسيون جلد - زجاج ابواب خلفية معتم وزجاج شنطة معتم - باركينج سينسور خلفى - ABS - BA - ESP -All Speed Traction Control - ايرباج سائق وراكب امامى وجانبى - كرسى الراكب بجوار السائق ظهره بينام للاخر زى السرير - فتحة سقف زجاج معتم وليها مون روف - ايموبيليزر- تكييف اوتوماتيك - انوار لدخول السيارة عند الكراسى الامامية - انوار امامية لها إمكانية التأخير الزمنى لركوب السيارة - roof rails - استبن بجنط زى باقى الاربع عجلات ( الومنيوم برضه) - مقاس وانذار لضغط الكوتش فى التابلوة - تصفيح كامل من اسفل - ٤x٤ اوتو و ٤x٤ low
( ده اللى انا فاكره بصراحة )
6 ايه موضوع المفتاح الجديد ؟؟ نزل فى التغيير بتاع 2011 ولا نزل فى 13 او 14 مثلا و بيختلف ف ايه عن

العادى ؟؟؟ و بينزل من موديل سنة كام ؟
قصدك المفتاح اللى بيدور العربية من الخارج ؟ مش عارف اذا كان نزل ولا لأ ونزل سنة كام
7 موضوع الجر الخلفى جوا المدينة و لكن فى السفر على الطريق السريع خلفى ولا 4x4 ؟؟ و ايه الفرق

بينهم فى السفر على الطريق؟؟؟
الجر الخلفى جوة المدينة وبرة المدينة فى الحالتين - وعندك وضعين تانيين :
٤x٤ اوتو وده للغرس الخفيف والارض المزحلقة وده بتستخدمة والعربية ماشية عادى بس بسرعة مش عالية ساعة ماتيجى تستخدمه وبعد كده بتمشى عادى - ووضع ٤x٤ low للغرس الشديد والاوفرود وده ليه طريقة استخدام مختلفة عن الوضع الاول ومتمشيش بيه اكتر من سرعة ٤٠ كم / ساعة .
8 لو فى المطرة امشى خلفى ولا 4x4 جوا المدينة ؟؟؟
لو مطرة عادية امشى خلفى ولو الأرض فيها طينة ومزحلقة امشى ٤x٤ اوتو
9 لو صيانه ابو غالى ولا عز العرب ولا الهيئة العربية ؟؟ ولو كشف بردو انهى احسن فيهم و بكام
انا كنت بعمل الصيانة عند الطارق فى اسكندرية وهما زيهم زى كل التوكيلات فى مصر بس دلوقتى أنا باشترى قطع الغيار بس من التوكيل وباعمل الشغل بره .
10 لو كشف برا التوكيل عند مين فى مصر الجديدة او مدينة نصر مش الناحية التانية الهرم :)) و بكام
مقدرش افيدك فى الموضوع ده
11 عقد البيع التسجيل بكام لو 2011 او 2012 ؟؟ و الترخيص هو الضريبة ؟؟؟ يعنى لم الناس بتقول
دلوقتى كل العربيات المصنعة فى مصر او المستوردة من نفس الماركة بقى ليها رسوم واحده والشهر العقارى عنده لسته بالرسوم ممكن تسأل هناك ، بس حسب الموديل يعنى ٢٠١١ ممكن يكون رسوم تسجيلها فى حدود ٨٥٠٠ الى ٩٠٠٠ جنيه - ٢٠٠٩ دلوقتى ممكن تعمل فى حدود ٧٠٠٠ الى ٧٥٠٠ جنيه
الترخيص فى السنة ب 5 الاف نفس المعنى اللى هو الضريبة فى السنة 5 الاف؟؟
الضريبة بتقل كل سنة ٥٪ - انا دفعت لـ ٢٠٠٩ السنة دى الفين وشوية

12 انهى اتقل كوزن kk ولا رانجلر واحسن فى القاعدة وسفر ولا ناشفة زى رانجلر
الـ kk وزنها بدون ركاب حوالى ١٩٠٠ كيلوجرام والرانجلر وزنها بدون ركاب حوالى ١٧٠٠ كيلوجرام والـ kk قعدتها احسن ومش ناشفة زى الرانجلر

13 مستوى اسعار kk لو عادى وهاى لاين 2011 , 2012... انا شايف من 260 ل 320!! و الفرق بين الهاى لاين

و البيزك كام فى السعر لو نفس الموديل و الحالة...
السعر ده تشوفه على مواقع البيع زى دوبيزل وكونتاكت كار بتاخد فيه جولة وبعدين ساعة الشرا بيبقى فيه كلام تانى وبرضه حسب حالة العربية لما تشوفها لو متهانة يبقى متشكرين بدون سؤال عن السعر
14 تركب 2011 ماشية 40 الف ولا 2013 ماشية 40 الف بردو مع العلم ان ال 2 نفس الحالة فابريقة وزيرو؟؟ و

ياريت التوضيح للسبب يعنى الموديل ولا ال كم؟؟؟ طالما هى هى نفس العربية والكماليات و الشكل
بص العربيات دى طبعاً الكيلومتراج القليل فيها كويس بس مش كل حاجه لازم تشوفها كويس وده لينك لمشاركة ليا فيها ملخص إزاى تشترى العربيات دى

http://www.nilemotors.net/Nile/447849-2010.html

انا عارف ان الاسئلة كتير بس انا قريت المواضيع كلها ملقتش اى تفاصيل كاملة و كلها اساسا على الرانجلر :))
ماتقلقش الأسئلة الكتيرة ميزة علشان الكل يستفيد وممكن اكون نسيت حاجه او غلطت فى حاجه وحد تانى يكملها
فانا قولت اعمله بالتفصيل يساعدنى ويساعد ناس كتير بعدى ان شاء الله و اسف طولت عليكم بس انا

شخصيا تعبت فى كتابة الموضوع ده :))

ضرورى يا رجالة لو سمحتم عشان انا بشترى اليوين دول ان شاء الله و لسه معرفش اماكن للكشف برا

[Huss3iN]

ربنا يخليكم يا رجالة على الردود

احمد انا هشترى مستعمل ان شاء الله

Amadios

بجد شكرا على الردود بالتفصيل و معلش تعبك معايا....

فى حاجات مش فاهمها من الرد ف هاسال تانى ....

فتحة السقف فيميه تمام.. المون روف ديه ايه اللى هى بتفتح للاخر ؟؟ اعتقد مش البانوراما...

هسجل العربية فى الشهر العقارى ب 9 الاف ؟ D: لو 2011 او 12 ! ما شاء الله! :))

الحتة بتاعت الترخيص و الضريبة... الناس قصدها نفس المعنى ؟؟ لم يقولك هتترخص فى السنة ب 5 الاف

هى هى الضريبة فى المرور 5 الاف ؟؟ يعنى ال 3 سنين 15 مثلا...

فى موضوع السعر... فى كلام تانى ازاى ؟؟؟ انا قولت متوسط الاسعار اللى شوفتها... ل 2011 و 12

كم قليل من 260 ل 350.... كلام تانى يعنى لو الحالة زيرو ممكن انزل كام مثلا؟.؟ لو ب 280 الف... اقولو كام

عشان الراجل يطلع يجرى ورايا D:

ال كم اهم من الموديل... موضوع اقل من 100 الف كيلو ده حقيقى ولا مش فارقة طالما العربية بيتعمل

الصيانة فى معادها ؟؟ انا بتكلم على 120 او 140 الف كم مش 200 و الكلام ده

التوكيل انهى احسن عن تجربة عز ولا ابو غالى ولا هيئة ؟؟ بحجز ولا اروح على طول ؟؟

اكشف فين برا التوكيل حد فى مصر الجديدة او مدينة نصر....

[م/أحمد عبد الفتاح]

مافيش تعب ولا حاجه
المون روف ده غطا فتحة السقف من جوة بيبقى لون فرش السقف بتاع العربية ممكن يتفتح لوحده من غير ماتفتح فتحة السقف وبيبقى يدوى مش كهربا وده غير ال sky slider اللى كانوا بيعملوه فى ال kk الامريكانى وبطلوه علشان مشاكله كتيرة .
رسوم التسجيل فى الشهر العقارى فى الحدود اللى قولتلك عليها تقريباً ممكن تسأل هناك علشان تعرف الرقم بالظبط يمكن يكون اقل شوية من اللى انا قولتهولك .
الضريبة او رسوم تجديد الرخصة بتضرب المبلغ فى عدد السنين . انا عندى ٢٠٠٩ ضريبتها السنة دى كانت ٢٥٠٠ تقريبا فى السنة وكل سنة يتنزل ٥٪ . انا بافحص ٣ سنين وباجدد سنة بسنة والسنة الجاية ان شاء الله حاتبقى فى حدود ٢٢٠٠ مثلاً .
انا باقصد بالكلام التانى انك لما البائع بيحس انك حاتشترى وفلوسك جاهزة ممكن تتكلم وتتفاوض فى السعر شوية وماتشتريش طبعاً من تاجر عربيات علشان ممكن يبقى فيه اوفربرايس عن مالك السارة الاصلى والتجار مبيقوش مضمونين قوى . وكده كده لازم تسأل برقم العربية فى المرور لو ليك معرفة او تروح تسأل عادى من غير معرفه حتى بس تدى للى حيسألك رقم العربية بس وهو المفروض يقولك اسم المالك الاصلى علشان بس تبقى متاكد ان اللى بيسأللك مش بيشتغلك ويقولك عربية زى الفل.
الكيلومتراج القليل ميزة كويسة بس فيه عربيات كتير عاملة القل من ١٠٠ الف كم بس المهم الحالة وهل العربية متهانة ولا لا . وحالة الفرش من جوة وحالة العربية من برة . اقرا المشاركة بتاعتى اللى انا اديتلك اللينك بتاعها . طبعاً ١٤٠ الف كم فى العربيات دى ولا حاجه بس اقولك على حاجتين : انا نفسياً مقدرش اركب عربية دافع فيها دم قلبى حوالى ربع مليون وعدادها معلم فى ال ١٠٠ الف كم .( قلبى مايطاوعنيش). :)
تانى حاجه العربية الى عامله كيلو متراج كبير وبتعمل صيانتها فى التوكيل ( يعنى راحت التوكيل كتير) هو انت تعتقد التوكيل ده وكالة ناسا :) ، انت عارف ونا عارف ان التوكيلات دى فى الهجايص وعمالهم مش قد كده ، هما بس اللى نافعهم قطع الغيار الاصلى بس لو وقعت فى عطل عاوز مخمخه وفهم مش حتلاقى حد فى اى توكيل يعرف يوصل للعطل ده ويصلحه .... كلهم شغالين فك وتغيير وشكراً
بالنسبة للتوكيلات انا من اسكندرية وماتعاملتش مع حد من توكيلات القاهرة .
خليك فى ال ٧٠ الف كم بالكتير دى نصيحة .
واى اسئلة تانية تحت امرك .

[احمد فهمى]

Amadios مسبش حاجه مردش عليها بصراحه وانا مع كل الاي قالو وعندك متور الرانجلر هو نفسو بتاع الkk لحد 2011 بعد كده الرانجلر غيرت المتور والkk انا ركبت الرانجلر بس برشح الkk كماليات اعلى وفتحة سقف وعزل كويس بس ده ميمنعش ان لو رانجلر حاله كويسه وفرصه اشتري برضو الحاله هى الفيصل ومع احترامي للجميع مصر مينفعش فيها غير الدفع الرباعي واللي عامل ميزانيه قليله للعربيه مضطر يشتري سيدان بس مدفعش 200 او 300 الف فعربيه سواء بي ام او مرسيدس والشوارع تخرب فيها والناس تبهدل فيها وتزنق عليك غير قطع الغيار اللي بقت اسطوريه بمعنى الكلمه غير انك ممكن تدخل بيها اي مكان وفظروف البلد المهببه دى لو حد حاول يقفل عليك الطريق او يثبتك مش هيعرف حتى لو بنص نقل وعندك امكانيه تدخل فى الرمل او تطلع رصيف لو فى مصيبه فى الطريق اتكل على الله وخليك فى الدفع الرباعي

[Hussein_Ramdan]

2 فى فرق بينهم او تغيير فى الموتور و الفتيس بين 2009 و 2011 ؟؟ يعنى مثلا موتور جديد اقوى زى رانجلر

2012 ؟؟؟
هو هو الموتور الـ ٣٧٠٠ سى سى ٦ سلندر والفتيس الـ selctrac ll
الموتور البنتاستار الجديد بتاع الرانجلر إبتدى يعمل مشاكل فى امريكا وبقوا بيدوا عليه ضمان ١٥٠ الف ميل يعنى ٢٤١ الف كم تقريباً مدى الحياه
3 ال kk القديمة 3700 6 سلندر كام هورس باور ؟؟؟ و 2011 نفس الموضوع ولا اقوى ؟؟؟
الإتنين ٢١٠ حصان عند ٥٢٠٠ لفة/دقيقة ، ٢٣٥ باوند قدم (٣١٩ نيوتن متر) عند ٤٠٠٠ لفة/دقيقة
-----
ايه موضوع مشاكل الماتور الجديد انا معايا الماتور الجديد 2012 واول مره اسمع انو عامل مشاكل

[احمد فهمى]

حسين باشا فينك ؟ اتمنى تكون بخير وفعلآ المتور الجديد عمل شوية مشاكل فبعض العربيات فمصر منهم واحده مع صديق عملت طحينه يعنى الزيت دخل على الميه وهي فى الضمان اكتشفو طبه ضربت عند الجوان هم غيروها عادي بس حركه مش تمام وطبعآ واضح ان الهورس بور العالى متسبب فنسبة انضغاط عاليه للمحرك وبما ان المواتير دى لسه جديده يعنى مفيش منها وصل 100 او 150 الف كيلو كتير فطبيعى منعرفش باقى المشاكل

[Hussein_Ramdan]

حسين باشا فينك ؟ اتمنى تكون بخير وفعلآ المتور الجديد عمل شوية مشاكل فبعض العربيات فمصر منهم واحده مع صديق عملت طحينه يعنى الزيت دخل على الميه وهي فى الضمان اكتشفو طبه ضربت عند الجوان هم غيروها عادي بس حركه مش تمام وطبعآ واضح ان الهورس بور العالى متسبب فنسبة انضغاط عاليه للمحرك وبما ان المواتير دى لسه جديده يعنى مفيش منها وصل 100 او 150 الف كيلو كتير فطبيعى منعرفش باقى المشاكل

انتا عامل ايه ياباشا كلو تمام الحمد لله
والله ياباشا انا مش عارف بس يمكن المشكله الى انتا بتقولها تكون بسيطه شوية
بس مش عارف الصراحه الموتور دة قوى جدا وموفر فى البنزين
وجيب اعتمد الماتور دة فى الرنجلر والجراند وكمان نزلت فى الشيروكى
ولسه نازل من الماتور دة نسخه 700 حصان بس فعلا كل حاجة فى الاول فيها مشاكل اهو هنشوف هترسى على ايه

[احمد فهمى]

انتا عامل ايه ياباشا كلو تمام الحمد لله
والله ياباشا انا مش عارف بس يمكن المشكله الى انتا بتقولها تكون بسيطه شوية
بس مش عارف الصراحه الموتور دة قوى جدا وموفر فى البنزين
وجيب اعتمد الماتور دة فى الرنجلر والجراند وكمان نزلت فى الشيروكى
ولسه نازل من الماتور دة نسخه 700 حصان بس فعلا كل حاجة فى الاول فيها مشاكل اهو هنشوف هترسى على ايه

اعتمادهم المتور مش معناه ان ملوش مشاكل في عوامل اخري كتير منها ان مفيش بديل اعلى وافضل يعنى مثلآ فولكس رغم عيوب الفتايس الdsg والكوارث اللي حصلت والمواتير الtsi ولسه لليوم ومن سنين ما زالت مستخدمه بس رغم مشاكل الجيب يشفعلها حجمها واستخدامها الفائق فى كل الطرق