طرازات الكورونات الخلفية فى الجيب

[م/أحمد عبد الفتاح]

أنا حبيت أجمع طرازات الكورونات الخلفية الموجودة فى العربيات الجيب عموماً ودى معظم طرازات الكورونات الخلفية الموجودة فى العربيات الجيب :
الكورونة الخلفية (Rear Axle) :
١- دانا ٣٥ (DANA 35) :



وهى تنقسم إلى طرازين:
- DANA 35/194
وتوجد فى الجيب : TJ, XJ, YJ
ونسب التخفيض : 3.07 - 3.55 - 3.73 - 4.11
- DANA 35/198
وتوجد فى الجيب : WJ - KJ
ونسب التخفيض : 3.31 - 3.55 - 3.73 - 4.10

٢- دانا ٤٤ (DANA 44) :



وهى تنقسم إلى ٣ طرازات:
- DANA 44/216
وتوجد فى الجيب : TJ - YJ
ونسب التخفيض : 3.07 - 3.55 - 3.73 - 4.10
- DANA super 44/226
وتوجد فى الجيب : WJ - WK - Commander
ونسب التخفيض: 3.55 - 3.73 - 3.91
- DANA super 44/226
وتوجد فى الجيب : JK
ونسب التخفيض : 3.21 - 3.73 - 4.10

٣- Chrysler 8.25



وهى توجد فى الجيب : KJ - KK - XJ - SJ
ونسب التخفيض : 3.55 - 3.73 - 4.10 و يوجد عدة نسب أخرى ولكنها قليلة الوجود لم أذكرها.

ملحوظة : حتلاقى الـ DANA 35 مشابهة للـ Chrysler 8.25 لأنهم الإتنين ١٠ مسامير - بس الفرق إللى بينهم إن الـ Chrysler 8.25 مستقيمة شوية من تحت ومن فوق وكمان مساميرها متناسقة كل مسمار يقابله مسمار من الناحية المقابلة - الـ Dana 35 مساميرها من الشمال أزيد من اليمين لو إنت باصص من ورا السيارة (لأنها أعرض فى الشمال عن اليمين) .
وإن شاء الله قريب حانزل طرازات الكورونة الأمامية .
أرجو من السادة الأعضاء لو فيه أى إضافة لايبخلوا بيها علينا حتى تعم الفائدة ونثرى الموضوع.

[ahmed_eng2001]

[م/أحمد عبد الفتاح]

الله ينور يامعلم :)
الكورونة الـ Dana 30 جيب مش بتستعملها كورونة خلفية دايماً بيستعملوها أمامية وده فى الحلقة الجاية إن شاء الله

[ahmed_eng2001]

انا منتظر الحلقة الجاية علشان اتعرف اكتر على الكوارين الامامية للجيب ....

علشان حصل نقاش حامى الوطيس مع احد تجار قطع غيار الشيروكى فى المنوفية الذى اكد ان الكارونة الامامية ممكن تكون غير الكارونة الخلفية .... الى اللقاء فى الحلقة القادمة ان شاء الله :)

[م/أحمد عبد الفتاح]

هو فعلاً الكورونة الأمامية والكورونة الخلفية ممكن يكونوا من طرازين مختلفين بس أهم شرط يكون موجود إن الإتنين يبقى نسبة التخفيض بتاعتهم واحدة

[ahmed_eng2001]

هو فعلاً الكورونة الأمامية والكورونة الخلفية ممكن يكونوا من طرازين مختلفين بس أهم شرط يكون موجود إن الإتنين يبقى نسبة التخفيض بتاعتهم واحدة

و دى كانت نقطة الخلاف ..... احنا نقول لازم نسبة التخفيض ( عدد الاسنان ) و هو يقول لأ مش لازم !!!!

[م/أحمد عبد الفتاح]

و دى كانت نقطة الخلاف ..... احنا نقول لازم نسبة التخفيض ( عدد الاسنان ) و هو يقول لأ مش لازم !!!!

نسبة التخفيض المفروض بتبقى مكتوبة على الكورونة هى وتاريخ الإنتاج وشوية حاجات تانية بس عموماً فيه طريقة تعرف بيها نسبة التخفيض فى الفيديو ده

https://www.youtube.com/watch?v=i_Enyf67KTs

[احمد فهمى]

افادك الله موضوع موسوعه واحنا عندنا جهل بالكوارين فمصر كلها تسبب فى خراب غالب جيب مصر

[ahmed_eng2001]

فيديو جميل و طريقة سهلة لمعرفة نسبة تخفيض الكارونة

ربنا يكرمك

[Mecha]

هو فعلاً الكورونة الأمامية والكورونة الخلفية ممكن يكونوا من طرازين مختلفين بس أهم شرط يكون موجود إن الإتنين يبقى نسبة التخفيض بتاعتهم واحدة

كلام مظبوط ,والا ياتقطم كرادين واكوسه او تكحت كاوتش او كلو
كدا تبقي العربيه في 4x4 متلجمه

[Mecha]

الله ينور يامعلم :)
الكورونة الـ dana 30 جيب مش بتستعملها كورونة خلفية دايماً بيستعملوها أمامية وده فى الحلقة الجاية إن شاء الله

الله ينور ياباشا ,ومتنساش الكوارين الوسطانيه بالمرة

[ahmed_eng2001]

الله ينور ياباشا ,ومتنساش الكوارين الوسطانيه بالمرة

جديدة عليا موضوع الكوارين الوسطانية دى .... انا متابع معاكوا

[Mecha]

جديدة عليا موضوع الكوارين الوسطانية دى .... انا متابع معاكوا

االكارونه الوسطانيه دي بتبقي جوه transfer case في بعض الموديلات زي wrangler , وهي اساسي في AWD toyota awd
شغلتها توزع العزم بين الدفرنسيه الامامي والخلفي وبكده في عربيه 4x4 تقدر تشغلها رباعي طول الوقت مش part time
وفي انواع ليها لوك عشان لو حصل slip بين الاكسات زي مناطق الجليد والرمل الناعم ,وبتبان في ثبات واتزان العربيه بالذات ع الاسفلت واللي ساق تيوتا RAV4 علي الرمل بيحس بدا جدا
ودي بتاع الرنجلر,واعذرني مش هكتر عشان منحرقش موضوع م.احمد

[mohbasyouni]

موضوع جميل و معلومات قيمة و باشكر صاحب الموضوع و المشاركين فية

[م/أحمد عبد الفتاح]

الله ينور ياباشا ,ومتنساش الكوارين الوسطانيه بالمرة

خد الفيديو ده تصبيرة بس اوعى تسرح مع المزيكة :)

https://www.youtube.com/watch?v=0gUSaNryioI