فتيس الغرز

[Hussein_Ramdan]

الى المهندس احمد
نرجو منك عمل موضوع عن الفتيس الغرز
عشان انا الصراحه معرفش بيشتغل ازاى وايه امكانيه ابتعامل معا عشان بسمع لو حد اتعامل معاه غلط ممكن يتكسر كل.
انا جيب رنجلر 2012 وعمرى ما استخدمتو هه عامل زحمه فى العربيه على الفاضى هههههههههههه

[Hussein_Ramdan]

ومكتوب على الفتيس 2h
4h
n
4h
الصراحه انبارح كان فى شارع فى رمل كتير ودخلت غرزت والناس كلها ضحكت عليه وواحد قالى دى جيب صينى مش جيب اصلى هههههههههههه

[م/أحمد عبد الفتاح]

ومكتوب على الفتيس 2h
4h
n
4h
الصراحه انبارح كان فى شارع فى رمل كتير ودخلت غرزت والناس كلها ضحكت عليه وواحد قالى دى جيب صينى مش جيب اصلى هههههههههههه

العربية الرانجلر جر رباعى 4h دايماً فانت بتمشى كده فى العادى على كافة الطرق ومكن برضه الوضع ده يعديك من الغرس الخفيف بس لو غرز جامد يبقى حاتقف بالعربية تماماً وتجيب الفتيس الاوتوماتيك على الN وبعدين تجيب فتيس الغرز على 4L وبعدين تحط الفتيس الاوتوماتيك على وضع ١ او وضع ٢ حسب ظروف الطريق وتمشى بسرعة بطيئة لغاية متطلع من الغرز وبعدين تقف تانى وتجيب الفتيس الاوتوماتيك على وضع ال N وفتيس الغرس على وضع ال 4h وتمشى على الD عادى بعد كده . وضع ال N بتاع فتيس الغرز ده بتجيبه لما تكون العربية لاقدر الله عطلانة وحاتتقطر لازم يكون فتيس الغرس والفتيس الاوتوماتيك التنين على وضع الN علشان الجيربوكس وفتي الغرس مايبوظوش .
ده لينكات لموضوعات فيها شرح للحاجات دى :

http://www.nilemotors.net/Nile/454612-a.html

http://www.nilemotors.net/Nile/455892-a.html

[م/أحمد عبد الفتاح]

ولو العربية جت فى حته ومش قادرة تتحرك ماتقرصش عليها - تجيب مارشدير وترجع شوية وبعدين تتحرك لقدام تانى

[automea]

بسم الله الرحمن الرحيم بص فتيس الغرز ده هو اسمه العلمي differential lock
يعني الكرونة بتكون جسم واحد يعني تفريق السرعات مش بيكون موجود وده موضو يطول شرحة الخلاصة
ان فتيس الغرز ده بيلغي خاصية الكرونة ويخلي العجل يلف كله بنفس اسرعة فالعجله الي traction يعني العجلة الي عندها عزم هي الي هتشتغل وبالتالي هتطلع العربية من الغرز
بس لا ينصح بتشغيل الفتيس الغرز ده على طول لانه بياكل الكوتش المفروض تستخدمة في حالات الغرز بس :)

غرز يعني العربية تغرز في رملة او طينة ومتعرفش تطلعها :)

[احمد فهمى]

حسين باشا المهندس احمد عمل موضوع اكثر من رائع راجعو فى القسم ده يستحق يكون مرجع لكل ركيبة الدفع الرباعي

[Hussein_Ramdan]

تمام اوووى اشكرك يا م.احمد مش جديده عليك المعلومات الجامده دى اووى
شكرا يا احمد فهمى باشاا
automea كده وضح الموضوع اشكرك
الوحد ماكنش عارف يتعامل معا البتاع دة ازاى