استفسار عن افضل الزيوت

[7masa]

عايز اعرف احسن زيت لموتور الجيب لو هجيبوا 5000
واحسن زيت كمان للفتيس و الكرونة وكل كام كيلوا يتغيروا او ازودهم امته
و كمان الكرونة القدام بغيرلها الزيت حتى لو بشغلها كل فترة كبيرة ولا مبغيروش
وهل الميه الخضرة هتفرق عن العدية ف تقليل سخونت الموتور
مع العلم عربيتى شيروكى 97 4100cc
يا ريت الى عندوا معلومة يفدنا ........... واحلى شكرااا

[م/أحمد عبد الفتاح]

بالنسبة للموتور بيبقى 10w-30 لو زيت ٥٠٠٠ كم
وبالنسبة للفتيس لو اوتوماتيك بيبقى زيت شيل Shell spirax s4 ATF HDX
وبالنسبة للكورونة الوسطى (transfer case) بيبقى نفس زيت الجيربوكس
بالنسبة للكورونات الأمامية والخلفية لازم تعرف نوعهم ايه وفيه موضوعين عن الكورونات الخلفية والأمامية وده لينكهم علشان تبص على الكورونات اللى عندك وتقولنا على نوعهم فنعرف زيتهم :

http://www.nilemotors.net/Nile/455535-a.html

http://www.nilemotors.net/Nile/455247-a.html

بالنسبة لوضوع المية الخضرا هى فعلاً بتدى تبريد احسن بدرجه صغيرة ولكن احسن فايدة ليها منع الصدأ
تغيير زيوت الكورونات عندك بيبقى كل حوالى ٢٠ : ٢٥ الف كم للكورونات الامامية والخلفية وكل حوالى ٤٠ الف للفتيس والكورونة الوسطى - ويستحسن تغير زيت الكورونة الأمامية والخلفية مع بعض علشان متخشش فى حسبة عويصة وكمان الكورونة الامامية او الخلفية مش بتاخد زيت كتير
وتحت امرك فى اى استفسار

[Mecha]

الكوارين امامي وخلفي 80w90
فتيس وصندوق غرز ATF transmission
متور 15w40

[7masa]

بالنسبة للموتور بيبقى 10w-30 لو زيت ٥٠٠٠ كم
وبالنسبة للفتيس لو اوتوماتيك بيبقى زيت شيل Shell spirax s4 ATF HDX
وبالنسبة للكورونة الوسطى (transfer case) بيبقى نفس زيت الجيربوكس
بالنسبة للكورونات الأمامية والخلفية لازم تعرف نوعهم ايه وفيه موضوعين عن الكورونات الخلفية والأمامية وده لينكهم علشان تبص على الكورونات اللى عندك وتقولنا على نوعهم فنعرف زيتهم :

http://www.nilemotors.net/Nile/455535-a.html

http://www.nilemotors.net/Nile/455247-a.html

بالنسبة لوضوع المية الخضرا هى فعلاً بتدى تبريد احسن بدرجه صغيرة ولكن احسن فايدة ليها منع الصدأ
تغيير زيوت الكورونات عندك بيبقى كل حوالى ٢٠ : ٢٥ الف كم للكورونات الامامية والخلفية وكل حوالى ٤٠ الف للفتيس والكورونة الوسطى - ويستحسن تغير زيت الكورونة الأمامية والخلفية مع بعض علشان متخشش فى حسبة عويصة وكمان الكورونة الامامية او الخلفية مش بتاخد زيت كتير
وتحت امرك فى اى استفسار

الف شكر يا بشمهندس
استفسار اخير بس
العربية كان فيها ماية عدية قبل مشتريها فا فيه صدا فيه
فالازم انضفه الاول وبعد كده احتله ماية خضرة ولا ايه ؟
ولو هندفة انضفه ب ايه ؟ واحسن نوع ميه خضرة اجيبه ايه عشان ناس كتير بتقول مش كل الانواع كويسة .
و الكرونة الخلفية كريسلر 8.25 والامامية مشفتهاش

معلش بقى تعبك معاية واسف على الاطالة .

[م/أحمد عبد الفتاح]

الف شكر يا بشمهندس
استفسار اخير بس
العربية كان فيها ماية عدية قبل مشتريها فا فيه صدا فيه
فالازم انضفه الاول وبعد كده احتله ماية خضرة ولا ايه ؟
ولو هندفة انضفه ب ايه ؟ واحسن نوع ميه خضرة اجيبه ايه عشان ناس كتير بتقول مش كل الانواع كويسة .
و الكرونة الخلفية كريسلر 8.25 والامامية مشفتهاش

معلش بقى تعبك معاية واسف على الاطالة .

بالنسبة للرادياتير يتغسل ويتسلك عند بتاع الرادياتيرات وبعد كده تحط ميه عادية وتتاكد ان مافيش تسريب يعنى الميه مش بتنقص وتحط عليها نوع ميه خضرا مركز بيتباع فى كانز زى البيبسى فيه نوع لونه اخضر ولما تمسك العلبة وترجهابتحس ببروده فى ايدك - مش فاكر اسمه بس بكرة ان شاء الله حاصوره وانزلك الصورة بتحط حوالى علبتين .
الكورونة الخلفية عندك لو كرايزلر ٨,٢٥ يبقى زيتها زيت تروس 75w-140 ويستحسن يكون زيت مخلق synthetic
الكورونة الامامية عندك اعتقد كده حاتكون دانا ٣٠ ( ابقى اتاكد من شكلها حسب الموضوعين اللى ذكرت اللينك بتاعهم قبل كده)
لو طلعت دانا ٣٠ فعلا يبقى زيت تروس 80w-90 ويستحسن برضه يكون زيت تخليقى synthetic

[م/أحمد عبد الفتاح]

ملحوظة بس علشان الفتيس لو اوتوماتيك يبقى النوع اللى ذكرتهولك ولو مانيوال حايبقى زيت تانى خالص

[7masa]

ملحوظة بس علشان الفتيس لو اوتوماتيك يبقى النوع اللى ذكرتهولك ولو مانيوال حايبقى زيت تانى خالص

لا هو اوتوماتيك تمام و الكرونة الامامية دانا 30
و اخر استفسار بس
انا عندى لاما بدوس بنزين مرة واحده زى كيك دون كده بلاقى عجلة واحده بس اللى بتلف و التانية لا زى ما تكون دفع عجلة واحده ههههههههههههههه ولا ده طبيعى ؟؟؟
و شكرا جدااااا على الافادة تعبتك معاية يا هندسة

[م/أحمد عبد الفتاح]

لا هو اوتوماتيك تمام و الكرونة الامامية دانا 30
و اخر استفسار بس
انا عندى لاما بدوس بنزين مرة واحده زى كيك دون كده بلاقى عجلة واحده بس اللى بتلف و التانية لا زى ما تكون دفع عجلة واحده ههههههههههههههه ولا ده طبيعى ؟؟؟
و شكرا جدااااا على الافادة تعبتك معاية يا هندسة

مافيش تعب ولا حاجه
هو سؤاالك اجابته طويلة شوية ومعقدة شويتين
- لما يكون فيه عجلة من العجلتين اللى على الاكس فى الميه او الرمل أو فى الطين ( او غارسه ) لما تدوس بنزين حتلف على الفاضى - فى العربيات العادية اللى مش دفع رباعى بيروح العزم كله للعجلة اللى حركتها سهلة ( الغارسة)إللى بتلف عالفاضى حتى لو العجلة التانية مش بتلف عالفاضى.
- فى العربيات الدفع الرباعى عملوا حاجه فى الكورونات اسمها اللوك او الـ LSD ودى بتضمن ان جزء من العزم يروح للعجلة التانية اللى مش بتلف على الفاضى. كمان ممكن يعملوا حاجه تانية اسمها الـ traction control ودى بتفرمل العجلة اللى بتلف على الفاضى علشان العزم يروح للعجلة اللى مش بتلف على الفاضى .
اللى بيحصل معاك ده بسبب وجود حاجه من دول يالكورنة الخلفية عندك فيها لوك أو الـ traction control بيفرمل عجلة .

[م/أحمد عبد الفتاح]

ملحوظة تانية بخصوص الكورونة الخلفية عندك - لو إستعمالك للعربية خفيف مش بتحمل حاجات تقيلة أو مش بتخش مناطق غرس كتير ممكن تستعمل زيت زى بتاع الكورونة الأمامية

[م/أحمد عبد الفتاح]

دى صورة لعلبة المية الخضرا المركزة ودى تزودها على المية العادية اللى حتملى بيها الرادياتير بعد ماتنضفة فى حدود علبتين وبتتباع فى البنزينات او فى كارفور وسعر العلبة تقريباً على ما أتذكر فى حدود ٢٠ جنيه

[7masa]

مافيش تعب ولا حاجه
هو سؤاالك اجابته طويلة شوية ومعقدة شويتين
- لما يكون فيه عجلة من العجلتين اللى على الاكس فى الميه او الرمل أو فى الطين ( او غارسه ) لما تدوس بنزين حتلف على الفاضى - فى العربيات العادية اللى مش دفع رباعى بيروح العزم كله للعجلة اللى حركتها سهلة ( الغارسة)إللى بتلف عالفاضى حتى لو العجلة التانية مش بتلف عالفاضى.
- فى العربيات الدفع الرباعى عملوا حاجه فى الكورونات اسمها اللوك او الـ LSD ودى بتضمن ان جزء من العزم يروح للعجلة التانية اللى مش بتلف على الفاضى. كمان ممكن يعملوا حاجه تانية اسمها الـ traction control ودى بتفرمل العجلة اللى بتلف على الفاضى علشان العزم يروح للعجلة اللى مش بتلف على الفاضى .
اللى بيحصل معاك ده بسبب وجود حاجه من دول يالكورنة الخلفية عندك فيها لوك أو الـ traction control بيفرمل عجلة .

تقريبا اللى عندى كده لوك انا بس كنت فاكر ان كده فيه حاجه بيظه فى الكرونة
متشكر جداااا عالمعلومات اللى بفلوس ديه هههههههه

[7masa]

احب استفيد من خبرتك بقى معلش
سالت اكتر من حد زيت شيل كويس كلهم شكروا فيه فاهل الزيوت اللى قولتهالى ديه فى منها شيل بردوا ولا انواع تانية؟؟
بس مع العلم ان اللى فيها دلوقتى موبل 5000 برضوا بس انا هغير لشيل ينفع من غير ما اغير فلتر ؟؟
وحاجه بخصوص الميه الخضره لو الميه نقصت بعد فترة هزودها ميه عديه عادى تمام
ولمدة اد ايه مثلا وارجع اكرر الموضوع ده تانى ؟
واسف للاطالة يا هندسة نستفيد منك

[م/أحمد عبد الفتاح]

زيوت شل فعلاً من الزيوت الكويسة وأنا كاتبلك نوع زيت الفتيس والـ transfer case
بالنسبة لزيت الموتور حتلاقى فى شل انواع كتير للـ ٥٠٠٠ المهم يكون 10w-30 أو 10w-40
وزيت الكوارين حتسأل برضه عن انواع زيوت التروس اللى قلتها لك فى اى بنزينة شل
لو حاتغير نوع الزيت لازم تغير الفلتر
الميه تزودها ميه عادية لو نقصت ( الطبيعى شوية صغيرين يمكن اقل من نص لتر فى الشهر) - لو نقصت منك بالمعدل ده يبقى تزود علبة من اللى قولتلك عليها كل سنة مثلاً ( أو كل ٦ لتر تزويد)

[7masa]

متشكر جدا جدا عالمعلومات و الافاده يا هندسة

[7masa]

زيوت شل فعلاً من الزيوت الكويسة وأنا كاتبلك نوع زيت الفتيس والـ transfer case
بالنسبة لزيت الموتور حتلاقى فى شل انواع كتير للـ ٥٠٠٠ المهم يكون 10w-30 أو 10w-40
وزيت الكوارين حتسأل برضه عن انواع زيوت التروس اللى قلتها لك فى اى بنزينة شل
لو حاتغير نوع الزيت لازم تغير الفلتر
الميه تزودها ميه عادية لو نقصت ( الطبيعى شوية صغيرين يمكن اقل من نص لتر فى الشهر) - لو نقصت منك بالمعدل ده يبقى تزود علبة من اللى قولتلك عليها كل سنة مثلاً ( أو كل ٦ لتر تزويد)

انا مش لاقى غير 20w50 يا هندسه ده كويس ولا يعمل مشكله ؟؟