إعـــــــلان

Collapse

.

,
See more
See less

استفسار عن حاجه ف جيب 97

Collapse
X
 
  • Filter
  • الوقت
  • Show
Clear All
new posts

  • استفسار عن حاجه ف جيب 97

    استفسار بس عن حاجات مش فهمها ف عربيتى

    1- فى علامات فى التبلوه مش فاهم معناها و مبتنورش خالص وفيه بتنور بس برضوا مش فهمها ::
    اللى بينور زى كلمت( gen ) .
    واللى مش بينور خالص زى ( security ) لا و فيه كمان علامت (abs) رغم ان الميكانيكى قلى هيا مفهاش وملقتش فعلن مكان ف علبت الفيوز ليها بس موجود علمتها ف ضهر غطه علبت الفيوز- و فيه علامه كمان مرسومه زى البيوت الخشب كده الى سقفها رقم 8 بالعربى .

    2- فيه ف فتيس الغرز كلمت
    4part time زى اللى ف التبلوه و كلمت 4full time
    تحتها على طول بس بنهم حرف X مش فاهم معناهم ده غير كلمت 4Lo و ديه عارف معناها . و شكرا


  • #2
    متابع

    Comment


    • #3
      بالنسبة لفتيبس الغرز عندك فيه كذا وضع:
      ١- 2wd ده الوضع بتاع الجر الخلفى فقط ( لو موجود عندك)
      ٢- 4x hi part time ده وضع حاشرحه فى الاخر
      ٣- 4x hi full time ده وضع بيعشق الكورنة الامامية والخلفية مع الكورونة الوسطى (على ترس بنسبة ١:١) ويبقى كل اكس واخد ٥٠٪ من العزم مهما كانت حالة الطريق وده مناسب لو ماشى فى ارض مزحلقة
      ٤- 4x low وده وضع بيعشق الكورونة الامامية والخلفية مع الكورونة الوسطى ( على ترس بنسبة ١:٢,٧١) وده بتستعمله لما تكون ماشى فى غرز جامد وبيكون فيه العزم اقوى من الوضع بتاع 4x hi full time ٣ مرات إلا ربع (علشان نقلت على ترس فى الكورونة الوسطى نسبته ١:٢,٧٢) وبرضه بيكون العزم متوزع بين الاكس الامامى والخلفى بنسبة ٥٠٪ لكل واحد فيهم.
      نيجى بقى لموضوع الـ 4x hi part time :
      ده وضع بيتم تعشيق الكورونة الامامية والخلفية مع الكورونة الوسطى ولكن بيحصل لوك للكورونات ( زى وضع الـ 4x low ) طبعاً فى الحالة دى ممكن يحصل حمل على الاكس الأمامى تخلى التحكم فى الدركسيون والعربية صعب جداً علشان كده محدش بيستعمل الوضع ده خالص لأنه كمان بيسبب تاكل العجل بسرعه. والناس بتمشى على الوضع 4x hi full time ومريحين دماغهم :)
      حاتقولى جيب عملته ليه - حاقولك قلة عقل بعيد عنك :)
      Last edited by م/أحمد عبد الفتاح; 24-02-2015, 12:39 AM. سبب آخر: تصحيح حرف
      amadios سابقا

      Comment


      • #4
        ابقى صور اللمبات ونزلها علشان أنا مش فاهم قصدك ايه؟
        amadios سابقا

        Comment


        • #5
          الف الف الف شكر يا هندسة
          تمام هصورهالك بس يا رب تبان بس

          Comment


          • #6
            المشاركة الأصلية كتبت بواسطة م/أحمد عبد الفتاح مشاهدة المشاركة
            ابقى صور اللمبات ونزلها علشان أنا مش فاهم قصدك ايه؟

            للاسف
            فيه طبقى عكسه فقيهم فا مش بينين حتى مش بينوروا عشان اعرف اسورهم اللى بتنور بس هى gen اول ما بفتح الكونتاك بس ثنيتين او تلاته وططفى مع check engine انما البقيين مش بينيين خالص و مش بينوروا

            Comment


            • #7
              و حاجه كمان ان لمبت فرامل اليد لما برفعها بتنور اوى ولما انزلها للاخر الاضاءه بتقل بس مش بتطفى خالص ده عادى ولا كده فى عيب ف التبلوه ولا الفرامل ؟؟

              Comment


              • #8
                اتمنى حد يفهمنى عشان مش عارف اجيب صوره وضحه لللمبات ديه

                Comment


                • #9

                  اتمنى اللى فاهم قصدى يفهمنى عشان للاسف برضوا اللمبات مش بينين ف الصوره

                  Comment


                  • #10
                    عربيتك محتاجه مراجعة كهربا للعداد
                    [RIGHT][B][FONT=Impact]أحمد فهمى[/FONT]
                    [/B][/RIGHT]

                    Comment


                    • #11
                      لمبة الـ GEN دى معناها ان الدينامو بعافية شوية - اول حاجه حتنضف قواطيش وصوابع البطارية كويس وبعدين تنضف ترامل الدينامو( أطراف الدينامو) وتشوف شد السير مشدود كويس ولا لأ وتظبطه وبعدين تركب كل حاجه لو اللمبة طفت يبقى خلاص يادار مادخلك شر ولو فضلت منورة يبقى تدور العربية وتقيس على البطارية بالفولتميتر موجب وسالب وانت دايس بنزين نص دوسة وتشوف الفولتميتر قرا كام - لو قرا ١٤ وكسور يبقى الدينامو كده تمام ولو قرا أقل من ١٣,٨ يبقى الدينامو فيه مشكلة تفكه وتشوف عاوز دايودات (ريكتفير) ولا عاوز يتغير.
                      تانى حاجة لمبة الـ security المفروض على ما أعتقد لو عندك باب مفتوح تنور فممكن تكون اللمبة فى التابلوة محروقة أو تراجع على الفيوزات .
                      لمبة الـ abs أعتقد ان الموديل ده فيه abs لان الـ abs موجود من قبل كده اعتقد من سنة ٨٩ - روح لميكانيكى بيفهم فى الجيب يكشف عليه ويشوف المشكلة فين سنسور ولا إيه الحكاية.
                      بالنسبة للمبة فرامل اليد اكشف على مستوى زيت الفرامل فى علبة زيت الفرامل اللى على الماستر العمومى لو ناقص كمله - لو طفت يبقى يادار مادخلك شر :) ولو فضلت منورة اكشف على التيل الامامى والخلفى يمكن يكون خلاص جاب اخره.
                      لمبة البيت الخشب دى بقى مش عارف بصراحة بس ممكن تكون خاصة بحاجه بتحصل ساعات اسمها limb home ودى لو حصل مشكلة فى الفتيس بتخلى العربية تمشى بالراحة وماتنقلش اكتر من التانى علشان بس توصلك البيت او لمركز الصيانة - والله اعلم
                      Last edited by م/أحمد عبد الفتاح; 25-02-2015, 12:53 AM. سبب آخر: إضافة كلمة
                      amadios سابقا

                      Comment


                      • #12
                        شوف كده زيت الفرامل والتيل لو حلوا مشكلة اللمبة بتاعة فرامل اليد ممكن احتمال كبير لمبة الـ abs تطفى - لو مطفتش روح اكشف عند ميكانيكى بيفهم فى الجيب
                        amadios سابقا

                        Comment


                        • #13
                          المشاركة الأصلية كتبت بواسطة م/أحمد عبد الفتاح مشاهدة المشاركة
                          لمبة الـ GEN دى معناها ان الدينامو بعافية شوية - اول حاجه حتنضف قواطيش وصوابع البطارية كويس وبعدين تنضف ترامل الدينامو( أطراف الدينامو) وتشوف شد السير مشدود كويس ولا لأ وتظبطه وبعدين تركب كل حاجه لو اللمبة طفت يبقى خلاص يادار مادخلك شر ولو فضلت منورة يبقى تدور العربية وتقيس على البطارية بالفولتميتر موجب وسالب وانت دايس بنزين نص دوسة وتشوف الفولتميتر قرا كام - لو قرا ١٤ وكسور يبقى الدينامو كده تمام ولو قرا أقل من ١٣,٨ يبقى الدينامو فيه مشكلة تفكه وتشوف عاوز دايودات (ريكتفير) ولا عاوز يتغير.
                          تانى حاجة لمبة الـ security المفروض على ما أعتقد لو عندك باب مفتوح تنور فممكن تكون اللمبة فى التابلوة محروقة أو تراجع على الفيوزات .
                          لمبة الـ abs أعتقد ان الموديل ده فيه abs لان الـ abs موجود من قبل كده اعتقد من سنة ٨٩ - روح لميكانيكى بيفهم فى الجيب يكشف عليه ويشوف المشكلة فين سنسور ولا إيه الحكاية.
                          بالنسبة للمبة فرامل اليد اكشف على مستوى زيت الفرامل فى علبة زيت الفرامل اللى على الماستر العمومى لو ناقص كمله - لو طفت يبقى يادار مادخلك شر :) ولو فضلت منورة اكشف على التيل الامامى والخلفى يمكن يكون خلاص جاب اخره.
                          لمبة البيت الخشب دى بقى مش عارف بصراحة بس ممكن تكون خاصة بحاجه بتحصل ساعات اسمها limb home ودى لو حصل مشكلة فى الفتيس بتخلى العربية تمشى بالراحة وماتنقلش اكتر من التانى علشان بس توصلك البيت او لمركز الصيانة - والله اعلم
                          الف شكر يا هندسه
                          بس تمام لمبة GEN بتطفى انا بس كنت عايز اعرف بتاعت ايه
                          والبقيين مش بينوروا خالص فا كنت عايز اعرف ليه مش بينوروا و معناهم ايه
                          بس تقريبا كده الكهربه فيها مشكله
                          انا بروح لميكنيكى معهوش جهاز يكشف بيه ولا اى حاجه هو بس عندو خبره
                          انا ققرب حاجه ليا صقر قريش بس كنت هايز اعرف لو روحت يعملولى فحص للعربية هيتكلف كام مثلا
                          و متشكر جدا للافاده يا هندسة

                          Comment


                          • #14
                            و سوأل كمان بس هو مش المفروض لمبات اى نظام ف العربيه زى نظام abs كده تنور تعمل تشيك كده وبعد كام ثانية تطفى
                            انا مع ابويا النترا 2010 التبلوه كله بينور يعمل تشك و بعد كام ثانبة اللمبات كلها تطفى ولو فيه مشكله ف نظام مثلا زى ال abs برضه لمبته ساعتها مبتطفيش

                            ولا الشيروكى مش كده ؟؟

                            Comment

                            Working...
                            X