■ليه تركب جيب؟ (للمناقشه)■

[م/أحمد عبد الفتاح]

هو انت لما سالت كان قصدك ليه تركب دفع رباعي ولا جيب ! اصل لقيت الموضوع خرج بره نطاق الجيب خالص بقا في تيوتا و نيسان ف الحوار ~
المهم انا بعشق حاجه اسمها شيروكي ~ تسعينات ~ عربيه بمعني كلمه عربيه ف اي حاجه معاك عربيه مجرد ما بتقولها روحي مبتشوفهاش ~ يعني معاك ف اي حاجه صحيح مكلفه شوية من نحية البنزين ~ بس كفايه انك مجرد ما رجلك بتنزل ع الكفةة بتلاقي العربيه بتاكل ف الارض ~ صحيح قطع الغيار غاليه لانها معمره جدا جدا يعني بتجيب الحاجه وتنساها بمعني كلمه تنساها ~ يعني مش كل شهرين ولا حاجه هتروح تغيرلك كوبلن عشان طقطقه ولا اي من الكلام ده كفايه جدا انك هتنسي حاجه اسمها مساعد ضرب دي ~ هتنسي شئ اسمو مرايات اتكسرت عربيه عالية عن الارض وعضمها ناشف جدا يعني تضمن انك مش هتركنها وتروح مشوار ترجع تلاقيها مخبوطه وانت زعلان بالعكس ممكن تتخبط وانت ماتخدش بالك بس صاحبنا التاني هيزعل زعله حلوة ~ من الاخر انت معاك عربيه ف اي حاجه هتلاقيها جبال صحره اسفلت اي حاجه هتسد معاك عكس السيدان وبالزات الحديث اركب مثلا جيب شيروكي 99 واركب مثلا اي سيدان حديثه اشتغلت سنه واحده بس هتلاقي ان السيدان بقت عشه فراخ ماشيه تشخلل الشيروكي مش هتلاقي الكلام ده

ماهو علشان تجاوب على السؤال ده لازم تيجى سيرة عربيات تانية منافسة ممكن تكون جربتها او امتلكتها فى يوم من الايام وبتذكر ايه اللى شدك للجيب بالذات علشان السبب يكون مقنع .

[MR-Saleem]

بصراحة يا استاذ احمد انا جربت ف الدفع الرباعي ال فيتارا وال شيروكي

الفيتارا بالنسبه للقوة وعنف الشيروكي فا هي عربيه سيدان عادية جدا

بس طبعا عائلة اليابان ف الدفع الرباعي تفوز بس غاليه جدا فا مش هتلاقيها كتير ف مصرر واللي بيجبها بيكون لغرض الفخامه والشكل العام مش اكتر

مفيش حد هنا بيجبها لغرضها الاصلي ~

[م/أحمد عبد الفتاح]

بصراحة يا استاذ احمد انا جربت ف الدفع الرباعي ال فيتارا وال شيروكي

الفيتارا بالنسبه للقوة وعنف الشيروكي فا هي عربيه سيدان عادية جدا

بس طبعا عائلة اليابان ف الدفع الرباعي تفوز بس غاليه جدا فا مش هتلاقيها كتير ف مصرر واللي بيجبها بيكون لغرض الفخامه والشكل العام مش اكتر

مفيش حد هنا بيجبها لغرضها الاصلي ~

فعلا كلام حضرتك مظبوط - واللى بيخلينى متفق معاك على تفضيل الشيروكى عن العربيات اللى حضرتك ذكرتها هى انتشارها الكبير وكمان ادمان ناس كتير للجيب بالذات لان الانتشار والهواية خلى الجيب قطع غيارها متوفرة بكثرة سواء جديد او استعمال وكمان ارخص من اليابانى وانتشار مواضيعها فى منتديات كتير عالنت وده بيخلى الناس تتبادل المعلومات عنها وبتلاقى اجابة السؤال اللى انت عاوزه لو عندك مشكلة
بمنتهى السهولة عن باقى العربيات

[El Gen2]

اولا وجب الشكر لصاحب الموضوع و لكل المشاركين .... موضوع اكتر من ممناز.
من افضل ما قرأت على المنتدى

وجهة نظرى وقد تحتمل الصواب أو الخطأ :
.......
- يبقى نلخص اللى فات :
* التويوتا اللاندكروزر رقم ١ فى عربيات الدفع الرباعى بس تركبها عالزيرو حاتكون غالية جداً او تركبها استعمال بس تكون نضيفة ونمرة واحد ودى كمان حاتكون غالية .
* كل العربيات التانية متساوية فى الاعتمادية ولكن كفة الجيب أرجح بكتير علشان اللى انا شرحته فوق وده نتيجة انتشارها وتصنيعها فى مصر.
* مافيش عربية دفع رباعى مريحة تماماً زى السيدان .
* مافيش عربية دفع رباعى موفرة فى البنزين .
* إعتمادية الدفع الرباعى أعلى من السيدان .
* العربية الدفع الرباعى حاتوفر كتير فى مصاريف العفشة والشكمان والفوانيس والمرايات اللى بتتكسر.
الملحوطة الأخيرة إن كل العربيات الزيرو بدون استثناء من حوالى ٣ أو ٤ سنين بقت زى الزفت على مستوى العالم .
أتمنى أكون لخصتلك القصة وتحت أمرك فى أى سؤال تانى

الحقيقه الرد ده لخص الموضوع كله .... بس لو سمحتم لى كذا سؤال
1. ما هى اريح عربيه 4*4 فى القعده و موديلات كام (خاصه للضهر لأن عندى مشكله صغيره فى الضهر) فى سعر من 200 لغايه 350 ؟
2. هل فرق الراحه من kj ل KK كبير ... يستاهل 100 الف فرق ؟
3. قريت فى المنتدى كلام مش كويس خالص عن ثبات و راحه و اداء و اوبشنز ال xtrail .... ما رأيكم ؟
4. جراند شيروكى قديم قوى 2000 مثلا و لا kk 2008/2009 ؟

مره تانيه شكرا على الموضوع الممتاز