التشغيل من الريموت

[هانى البعثى]

بعد اذنكم انا لسه شاري kk 2011 و لقيت المفتاح او الصباع الي تحت الكبوت الي بيخلي العربيه تتشعل من الريموت مكسور و مش لاقيه في اي حته ممكن حد يقولي مين ممكن يكون عنده الشيء دا و شكرا ليكم

[احمد فهمى]

خبير الkk هيرد عليك المهندس احمد وﻻن شاء الله يوجدو لك

[م/أحمد عبد الفتاح]

يستحسن تسأل الأول فى التوكيل علشان ده بعد ما بيتغير بيحتاج برمجه فى الوكيل بعد كده - عموماً حاول ترفع صورة الجزء المكسور هنا وإدينى فرصة أسألك عنه .

[م/أحمد عبد الفتاح]

لو اللى مكسور عندك السويتش اللى فى الصورة جنب البطارية من ناحية الشبكة تبقى بسيطة ان شاء الله حاحاول اوجدهولك باذن الله

[هانى البعثى]

لو اللى مكسور عندك السويتش اللى فى الصورة جنب البطارية من ناحية الشبكة تبقى بسيطة ان شاء الله حاحاول اوجدهولك باذن الله

بشمهندس أحمد انا عاجز عن شكرك لله الحمد انا لقيته مستورد و ركبته عند مركز معتمد لابوغالي في ٦ اكتوبر و اشتغل الحمد لله انا اول مره اركب جيب او اي حاجه عاليه و اتشجعت و جبتها بعد ما قريت مواضيعكم عنها و فعلا مستمتع بيها و مش متعبه زي ما كنت متوقع
بس عندي سؤل هو الديفيندر رغم انه نازل معاها مش مثبوت على الرخصه و خلاني اشيله علشان ارخص و ركبته تاني بس عايز اعرف غرامته ايه و ليه مش بيثبتوه طالما هي نازله بيه و هل احسن اشيله؟
و شكرا جزيلا تاني على مساعدتكم

[م/أحمد عبد الفتاح]

اعتقد ان الديفندر لو كان نازل معاها كان اتكتب فى الرخصة زى مابيكتبوا الزجاج الغامق جانبى وخلفى فى الرخصة - ممكن يكون المالك الاول ركبه بعد ماشتراها فى التوكيل وبالتالى ماتثبتش فى الرخصة - عموما هما دلوقتى ساعات بيغلسوا فى المرور ولو وقفك حايقولك غرامة وفحص جديد - بس سمعت ان الغرامة فى حدود ال ٥٠٠ جنية بالنسبة للانوار الزيادة معرفش الديفندر زيها ولا مش زيها . انت وبختك .
وعموما تحت امرك فى اى استفسار او مساعدة
ولو فيها غلاسة ركبت السويتش ده بكام ؟