Tweet
محتاجين أرآء ذوي الخبره
بعد التحيه لكل الجيباويه ..،انا كنت عملت صيانه لل ٢٠٠١ وغيرت زيت فتيس وفلتر وبوجيهات وشوية حاجات كده المهم في حاجه دلوقتي بتحصل معايا،،لو مشيت من غير ماالعربيه تسخن اوي الفتيس بيغيب قي النقله الاولانيه بس باقي النقلات عادي يعني ال rpmبيوصل ل ٣مثلا عشان تنقل ده موضوع اما التاني فهو ان انا مونت بنزين ٩٢ من موبيل الشيخ زايد ومن بعديها العربيه تمشي في امان الله ومره واحده كده تبدأتتلت يعني متسحبش وتتبرجل اطفي وادور تمشي تمام وممكن تتكرر تاني وممكن لا يعني ممكن متعملش خالص وممكن ورا بعضه المهم العيب الاولاني قالولي حساس فتيس والتاني قيل لي انه بوبينه ..هذا ومنتظرين بكل الشكر ارآئكم وقتراحاتكم ........مع ملاحظه اني حليت دورة البنزين والرشاشات ونضفتها كلها وبرده العيب قائم
-
-
بالنسبة للعطل الأولانى بتاع النقلات جرب الأول تظبط كابل الكيك داون وده فيديو بيوضح إزاى تظبطه بس من أول الدقيقة ١:١٠ ماتعملش زى الراجل وخش جوه العربية ودوس بنزين على الأخر بكده حايكون إتظبط اوتوماتيك
بالنسبة للعطل التانى فيه شوية أسئلة:
- هل فيه لمبة اعطال منورة معاك فى التابلوة
- الكلام ده حصل معاك بعد ماعملت صيانة ولا مشيت كذا يوم قبل ماتمون وبعدين العطل حصل بعد مافولت ؟amadios سابقا -
تمام ياباشا انا مشيت بالعربيه بعد الصيانه تمام مفيش مشاكل وبعدين اول مامونت حصل العطل الثاني واللمبه تشك بتنور وبعدين تروح لما العيب يروح والفيديو مش شغالComment
-
طالما لمبة التشيك انجن بتنور يبقى لازم تروح تكشف عليها سكانر وتحدد العطل ايه - او حتى تكشف وتعرف الكود وتعمل عليه سيرش فى الجوجل او تكتبه هنا واحنا نقولك إحتمالاته إيه - بالنسبة للفيديو شغال تمام ممكن تجرب تشغله من كمبيوتر تانىamadios سابقاComment
-
احمد باشا الشيخ انت عربيتك مفكوك حساس الاوكسجين بتاعها وانا مش عارف انت كلو ازاي عندك شعال عادى ومحتمل تكون مونت بنزين مش تمام[RIGHT][B][FONT=Impact]أحمد فهمى[/FONT]
[/B][/RIGHT]Comment
-
السلام عليكم
انا عندي نفس المشكله التانية مع اختلاف بسيط انها بتحصل معايا من وقت ما اشتريت العربية وده كان من شهرين تقريبا
المشكلة في چيب شيروكي موديل ٢٠٠١
العربية أوتوماتيك ٦ سلندر بتكون ماشية كويس وبتاخد الاربع غيارات بشكل طبيعي من غير مشاكل
المشكله بتحصل لما بكون ماشي علي الرابع والسرعه مثلا 80 يعني ماشي هادي وابدات ازود السرعه بالضغط علي دواسة لبنزين.
المفروض انها تسقط غيار وتبدا تجمع سرعه, أو ان الار بي ام يزيد والسرعه تزيد
بس اللي بيحصل ان لما بزود بنزين المكنه بتبرجل وكانها بقت شغاله خمسه سلندر بس,,
ولمبة التشك إنچن بتنور وبتفضل العربيه كدا ماشيه مبرجله لحد ما ابطل المكنه واشغلها تاني فا كل حاجه ترجع طبيعية واوقات بيحصل ان بحس بتقطيعه صغيره كانها بتقطع بنزين قبل ما البرجله دي تحصل وممكن ده برضه يتكرر علي النقلات الاقل بس ده بعد ما بتكون حصخلت علي الرابع الاول
اتمني حد يكون عنده فكره ايه المشكله
او مين حد شاطر في الچيب اروح له يكشف علي العربية
مع العلم ان طرمبة البنزين والموبينات متغيرين قريب علي كلام صاحب العربية اللي اشتريت منه واللي هوا نفسه قالي ان المشكله دي في العربية من فترةComment
-
-أول حاجه تروح لميكانيكى يعمل سكان بالجهاز ويشوف ايه الكود المتسجل للعطل اللى خلى اللمبة بتاعة تشيك انجين تنور - حتلاقى العطل متسجل فى كمبيوتر العربية حتى لو اللمبة طفت.المشاركة الأصلية كتبت بواسطة aumn2003 مشاهدة المشاركة
واعتقد إن اللى عندك ده مشكلة دايرة بنزين وحاقولك على حاجات بسيطة تخلى الميكانيكى يشوفها :
- قياس ضغط طلمبة البنزين المفروض يكون من ٧٠ :١٠٠ psi (حوالى من ٤,٨ بار إلى ٧ بار) لو اقل من كده تخليه يفك التانك بتاع البنزين وينضفه وبعدين ينضف الفلتر اللى فى قلب الطلمبة وتجرب تانى وتقيس ضغط الطلمبة لو فضل الحال زى ماهو ( الضغط واطى ) يبقى تغير طلمبة البنزين.
- تنظيف البوابة
- تحط منظف رشاشات بنزين ( بيتباع عبوة فى البنزينات ) بس تتأكد إنه لرشاشات البنزين مش الديزل - تحط العبوة على التانك مليان وتمشى عادى ده حينضف الرشاشات ويحسن الاداء بتاع العربية.amadios سابقاComment
-
شاكر جدا جدا لحضرتك ان شا الله حجرب الخطوات دي وابلغك بالنتيجهComment
-
العفو وتحت امر حضرتك وياريت فعلاً تبلغنا بالنتيجة علشان الكل يستفاد إن شاء الله وبالتوفيقالمشاركة الأصلية كتبت بواسطة aumn2003 مشاهدة المشاركةamadios سابقاComment
-
شاكر لحضرتك جدا جدا يا بشمهندس احمد المشكله فعلا اتعالجت وجربت العربية انهارده علي الصحراوي والحمد لله كانت طبيعية وجزاك الله خيرا
للتوضيح اكثر انا عملت ايه بالظبط
اولا اشتريت العبوة بتاعت تنظيف البخاخات وحطيتها علي تانك فاضي وفولت العربية
وثانية اشتريت بخاخ تنظيف بوابة الهوا والبخاخات ومشيت علي التعليمات اللي مكتوبة علي العلبة
مشيت عليها تقريبا 20 كليو وهيا فيها المشكله وبعدها بقت طبيعية جدا والمشكله اتحلت الحمد لله
وطبعا عندي حاليا استفسارين وياريت برضه الاقي رد من حضرتك:
الاول : اقدر احط المنظف بتاع البخاخات ده كل اد ايه ؟؟ يعني مع كل تفويلة؟؟ ولا كل شهرين؟؟ ولا كل عدد كليمومترات معينة؟؟
ثانية : العربية بتدور من اول لقطه بس بتبطل علي طول ثاني بقفل الكونتاكت وارجع افتحة وادور عشان تتدور وتفضل شغاله
هل ده طبيعي ولا في حاجه ثانية محتاجه تنظيف مثلا ال tbs او حاجه ثانية غيره ؟؟
شكراComment
-
الحمدلله وربنا يتمم شفاها على خير :)المشاركة الأصلية كتبت بواسطة aumn2003 مشاهدة المشاركة
بالنسبة للمنظف بتاع الرشاشات ده ماتحطهوش كتير - يعنى مرة واحدة فى السنة مثلاً
بالنسبة لمنظف البوابة ممكن تستعمله كل ماتحس إن العربية فيها مشكلة مش حاتخسر حاجه - ويستحسن تستعمل منظف بوابة throttle body cleaner مش منظف كاربتير carb cleaner
وبالنسبة لتبطيل العربية بعد ماتدور دى أعراض إن طلمبة البنزين إبتدت تفيص وزى ماقولتلك قيس ضغط الطلمبة ونضف التانك - إللى بيحصل عندك إن فيه بلف فى الطلمبة check valve وده بيسمح بمرور البنزين فى إتجاه واحد ومايرجعهوش التانك علشان لما تبطل العربية يفضل خط البنزين متحضر ومليان بنزين فالعربية تدور معاك على طول - البلف ده لو باظ - بعد ماتبطل العربية البنزين حايرجع التانك وخط البنزين بيفضى أو يفضل فيه شوية صغيرين يادوب يدوروا العربية وبعدين تبطل تانى على مالبنزين يملى الخط - لو فتحت الكونتاكت ومادورتش مرتين تلاته حتلاقى العربية تدور وماتبطلش - ممكن تمشى عليها كده شوية بس مانصحكش لأنها فى أى وقت حاتقطع خالص وممكن تتزنق فى زحمة أو على طريق سفر- فغيرها أضمن . ولما تغيرها نزل التانك نضفه وغير الطلمبة وركب كله نضيف.amadios سابقاComment
-
بشمهندس احمد انا شاكر لحضرتك جدا علي الاهتمام ومساعدتك في حل المشكله اللي كانت عندي
ردي ده متاخر شويه بس لاني طالع عيني مع العربية دي والمشكله بتتكرر دايما وبالذات في الاوقات اللي المكنه بتكون بارده فيها لذالك لما اتحلت المشكله حابب اعرض الحل لعلي وعسي نفيد غيرنا وميتبهدلوش ولا يغرموا فلوس كتير زي ما حصل معايا
مبدائيا انا غيرت طرمبة البنزين كامله بالعوامه الامريكي يو اس الاصليه وفضلت المشكله قائمه وبعدها غيرت حساس الكرنك وبرضه المشكله موجوده وبعدها رحت لراجل محترم جدا اسمه المهندس باسم في الحرفيين في مركز اسمه روتستار كشف علي العربية وفجاه قالي ده مشكلة كنترول
طبعا انا مصدقتش ولكن لما جربنا كنترول تاني فعلا المشكله اتعالجت
شاكر لحضرتك جدا
واتمني نفضل علي تواصلComment
-
الف شكر على مشاركتك معانا للعطل بتاع حضرتك وربنا يتمم اصلاح العربية على خير ان شاء اللهالمشاركة الأصلية كتبت بواسطة aumn2003 مشاهدة المشاركةamadios سابقاComment
Comment