محتاج أراء الخبراء فى هذة السيارة

[hacksystem]

أرجو الرد من الخبراء فى رايهم فى هذة السيارة من ناحية كل شىء لانى اول مرة اركب جيب بصراحة ونفسى اركبها انا راكب هوندا سيفك 92 عربية جرى واطية جدا طبعا انا بحك فى مطبات وانا لوحدى ناشفة الى حد كبير - وبصراحة من زمان نفسى اركب جيب مواصفاتى عربية كبيرة اشيل فيها اللى انا عايزة واركب اى عدد من الناس تقدرو تقولو عقدة هههههه اسافر بيها كتير ادخل بيها الصحراء والاماكن اللى مستحيل تدخل بعربية عادية وفى نفس الوقت جوة البلد .
استهلاك البنزين - قطع الغيار واماكن الصيانة - مدى اعتمادية العربية - الترخيص والضريبة - اعادة البيع
واسف على الاطالة

https://egypt.dubizzle.com/ar/cars/gmc/listing/7-listings-316a1ef1ab2b575c904850537f4cda7d/show/?back=L2FyL2NhcnMvZ21jL3NlYXJjaC8/aXNfc2VhcmNoPUZhbHNlJnBhZ2U9MQ==

[احمد فهمى]

ممتازه وقطع غيارها عفشه ومتور موجود استيراد وجديد وخوارج استيراد موجود وشكلها مميز ومريحه جدآ استهلاك بنزين حوالي 100 كيلو فى الصفيحه وإعادة بيع عادي بتتباع مفيش مشاكل زي ما انت بتفكر تشتريها فى كتير وفى ركيبه كتير بيدورو عليها والضريبه 1100 جنيه سنوي بس طبعآ ملهاش علاقه بالهوندا فى اي حاجه

[hacksystem]

ممتازه وقطع غيارها عفشه ومتور موجود استيراد وجديد وخوارج استيراد موجود وشكلها مميز ومريحه جدآ استهلاك بنزين حوالي 100 كيلو فى الصفيحه وإعادة بيع عادي بتتباع مفيش مشاكل زي ما انت بتفكر تشتريها فى كتير وفى ركيبه كتير بيدورو عليها والضريبه 1100 جنيه سنوي بس طبعآ ملهاش علاقه بالهوندا فى اي حاجه

استاذ احمد الف شكر على رد سعادتك واهتمامك واسف لتأخيرى الرد بس النت كان قاطع كالعادة فعلا اسف ممكن استأذن حضرتك فى رقم تليفونك واخد من وقتك 5 دقايق للأستفسار عن بعض الأمور الأخرى
وشكرا

[mostafa_ganah]

الهوندا حماده والجيب حماده تاني خالص هتدلع بس هتصرف بنزين استهلاك غير الهوندا وضريبة بس اهم حاجه العربية تكون سليمة ومفيهاش غلطه ف الفتيس والموتور والكرونه وعيش يا ريس

[hacksystem]

شكرا لرد حضرتك بس انا محتار شوية وخايف من العربية خصوصا انها معروضة للبيع من اكتر من شهر وكمان عايز حد يقيم سعرها هل هيا توبها ال 80000 الف ولا اقل وتنصحونى اكشف عليها ازاى ارفعها فى بنزينة ولا اخد معايا سمكرى او بوهيجى زى ما بنعمل فى السيدان طيب واطمن ازاى على الموتور والكورونا والفتيس
وشكرا

[TOOLA]

متابع

[mostafa_ganah]

شكرا لرد حضرتك بس انا محتار شوية وخايف من العربية خصوصا انها معروضة للبيع من اكتر من شهر وكمان عايز حد يقيم سعرها هل هيا توبها ال 80000 الف ولا اقل وتنصحونى اكشف عليها ازاى ارفعها فى بنزينة ولا اخد معايا سمكرى او بوهيجى زى ما بنعمل فى السيدان طيب واطمن ازاى على الموتور والكورونا والفتيس
وشكرا

اولا بيتحدد السعر حسب موديل العربية وحالتها ولازم يكون موجود حد معاك فاهم ف الجيب وتتطمن ع كل حاجه ومتستعجلش خالص معروض كتير للبيع ف السوق الي يعجبك وحالتها فابريكة هاتها وخد معاك الصنايعيةة الي فاهمين فيهم اهم حاجه حالتة الموتور تكون ممتازه مترضاش بأقل من كده عشان متتعبش وتصرف والفتيس يكون زي الفل والكرونة مفيهاش صوت ولا اي حاجه وبعدين بالنسبة لقطع الغيار زي الفل واسعارها كويسه .