ايه راي وحوش الجيب في الجراند شيروكي ال v8 ليميتد موديل 2001-2002

[dramir1]

ايه راي حضراتكم في الجراند شيروكي ال v8 ليميتد موديل 2001-2002
وبداية الشكل ونهايته امتي
؟؟؟واخبار قطع ىالغيار ايه؟؟؟
وصناعتها ايه؟؟؟
ونقل الملكية بتاعتها بكام؟؟
افضل مكان اكشف عليها فين بالقرب من المعادي؟
وهل سواقتها مريحه ولا متعبه زي الشيروكي العادية..؟؟
واخبار استهلاك البنزين ايه؟؟؟

.................................................. ..........................

[ahmed_eng2001]

اجاوب حضرتك بمعلومات بسيطة لغاية ما احد خبراء الشيروكى يفيدنا اكتر ...

على ما اتذكر ... دى الى بيسموها الكرستالة و ينتهى الشكل ده على موديل 2004 تقريبا ..... قطع الغيار موجودة و مش غالية اوى .. عربية مريحة و ناعمة .. غير الشيروكى خالص

متابع معاك

[م/أحمد عبد الفتاح]

[QUOTE=dramir1;3876008179]ايه راي حضراتكم في الجراند شيروكي ال v8 ليميتد
موديل 2001-2002
يطلق عليها WJ وهى من أحسن موديلات الجيب إللى نزلت بس لو سليمة
وبداية الشكل ونهايته امتي
١٩٩٩ حتى ٢٠٠٤
؟؟؟واخبار قطع ىالغيار ايه؟؟؟
متوفرة جديدة وإستعمال
وصناعتها ايه؟؟؟
إبعتلى رقم الشاسية كامل (١٧ خانة) أجيبلك كل مواصفاتها ومصنوعة فين
ونقل الملكية بتاعتها بكام؟؟
مش متأكد بس ممكن توصل ٣٠٠٠ أو ٤٠٠٠ جنيه
افضل مكان اكشف عليها فين بالقرب من المعادي؟
للأسف أنا من اسكندرية بس أسمع إن فيه واحد كويس جداً فى القاهرة اسمه محمد عبد الوهاب كويس جداً بس معرفش فين - وممكن تروح تكشف فى اى توكيل جيب سواء ابوغالى أو الهيئة العربية للتصنيع
وهل سواقتها مريحه ولا متعبه زي الشيروكي العادية..؟؟
غير الشيروكى خالص ومريحة جداً والتحكم فيها اكتر من ممتاز
واخبار استهلاك البنزين ايه؟؟؟
يزعل - موتور ٨ سلندر ٤٧٠٠ سى سى يعنى بحكم السن بتاعها ممكن تعمل ١٠٠ كم فى الصفيحة او على حسب حالتها

ونصيحة اخيرة يستحسن يكون اخر اربع ارقام فى الشاسية زى اخر اربع ارقام فى الموتور يبقى كده اتطمنت انها ماغيرتش موتور - اكشف عليها كويس قوى وعند التوكيل او عند محمد عبد الوهاب - اتأكد إن عفشتها كويسة علشان عفشتها مكوناتها كتير قوى وعلشان تلمها عاوز مبلغ كبير
وبالتوفيق إن شاء الله

[dramir1]

اولا اشكر حضراتكم علي الاجابات ...للأسف اتفرجت على عربيه النهارده موديل 2001 8 سلندر ...العربيه عاليه والكرسي كهرباء وسحب العربيه قوي جدا ولكن رقم الموتور مختلف عن الشاسيه عشان مغير الموتور ...العفشه سايبه واصوات طقطقه والفتيس بينتش...فقررت اني هصرف نظر عنها وحتي مش هكشف عليها ...وحسيت ان عربيتي التيدا افضل في الوقت الحالي من حيث ان حالتها اقرب للزيرو فمش هغير الا لو لقيت عربيه نضيفه وتكون ماشيه كيلو متر قليل لاني معنديش وقت نهائي لوقفة الصنايعيه ....فياريت لو حد لقي عربيه جراند من 2001 -2003 بالمواصفات دي يقولي ...ورأيكم سعرها لو فابريكه يساوي كام 2001-2003 ؟؟؟؟؟؟؟

[dramir1]

ياريت لو حد لقي عربيه جراند( نضيفه وتكون ماشيه كيلو متر قليل وياسلام لو بماتورها الاصلي) من 2001 -2003 بالمواصفات دي يقولي ..ورأيكم سعرها لو فابريكه يساوي كام 2001-2003 ؟؟؟؟؟؟؟

[م/أحمد عبد الفتاح]

السعر بتاعها حسب حالتها - ولو لقيت عربية مظبوطة وسليمة حتلاقيها مش اقل من ١٦٠ الف جنيه

[dramir1]

السعر بتاعها حسب حالتها - ولو لقيت عربية مظبوطة وسليمة حتلاقيها مش اقل من ١٦٠ الف جنيه

مش مشكله بس المهم الحاله النادره...وانا مش مستعجل .

[Colin Chapman]

اجاوب حضرتك بمعلومات بسيطة لغاية ما احد خبراء الشيروكى يفيدنا اكتر ...

على ما اتذكر ... دى الى بيسموها الكرستالة و ينتهى الشكل ده على موديل 2004 تقريبا ..... قطع الغيار موجودة و مش غالية اوى .. عربية مريحة و ناعمة .. غير الشيروكى خالص

متابع معاك

https://www.youtube.com/watch?v=3haYFt5QKJM