جيب جراند شيروكي الكرستاله ٢٠٠١

[mah_khourshid]

السلامه عليكم جميعا ماليكي وعاشقي الجيب وخصوصا الجراند شيروكي
مبدأين احب اعتذر جدا علي تكرار نفس الموضوع


انا قدامي عربيه جيب جراند شيروكي ٢٠٠١ ٨ سيلندر ٤٧٠٠ سي سي بس ماشيه كتير اوي للاسف ٢٤٥ الف كم فهل ده عادي ولا خلاص راحت عليها
حد عنده نصيحه انا بصراحه معجب بالجراند شيروكي بس مشكليتها موديلها القديم ( طبعا بسمع كلام من اصحابي الهم اصلا مش معاهم العربيه يقولولي هتجيب عربيه قديمه وسي سي عالي بنزين كتييييير وقطع غيار غاليه ناااار واعطالها كتير وانا متأكد انهم بيألفو زي كل المصريين ههههههه)
انا سوقتها واستمتعت بسواقتها ناعمه جدا وعفشتها قويه وشديده مش عارف بقي ادوس واجيبها ولا ايه انا مفيش حاجه من العربيات الجديده النازله بتملي عيني
موضوع البنزين ده مش عارف هيكون ايه نظامه معايا هو موضوع يخوف شويه بس انا هستني نصحتكم يا وحوش الجراند شيروكي ياريت لو فيها حاجه تقلق تقولولي
انا روحت سألت في الشهر العقاري وعرفت ان المصاريف عندهم تقريبا ٤٠٠٠ جنيه
بس لسه معرفش المرور هيخده كام لو حد عارف الترخيص سنه في المرور يتكلف كام
عايز اشتريها هي حالتها العامه كويسه ده طبعا من وجهه نظري انا
فعايز قبل منفذ واشتري اكشف عليها عند حد مضموون جدا
يقولي لو مسمار عايز يتغير ميخبيش عليا
وكمان لو حد يعرف حد متخصص في كماليات الجراند موديل ٢٠٠١ لو عايز مثلا اغير الكاسيت واجيب الشاشه الgps bluetooth يعني عشان احس انها جديده شويه ياريت يقول مكانه فين
معلش اسئلتي كتير وممله متكرره بس طمعان في كرم ال Jeeper المتألقيين
اسف جدا علي الاطاله
شكرا جزيلا

[abokoko]

تعليقى على الكيلو متلا العالى
لو ال245 الف كيلو معظمهم سفر على + صفر على الطرق الاسفلتية العادية فاعتقد مش هيكونوا مشكلة مقارنة بلو المسافة اتقطعتت فى رحلات سفارى فوقتها هيكون اجهاد لموتور وبدن وعفشة العربية

[mah_khourshid]

تعليقى على الكيلو متلا العالى
لو ال245 الف كيلو معظمهم سفر على + صفر على الطرق الاسفلتية العادية فاعتقد مش هيكونوا مشكلة مقارنة بلو المسافة اتقطعتت فى رحلات سفارى فوقتها هيكون اجهاد لموتور وبدن وعفشة العربية

فعلا لو سفر بس اكيد حاله العربيه هتكون احسن من لو سفاري وكده
بس الواحد يعرف حاجه زي دي ازاي

[م/أحمد عبد الفتاح]

اول حاجه ٢٤٥ الف كم بالنسبة للموتور متخوفش فى العربيات دى بس للاسف علشان احنا فى مصر فيه شوية حاجات لازم تعرفها :
- العربية اتباعت كام مرة لانها لو اتباعت كتير فى اوقات قريبة يبقى احتمال كبير قوى تكون عربية بتتباع فى معارض العربيات كل شوية وممكن متكونش صياناتها اتعملت كويس والصيانة فى العربيات دى هى روحها وراس مالها.
- رقم الموتور هو رقم الشاسية (اخر اربع ارقام) وده بيبقى مكتوب فى الرخصة - لو مش زى بعض يبقى الموتور متغير - بس اتغير كام مرة ؟؟؟ يبقى الكيلومتراج بتاع العداد ولا ليه اى لزمة ولايبين هى عاملة الكيلومتر ده ولا اقل ولا اكتر محدش يعرف . لو رقم الشاسية زى رقم الموتور وكشفت على حالته ولقيته كويس يبقى الموتور ده بيتعمله صياناته فى ميعادها واحتمال كبير قوى انه يعيش كمان قد اللى فات ان شاء الله.
- اهم حاجه تكشف على العربية كويس ويعملولك تقرير - حاتتكلف شوية بس حاتعرف الحالة بالظبط - ممكن تكشف احسن فى الهيئة العربية للتصنيع وهما حايجيبوا لك تاريخ حياتها .
- لو الموتور كويس والعفشة والات الجر والكوارين وفتيس الغرز كويسين تشوف الصاج بتاعها والابواب والعتب والمفصلات بتاعة الابواب والشنطة والروف راك وتحت الدواسات وحوض الموتور- كل الاماكن دى ميكونش فيها بارومة - كمان حالة فرش السقف هل فيه بقع ومصدى ولا كويس لو كان فيه بقع صدا يبقى شكراً - كمان حالة فرش الكراسى والابواب والتابلوه كويسين ولا متهانين وهل كل حاجه شغالة فى الزراير والمفاتيح والانوار ؟ مافيش حاجه فبر او بلاستيك مكسورة - الكبوت من قدام بيقفل كويس ومش بيلعب او مفارق من ناحية - حالة الكاوتش والجنوط - مافيش لمبات منورة فى التابلوة لما تدور العربية غير لمبة الحزام - افتح الكبوت واتفرج هل كل حاجه فى مكانها متثبته بالقفزان البلاستيك بتاعة الفابريكة ومافيش اسلاك ناطة من كل حته زى فرح العمدة .
اللى عاوز اقولهولك بالاضافة لكشف التوكيل عينيك ثم عينيك ثم عينيك وبعدين ودانك يعنى تسوقها وتسمع هل فيه صوت تزييق او احتكاك فى المطبات - بتحدف ولا مابتحدفش - لما بتلف الدركسيون للاخر بتسمع تزييق او خبط - لما بتفرمل بتحدف ولا ثابته - جرب اجرى بيها على ١٣٠ كم/ساعة وتمشى شوية هل بتسخن ولا المؤشر بتاع الحرارة فى النص وهل فيه اى انذار صوتى او لمبة نورت ؟
ده اللى اقدر اقولهولك وربنا يوفقك
بالنسبة لقطع الغيار موجودة جديد واستعمال واسعارها معقولة - بالنسبة للبنزين طبعاً استهلاكها عالى لو ماشى فى زحمة مرور بس على الطوالى بيبقى استهلاكها معقول - يعنى متوسطها فى الزحمة ١٠٠ كم فى الصفيحة بالكتير وعلى الطوالى ١٣٠ او ١٤٠ كم فى الصفيحة وممكن اكتر على حسب السرعة ( لو ماشى بين ٩٠ و١٢٠ كم/ساعة) بيقى احسن استهلاك.
بالنسبة للرخصة اعتقد انها بتكون فى حدود ١٥٠٠ فى السنة شاملة التأمين وبرضه حاول تتأكد.
بالنسبة للكاسيت البلوتوث والجى بى اس فيه انواع صينى كويسة فى السوق فيه نوع تاتش سمعت عنه اسمه رود ماستر تقريباً وده بيكون تمنه فى حدود الـ ٣٠٠٠ جنيه .

[mah_khourshid]

اول حاجه ٢٤٥ الف كم بالنسبة للموتور متخوفش فى العربيات دى بس للاسف علشان احنا فى مصر فيه شوية حاجات لازم تعرفها :
- العربية اتباعت كام مرة لانها لو اتباعت كتير فى اوقات قريبة يبقى احتمال كبير قوى تكون عربية بتتباع فى معارض العربيات كل شوية وممكن متكونش صياناتها اتعملت كويس والصيانة فى العربيات دى هى روحها وراس مالها.
- رقم الموتور هو رقم الشاسية (اخر اربع ارقام) وده بيبقى مكتوب فى الرخصة - لو مش زى بعض يبقى الموتور متغير - بس اتغير كام مرة ؟؟؟ يبقى الكيلومتراج بتاع العداد ولا ليه اى لزمة ولايبين هى عاملة الكيلومتر ده ولا اقل ولا اكتر محدش يعرف . لو رقم الشاسية زى رقم الموتور وكشفت على حالته ولقيته كويس يبقى الموتور ده بيتعمله صياناته فى ميعادها واحتمال كبير قوى انه يعيش كمان قد اللى فات ان شاء الله.
- اهم حاجه تكشف على العربية كويس ويعملولك تقرير - حاتتكلف شوية بس حاتعرف الحالة بالظبط - ممكن تكشف احسن فى الهيئة العربية للتصنيع وهما حايجيبوا لك تاريخ حياتها .
- لو الموتور كويس والعفشة والات الجر والكوارين وفتيس الغرز كويسين تشوف الصاج بتاعها والابواب والعتب والمفصلات بتاعة الابواب والشنطة والروف راك وتحت الدواسات وحوض الموتور- كل الاماكن دى ميكونش فيها بارومة - كمان حالة فرش السقف هل فيه بقع ومصدى ولا كويس لو كان فيه بقع صدا يبقى شكراً - كمان حالة فرش الكراسى والابواب والتابلوه كويسين ولا متهانين وهل كل حاجه شغالة فى الزراير والمفاتيح والانوار ؟ مافيش حاجه فبر او بلاستيك مكسورة - الكبوت من قدام بيقفل كويس ومش بيلعب او مفارق من ناحية - حالة الكاوتش والجنوط - مافيش لمبات منورة فى التابلوة لما تدور العربية غير لمبة الحزام - افتح الكبوت واتفرج هل كل حاجه فى مكانها متثبته بالقفزان البلاستيك بتاعة الفابريكة ومافيش اسلاك ناطة من كل حته زى فرح العمدة .
اللى عاوز اقولهولك بالاضافة لكشف التوكيل عينيك ثم عينيك ثم عينيك وبعدين ودانك يعنى تسوقها وتسمع هل فيه صوت تزييق او احتكاك فى المطبات - بتحدف ولا مابتحدفش - لما بتلف الدركسيون للاخر بتسمع تزييق او خبط - لما بتفرمل بتحدف ولا ثابته - جرب اجرى بيها على ١٣٠ كم/ساعة وتمشى شوية هل بتسخن ولا المؤشر بتاع الحرارة فى النص وهل فيه اى انذار صوتى او لمبة نورت ؟
ده اللى اقدر اقولهولك وربنا يوفقك
بالنسبة لقطع الغيار موجودة جديد واستعمال واسعارها معقولة - بالنسبة للبنزين طبعاً استهلاكها عالى لو ماشى فى زحمة مرور بس على الطوالى بيبقى استهلاكها معقول - يعنى متوسطها فى الزحمة ١٠٠ كم فى الصفيحة بالكتير وعلى الطوالى ١٣٠ او ١٤٠ كم فى الصفيحة وممكن اكتر على حسب السرعة ( لو ماشى بين ٩٠ و١٢٠ كم/ساعة) بيقى احسن استهلاك.
بالنسبة للرخصة اعتقد انها بتكون فى حدود ١٥٠٠ فى السنة شاملة التأمين وبرضه حاول تتأكد.
بالنسبة للكاسيت البلوتوث والجى بى اس فيه انواع صينى كويسة فى السوق فيه نوع تاتش سمعت عنه اسمه رود ماستر تقريباً وده بيكون تمنه فى حدود الـ ٣٠٠٠ جنيه .

شكرا جدا لحضرتك انا نفذت الكلام بتاع حضرتك فعلا ولقيت الحمد لله عربيتي بس 2004 اوفرلاند
سوقت بيها علي ١٦٠ ثابته وماسكه في الارض فرملت جامد جدا ومحدفتش وسيبت الدريكسيون وانا علي ١٢٠ ومحدفيتش وبالمناسبه كل العملته ده كان بطلب من صاحب العربيه
هو مهتم بيها جدا وبيحبها بطريقه فظيعه وهي فابريكه بالكامل وكبس الموتور ممتاز ورقم الموتور هو رقم الشاسيه
بس محتاجه الاتي :
١- جلبه صداده قاعده شاسيه
٢- أولسيل زور فيتيس الغرز (في ترشيح بسيط قالي ممكن تسيبه شويه)
٣- احتمال اغير كاوتش وده للاسف غالي جدا
ليا سؤال هنا ال جراند شيروكي 2004 4.7 8سيلندر تكلفه ترخيصها في المرور كام بالظبط وكذلك الشهر العقاري
علي فكره العربيه الكانت عجباني جدا قبليها كانت ٢٠٠١ رشه بالكامل مغيره موتور شكلها من بره ولونها نضيف جدا ومن جوه السقف كان منقر شويه بس عادي
مشكليتها انخا رشه كتير اوي وموضوع تغير الموتور ده كان صعب بالنسبالي
فاستقريت علي الفابريكه اضمن

[م/أحمد عبد الفتاح]

شكرا جدا لحضرتك انا نفذت الكلام بتاع حضرتك فعلا ولقيت الحمد لله عربيتي بس 2004 اوفرلاند
سوقت بيها علي ١٦٠ ثابته وماسكه في الارض فرملت جامد جدا ومحدفتش وسيبت الدريكسيون وانا علي ١٢٠ ومحدفيتش وبالمناسبه كل العملته ده كان بطلب من صاحب العربيه
هو مهتم بيها جدا وبيحبها بطريقه فظيعه وهي فابريكه بالكامل وكبس الموتور ممتاز ورقم الموتور هو رقم الشاسيه
بس محتاجه الاتي :
١- جلبه صداده قاعده شاسيه
٢- أولسيل زور فيتيس الغرز (في ترشيح بسيط قالي ممكن تسيبه شويه)
٣- احتمال اغير كاوتش وده للاسف غالي جدا
ليا سؤال هنا ال جراند شيروكي 2004 4.7 8سيلندر تكلفه ترخيصها في المرور كام بالظبط وكذلك الشهر العقاري
علي فكره العربيه الكانت عجباني جدا قبليها كانت ٢٠٠١ رشه بالكامل مغيره موتور شكلها من بره ولونها نضيف جدا ومن جوه السقف كان منقر شويه بس عادي
مشكليتها انخا رشه كتير اوي وموضوع تغير الموتور ده كان صعب بالنسبالي
فاستقريت علي الفابريكه اضمن

الجراند شيروكى ٢٠٠٤ تندرج تحت مسمى wj بالنسبة للجيبات ونزل منها طرازات كتير وهى اللاريدو والليمتد والاسبيشيال ايديشن والفريدوم والاوفرلاند .
الاوفرلاند هى اقوى واعلى فئة فيهم لان موتورها ٤،٧ لتر v8 ذو القدرة العالية بيدى ٢٦٥ حصان وعزمه ٣٢٥ رطل قدم .
بالنسبة لرسوم التسجيل ممكن تسأل فى أى شهر عقارى هما عندهم جدول بيتغير كل سنة فيستحسن تسأل هناك علشان تعرف الرسوم مظبوط وإن كنت أعتقد إنها حاتكون فى حدود ٥٠٠٠ جنيه بس يستحسن تسأل - ورسوم الرخصة حتكون برضه فى حدود ١٥٠٠ جنيه فى السنة بس برضه إسأل فى المرور إللى حترخص فيه لأن الرسوم برضه للأسف بتفرق من مرور لمرور ومن سنة لسنة .
بالنسبة للحاجات اللى عاوزة تتغير فيها أنا بصراحة مش عارف ايه هى جلبة صدادة الشاسية ؟؟؟
وبالنسبة لأويل سيل فتيس الغرز ده يقلق شوية وممكن لما يتفك يكون فيه مشكلة جوة بس هو موجود استعمال فى السوق فماتقلقش - أهم حاجه جربت الغرز الـ high والـ low ؟ هل بيحصل صوت وانت ماشى ومعشق الغرز ؟
عموماً الاوفرلاند زى ماقولتلك قبل كده من اقوى العربيات الجراند ممكن برضه تكشف عليها وتتأكد منها فى الهيئة العربية للتصنيع أو ممكن تروح لواحد اسمه محمد عبد الوهاب فى القاهرة بس معرفش فين لأنه كمان حيقولك على الحاجات اللى عاوزة تتغير فيها تكلفتها كام وهو الناس كلها بتشكر فيه قوى وكمان متخصص فى العربيات الجراند بالذات وربنا يوفقك

[mah_khourshid]

شاكر جدا لسرع الرد
بالنسبه لمحمد عبد الوهاب انا عرفت انه موجود في عين السيرهعند كوبري السيده عيشه
ولما سألت في الشهر العقاري عرفت انهم بيخده ٤٠٥٠ جنيه
بالنسبه للمرور حضرتك بتقول ١٥٠٠ تمام
وفيتيس الغرز انا شغلته وحسيت ان العربيه تقلت وبقت عربيه تانيه جواها قوه وعشان انا مليش في الغرز خليت حد يكشف
انا هاخدها من واحد ايطالي عايش في مصر فإستعماله باين جدا عليها خصوصا ان الاستعمال في شرم الشيخ وطبعا عشان نضافه الشرارع بتحافظ علي العفشه كلها