بين kg 2007 و kk 2008 - اسئله محدده

[El Gen]

قريت كل (تقريبا) المكتوب عن الليبرتى و الشيروكى المكتوب فى المنتدى و استفدت جدااااا.
يتبقى بعض الاسئله المحدد الى اتمنى الاعضاء الكرام يشاركونى بالرأى.
1. فهمت ان الليبرتى 2007 نفس موتور kk 2008. طب هل نفس الوسع/الضيق الداخلى ؟ هل نفس نشوفيه العفشه ؟ هل نفس الثبات فى الملفات ؟
2. هل نشوفيه عفشه 2003 نفس 2007 ... انهى انشف (ااقل راحه) ؟
3. معروض على ليبرتى 2007 عامله 100000كم و حالتها كويسه ب 175 .. هل السعر ده كويس ؟

[El Gen]

4. ماذا عن سعر اعاده البيع ؟ هل لو حبيت ابيع كمان 6 شهور حخسر كتير ؟

[El Gen]

ليبرتى kj 2007 و الفرق مع kk 2008 - محتاج راي الخبراء ضرووورى

قريت كل (تقريبا) المكتوب عن الليبرتى و الشيروكى المكتوب فى المنتدى و استفدت جدااااا.
يتبقى بعض الاسئله المحدد الى اتمنى الاعضاء الكرام يشاركونى بالرأى.
1. فهمت ان الليبرتى 2007 نفس موتور kk 2008. طب هل نفس الوسع/الضيق الداخلى ؟ هل نفس نشوفيه العفشه ؟ هل نفس الثبات فى الملفات ؟
2. هل نشوفيه عفشه 2003 (عشان انا جربتها) نفس 2007 ... انهى انشف (ااقل راحه) ؟
3. معروض على ليبرتى 2007 عامله 100000كم و حالتها كويسه ب 175 .. هل السعر ده كويس ؟
4. ماذا عن سعر اعاده البيع ؟ هل لو حبيت ابيع كمان 6 شهور حخسر كتير ؟

[م/أحمد عبد الفتاح]

الليبرتى kj من ٢٠٠٢ حتى ٢٠٠٧ ودى اتحسنت كتير من اول ٢٠٠٥ وطبعاً ٢٠٠٧ حاتكون احسن وماسكة سعر بس تكون عربية ماتلعبش فيها ولامغيره موتور ولالعب فى كنترول ولازم تكشف عليها كويس والكلام ده على اى جيب مش الليبرتى بس .
الـ kk من ٢٠٠٨ حتى ٢٠١٣ ودى اوسع شوية من الليبرتى واريح - بس مش فرق كبير فى الراحة بينها وبين ٢٠٠٧ . الثبات فى الـ KK احسن من الليبرتى .

[م/أحمد عبد الفتاح]

بالنسبة للسعر ينزل ١٠ الاف عن ١٧٥ الف يعنى ١٦٥ حلو قوى عليها لو هى فابريكة وكيلومتراج اقل من ١٤٠ الف كم

[El Gen]

شكرا جدا على رد حضرتك

حصل لخبطه و كتبت بوست تانى على نفس الموضوع و مش عارف الغيه ... اتمنى ميحصليش " بان"

[blazer]

اشترى لو بتدخل مدقات غير كدا عربيه متعبه و بلاعه بنزين و صيانه غاليه
واعتقد السعر كدا غااالى انا بسمع 140 فى العربيات دى

[El Gen]

الحقيقه ان مش بدخل ولا مدقات ولا صحرا ... بس اغلب طرقى مكسره جدا و حفر مفاجئه.
الى فهمته ان بالنسبه للبنزين هيا 1.7 او 2 مره ال 1600 cc.
بالنسبه لقطع الغيار تقريبا هى نفس او ارخص اسعار العربيات الحديثه (اوربى او يابانى).

السؤال الى محيرنى هو ... لو حبيت ابيع كمان كام شهر ... حعرف ابيع بسهوله (لو حالتها كويسه) ؟ مطلوبه يعنى ؟ و حخسر حوالى كام ؟

[NourElmansy]

سيدي الفاضل كنت محتار حيرتك .. و كان خارج خياراتي تماماً الليبرتي

ألا اني بالصدفة البحتة لقيت عربية بحالة لا تصدق .. كيلومتر 74 الف موديل 2007 لم ترش اطلاقاً ..

كشفت مرتين والجميع اكد ان السيارة بحالة متميزة .. المهم هيا عربية وسعها معقول جداً ، ثباتها جيد داخل المدينة ( طالما مبتجريش فوق 140 ) .. موتور استجابته ممتازة .. والاهم ان سحب البنزين هو اقل من ×2 السيارات الصغيرة بقليل

يعني الريو 1400 بتقطع 350كم ب 100 ج
و الليبرتي 3700 بتقطع 350 كم ب 190 ج

نفس ظروف القيادة .. دي يوم و دي يوم

لم اندم علي شراؤها حتي الان بكل صراحة .. و الريسيل يحكمه حالة السيارة .. لو تمام هتتباع بسرعة شديدة

السعر المعروض عليك بيه كويس .. و لو نزل 5 يبقي افضل كمان

المهم .. الحالة .. الحالة .. الحالة