مشكله الحراره في شيروكي ٢٠٠١

[hero_01069]

السلام عليكم ورحمة الله وبركاته
انا محتاج مساعده في مشكله الحراره يا ريت تفيدوني يا شباب العربيه النهارده عدت ال ١٠٠ بحاجه بسيطه مع العلم ان الجو شتا ممكن تفيدوني يا جماعه جزاكم الله خيرا و سؤال تاني بسمع صوت تزيق وانا نازل الجراج او طالع منه او لو بدوس بنزين مره واحده بسمع سوت طقطقه العربيه اتوماتيك و شكرا

[م/أحمد عبد الفتاح]

مؤشر الحرارة العادى المفروض يبقى ١٠٠ درجة أو زيادة شوية (١٠٢ درجة) الموتور متظبط على الحرارة دى - ولو هى أعلى من الـ ١٠٠ درجة بكتير يبقى تشوف الأتى:
- هل الميه بتنقص :
* ممكن يكون غطاء الرادياتير - الرادياتير مخروم - الخراطيم بتاعة الرادياتير مخرومة أو مسدودة أو متنيه وخانقة المية (خصوصاً الخرطوم التحتانى) - طلمبة المية باظت (هل بتسمع صوت ونه و الطلمبة بتنقط ميه)
- المية مش بتنقص :
* كلتش المروحة (لما بتمشى بسرعة بالعربية بتبقى كويسة ولما بتقف فى اشارة مثلاُ بتسخن) وكمان الكلتش بيعمل صوت أعلى من صوت الطلمبة.
دى الحاجات إللى لازم تبص عليها وإن شاء الله تكون حاجه بسيطة.
التزييق ده فى الغالب قواعد موتور او قواعد فتيس لازم يتكشف عليهم - وإحتمال تكون العفشة الأمامية إكشف عليها برضه لو قواعد الموتور والفتيس كويسين

[احمد فهمى]

زي ما قالك احمد باشا عبد الفتاح مش هضيف حاجه

[hero_01069]

متشكر يا احمد باشا ميتحرمش منك هو الميكانيكي قالي الغطاء بتاع الريداتير عايز يتغير وحروحله النهارده يبصلي على القواعد ممكن ترشحلي ميكانيكي كويس موثوق فيه يعني

[رامي مصطفى]

متشكر يا احمد باشا ميتحرمش منك هو الميكانيكي قالي الغطاء بتاع الريداتير عايز يتغير وحروحله النهارده يبصلي على القواعد ممكن ترشحلي ميكانيكي كويس موثوق فيه يعني

معلش استفسار خارج الموضوع
هيا الشيروكي 2000-2001 كويسه ولا لا سعرها تقريبا كام لو حاله نظيفه اوتو
استهلاكها للبنزين عامل ايه وتكلفة ترخيص السنه (ضريبه وتأمين اجباري)
وشكرا

[م/أحمد عبد الفتاح]

متشكر يا احمد باشا ميتحرمش منك هو الميكانيكي قالي الغطاء بتاع الريداتير عايز يتغير وحروحله النهارده يبصلي على القواعد ممكن ترشحلي ميكانيكي كويس موثوق فيه يعني

العفو - عموماً أنا من إسكندرية - بس باسمع سمع خير عن محمد عبد الوهاب جنب سور مجرى العيون فى فم الخليج

[hero_01069]

عربيه ممتازه استهلاك البنزين عالي عن ١٦٠٠ طبعا جوه البلد بتعمل من ١٢٠ ل١٣٠ كم في الصفيحه بره البلد يعني على طريق سريع من ١٥٠ ل ١٦٠ كم بس اهم حاجه الانجكشن يكون مظبوط بمعنى انه متنضف وحساس ال tps كويس و نضيف والحساس ده بتاع عداد ال rpm سعره من ٨٥ ل ٩٥ لو حالتها نضيفه جدا واهم حاجه تكون كهربتها سليمه يعني الضفيره نضيفه مش مطقطع منها حاجه الدينامو بتاع بلدها والريموت بتاعها مش الريموت العادي اللي بتشتريه من بتاع كمليات السيارات

[رامي مصطفى]

عربيه ممتازه استهلاك البنزين عالي عن ١٦٠٠ طبعا جوه البلد بتعمل من ١٢٠ ل١٣٠ كم في الصفيحه بره البلد يعني على طريق سريع من ١٥٠ ل ١٦٠ كم بس اهم حاجه الانجكشن يكون مظبوط بمعنى انه متنضف وحساس ال tps كويس و نضيف والحساس ده بتاع عداد ال rpm سعره من ٨٥ ل ٩٥ لو حالتها نضيفه جدا واهم حاجه تكون كهربتها سليمه يعني الضفيره نضيفه مش مطقطع منها حاجه الدينامو بتاع بلدها والريموت بتاعها مش الريموت العادي اللي بتشتريه من بتاع كمليات السيارات

الف شكر لحضرتك