خبرات سابقه

[hany_f50]

السلام عليكم و رحمة الله و بركاته

برجاء الاستعانه بالخبرات السابقة في بعض المواضيع
1- محلات قطع غيار مسنعمله
2- كهربائي ممتاز تخصص رانجلر
3- ساعات بحس بحراره من خالف التبلو فما السبب

شكرا للتعاون

[م/أحمد عبد الفتاح]

انت بتطلب المستحيل :)
- بالنسبة لقطع الغيار المستعملة بتبقى بطيخة انت وبختك ومافيش محل استعمال نقدر نقول عليه احسن من التانى لانهم بيشتروا من بره عربيات متقطعه ويفكلك منها الجزء اللى انت عاوزه - فى الغالب الحاجات اللى زى البلاستيكات والفوانيس والكراسى والفرش هى اللى بتبقى باينه وواضحه وانت بتشتريها لكن حاجات الموتور والفتيس والكارتات والعفشة انت وبختك وعلى التجربة - جرى العرف ان الناس بتنزل تشترى الاستعمال من الحرفيين .
- بالنسبة للكهربائى الكويس فى الجيب - مافيش :) - ممكن تلاقى واحد كويس فى تغيير الكنترول مثلا وممكن تلاقى واحد كويس فى تركيب الاكسسوارات وممكن تلاقى واحد تانى كويس فى شغله تانية لكن انك تلاقى واحد كويس فى اى حاجه ده صعب وممكن نقول مستحيل - لكن معظمهم مابيعرفش يشخص الاعطال صح وبتقعد تغير فى قطع غيار لغاية ماتوصل للعطل - فيه ناس كتير دلوقتى بيقعد على النت يقرا عن العطل بتاعه قبل مايصلح العربية علشان محدش يضحك عليه.
- بالنسبة للسخونة اللى ورا التابلوه دى ممكن يكون العزل الحرارى بين حيز الموتور والكابينة مش كويس - وممكن تكون العربية بتسخن فعلا - بس ايه هو نوع العربية ؟

[hany_f50]

اسف علي التاخير في الرد يا باشا

العربيه رانجلر 2013

[م/أحمد عبد الفتاح]

اسف علي التاخير في الرد يا باشا

العربيه رانجلر 2013

هل العربية بتسخن فعلا - لان حصل ان بعض العربيات الرانجلر كانت بتسخن نتيجة تزويد سائل التبريد اللى فيها واسمه oat ولونه بنفسجى شوية بسائل تبريد احمر من نوع hoat اللى كان بينزل فى الموديلات اللى قبل كده وده سبب تفاعل بين السائلين ادى لبعض مشاكل السخونة والتوكيلات اعتقد دلوقتى اخدت بالها من الموضوع ده