ارجو تقديم النصيحة . متبخلش عليا بخبرتك

[poda]

مساء الخيرات عليكم جميعا ...
السلام عليكم
انا حشتري ان شاء الله ليبرتي 2005 .
بس قبل ما اخد القرار دة بحكم حتكون اول مرة اشتري jeep في حياتي ... عاوز اجابة علي بعض الاسئلة
1- ايةمعدل استهلاكها للبنزين . وانا ساكن في التجمع وشغلي للاسف في المهندسين
2-اسعار قطع الغيار ومدي توفرها
3- التجديد والترخيص والضريبة كام للسنه
4- اماكن الصيانة الكويسة والرخيصة
5- سعرها بعد البيع مطلوبة ولا ايه .. ولا لو تجربتي معاها فشلت بيعها حيكون تقيل
6- مدي ثباتها علي الطريق في السرعات العالية

واخير .. عاوز نصيحة بجد .. اشتريها ولا لا

شكرا جزيلا جدا جدا جدا مقدما

[amr011111]

انا لو منك مش هشتريها لان العربيه حاجتها مش رخيصه. الحاجه التانيه ثابت العربيات العاليه عموما مش هيكون زى ثبات العربيات القريبه من الارض وذلك لعلو مركز ثقل العربيات العاليه عن الأرض وبالتوفيق

[poda]

انا لو منك مش هشتريها لان العربيه حاجتها مش رخيصه. الحاجه التانيه ثابت العربيات العاليه عموما مش هيكون زى ثبات العربيات القريبه من الارض وذلك لعلو مركز ثقل العربيات العاليه عن الأرض وبالتوفيق

اولا شكرا لتفاعلك السريع ..

بس حضرتك بقالها معاك قد اية ... ؟
والسؤال الاهم ... بتجيب قطع غيارها منين ؟

[amr011111]

اولا شكرا لتفاعلك السريع ..

بس حضرتك بقالها معاك قد اية ... ؟
والسؤال الاهم ... بتجيب قطع غيارها منين ؟

مش معايا انا مع واحد زميلى بيجيب حاجتها من شارع جسر البحر من شبرا مصر استيراد

[poda]

مساء الخيرات عليكم جميعا ...
السلام عليكم
انا حشتري ان شاء الله ليبرتي 2005 .
بس قبل ما اخد القرار دة بحكم حتكون اول مرة اشتري jeep في حياتي ... عاوز اجابة علي بعض الاسئلة
1- ايةمعدل استهلاكها للبنزين . وانا ساكن في التجمع وشغلي للاسف في المهندسين
2-اسعار قطع الغيار ومدي توفرها
3- التجديد والترخيص والضريبة كام للسنه
4- اماكن الصيانة الكويسة والرخيصة
5- سعرها بعد البيع مطلوبة ولا ايه .. ولا لو تجربتي معاها فشلت بيعها حيكون تقيل
6- مدي ثباتها علي الطريق في السرعات العالية

واخير .. عاوز نصيحة بجد .. اشتريها ولا لا

شكرا جزيلا جدا جدا جدا مقدما

نسيت اسال .. مصاريف تسجيلها كام في الشهر العقاري

افادكم الله

[عبدالله برعى]

طالما داخل المدينة صفقة غير مريحه
اما التسجيل حسب سعه الموتور ويوجد في ارشيف المنتدي جدول بذلك

[م/أحمد عبد الفتاح]

١- معدل استهلاك البنزين من ١١٠ الى ١٢٠ كم فى الصفيحة فى الزحمة وحوالى ١٥٠ كم فى الصفيحة عالطوالى
٢- بالنسبة لقطع الغيار متوفرة استعمال وجديد وباسعار متنوعه منها الصينى وده رخيص ومنها الموبار وده اغلى شوية - فيه حاجات صينى كويسة فى السوق وشغاله وفيه حاجات لازم تستعمل الاصلى الموبار وعموما اسعار قطع الغيار زى ويمكن اقل من اى عربية تانية وكمان معمرة .
٣- الرخصة فى السنة دى يستحسن تسأل عنها فى المرور واعتقد حاتكون فى حدود ال ١٥٠٠ ج فى السنة بس الاحسن تسأل .
٤- اماكن الصيانة والاصلاح فيه واحد فى القاهرة باسمع عنه خير اسمه محمد عبد الوهاب فى عين الصيرة .
٥- اعادة البيع بتاعها معقول بس تكون العربية حالتها كويسة ومش ملعوب فيها .
٦- الثبات بتاعها بعد ال ١٢٠ او ال ١٣٠ بيبقى مش قوى زى اى عربية فور باى فور
رسوم التسجيل فى الشهر العقارى يستحسن انك تسأل فى اى شهر عقارى هما عندهم جدول بيتغير كل سنة .
وعموما الليبرتى من اول ٢٠٠٥ اتحسنت كتير عن الموديلات اللى قبلها وليها سوق كويس .
تشتريها ولا لأ دى ترجعلك وانت عاوز ايه من العربية ومدى استفادتك منها وهل انت محتاج ليها ومستعد تضحى باستهلاك البنزين ولا مش محتاجها وحاتزنق نفسك .

[م/أحمد عبد الفتاح]

ونصيحة قبل ماتشتريها اكشف عليها كويس فى التوكيل احسن

[Mohamed Desoky]

السلام عليكم ورحمة الله وبركاته وليه وجع القلب ده كله الجيب عندنا فى مكتب هندسى بنستعملها فى حاجه واحده فقط الجبل والمدقات علشان شغل المساحه غيركده ملهاش لزمه على الطريق انا بتكلم عن جيب شيروكى منول والله العظيم جابتلى غضروف انا شايف كل عربيه ليها استخدام وعلى حسب انتى عايزها لايه وخلى بالك الجيب مصريف تشغلها كتير كتيرقوى فكر كويس وربنا يوفقك

[poda]

اشكركم جميعا للنصيحة ...
انا الغرض من شرائها ان شكلها عاجبني ... جدا وفي نفس الوقت مناسبة للميزانية بتاعتي ( يعني احسن حاجة اجيبها بالفلوس اللي معايا ) ..
بس فخامة وشكل الليبرتي افضل ..
ونفسي اجرب ال jeep. بس ارائكم خوفتني فعلا في القرار ...
خايف اجيبها واندم ... وخايف مجبهاش واندم بردو

[hamdy]

بص هي اهم حاجة تكون حالتها كويسة عشان تعرف تبعها و متخسرشي كتير حتي لو علي سبيل التجربة

[poda]

بص هي اهم حاجة تكون حالتها كويسة عشان تعرف تبعها و متخسرشي كتير حتي لو علي سبيل التجربة

اولا شكرا علي النصيحة ...
عموما الليبرتي اللي قودامي عاملة 150000 والموتور والتكييف تمام . وفابريكة بالكامل .. بس عاوزة شغل في العفشة .. وزي ما قولت موديل 2005 ..
دي كدة كويسة .. ؟

[م/أحمد عبد الفتاح]

خلى بالك عفشة العربيات دى مكوناتها كتير جدا فلازم تعرف قبل ماتشتريها ايه اللى بايظ فى العفشة بالظبط وعلشان كده باقولك اكشف عليها فى التوكيل اضمن حايقولولك ايه اللى بايظ بالظبط وتسأل على اسعاره علشان تبقى على نور

[ramyar]

ليه ليبرتي تحديدا مش kk ولا رانجلر

[poda]

ليه ليبرتي تحديدا مش kk ولا رانجلر

الميزانية تحكم ....
وهي الرانجلر و ال KK احسن .... ؟

خد بالك اخوك مبيفهمش حاجة في ال Jeep عموما ::D