السؤال المرة دى عن الزيت

[yk_5]

2001 Wj – 2001 V8 187000 km
السؤال المرة دى عن زيت الموتور .. لما اشتريت العربيه عملت لها الصيانات اللى بتتعمل دائما لما حد يشترى عربية يعنى زيت وفلتر وسير وتيل فرامل .... الخ .
استخدمت الفلتر الأصلى وزيت كاسترول ماجناتيك ولزوجة 5w30 يعنى زى الكتاب ما بيقول (مكتوب على غطاء ملئ الزيت) وبعد حوالى 4000 كم لقيت الزيت نقص حوالى 1 لتر والحمد لله مفيش تسريب أو ترشيح.
قرأت كل ما كتبه المهندس أحمد البرعى عن الزيوت..... ومش لاقى الكتالوج علشان أعرف بدائل الزيت اللى تتناسب مع جو مصر
النقص ده طبيعى والا مش طبيعى ولو مش طبيعى سببه الزيت المستخدم والا حاجة تانية؟؟

[ahmed_eng2001]

فى انتظار راى المهندس احمد البرعى و كمان رأى الخبراء

[عبدالله برعى]

- يوجد ثلاث اتجاهات لنقص الزيت من السيارة ومتعلقين ببعض ويتاثر كل منهما بالاخر
1- مشكلة في الموتور
مشاكل الموتور ممكن ان تاتي بسبب الزيت وليس العكس....
- العلاج الاول : لو كانت النقص كمية قليلة ( 50 مللي في 100كم) يتم وضع مادة السيراتك(تكنولوجيا النانو) او اي منتج معتمد وامريكي وستلاحظون الفارق ويتم اتباع تعليمات المنتج والنتيجة بعد ليس اقل من 5000 كم
العلاج الثاني: استخدام زيت اعلي درجة لزوجة من اختيارات المصنع

2- استخدام زيت غير الموصي به من المصنع
الاول ( يتم استشارة التوكيل او البحث عن الكاتالوج)
3- تسريب وهذا يتم الكشف عنه بالعين المجردة

[yk_5]

ياريت يا جماعة أى حد عنده كتالوج العربية دى يرفع الصفحة اللى بتتكلم عن مواصفات زيت الموتور.
كمان عاوز اسأل هو عداد ضغط زيت الموتور اثناء السير بيكون فى منتصف المسافة بين 3 , 5.4 ده الطبيعى والا لأ؟

[yk_5]

- يوجد ثلاث اتجاهات لنقص الزيت من السيارة ومتعلقين ببعض ويتاثر كل منهما بالاخر
1- مشكلة في الموتور
مشاكل الموتور ممكن ان تاتي بسبب الزيت وليس العكس....
- العلاج الاول : لو كانت النقص كمية قليلة ( 50 مللي في 100كم) يتم وضع مادة السيراتك(تكنولوجيا النانو) او اي منتج معتمد وامريكي وستلاحظون الفارق ويتم اتباع تعليمات المنتج والنتيجة بعد ليس اقل من 5000 كم
العلاج الثاني: استخدام زيت اعلي درجة لزوجة من اختيارات المصنع

2- استخدام زيت غير الموصي به من المصنع
الاول ( يتم استشارة التوكيل او البحث عن الكاتالوج)
3- تسريب وهذا يتم الكشف عنه بالعين المجردة

أولا : أشكرك على الرد
ثانياً : حضرتك بتقول لو كان النقص كمية قليلة (50 مللى فى 100 كم) ..... أعتقد ان دى مش كمية قليله لأن على المعدل ده الـ 4000 كم اللى بتكلم عليهم كمية الزيت المناظره لهم 2000 مللى يعنى 2 لتر ودى كميه لو نقصت تبقى كبيره جداً.
ثالثاً : الكتالوج زى ما أوضحت فى الموضوع مش موجود وفشلت الاقيه على النت والتوكيل فى دنيا تانيه (كما تعودت منه) بيقول ان الزيت اللى بيحطه موبار لزوجة 5w20 هههههههههه يعنى أخف من الزيت اللى بستعمله أقولهم العربيه موديل 2001 العربيه عاملة حوالى 187 ألف كم ولا الهوا هو موبار 5w20 ....
رابعا: مفيش رابعاً

[ahmed_eng2001]

تعديل صغير خالص لحضرتك ... الكاسترول الماجنيتيك 10w-40 و المفروض ان ده 10 الاف كم
التوتال و ال شل هيلكس الالترا 5w-40 و دول برضوا ذ0 الاف كم

و الطريقة البلدى لمعرفة نقص الزيت .... تلاحظ اذا كانت البوجيهات بتعرق زيت من جوه و لا لأ ... ده معناه الشنبر .. فى الغالب
العربية بتطلع دخان ابيض و هى باردة .... و ده معناه اويل سيل الصباب
العربية بتطلع دخان اسود لما تسخن ... احتمال يكون الشنبر تانى
الموتور بيعرق زيت ... جوان غطاء التاكيهات ... او جوان غطاء تزويد الزيت .... عاوزين يتغيروا

غير كدة .. عربيتك زى الفل و 100% .. و استخبى من الميكانيكية

[yk_5]

تعديل صغير خالص لحضرتك ... الكاسترول الماجنيتيك 10w-40 و المفروض ان ده 10 الاف كم
التوتال و ال شل هيلكس الالترا 5w-40 و دول برضوا ذ0 الاف كم

و الطريقة البلدى لمعرفة نقص الزيت .... تلاحظ اذا كانت البوجيهات بتعرق زيت من جوه و لا لأ ... ده معناه الشنبر .. فى الغالب
العربية بتطلع دخان ابيض و هى باردة .... و ده معناه اويل سيل الصباب
العربية بتطلع دخان اسود لما تسخن ... احتمال يكون الشنبر تانى
الموتور بيعرق زيت ... جوان غطاء التاكيهات ... او جوان غطاء تزويد الزيت .... عاوزين يتغيروا

غير كدة .. عربيتك زى الفل و 100% .. و استخبى من الميكانيكية

ههههههههههههه
ربنا يكرمك حاضر هستخبى

[ahmed_eng2001]

نقص الزيت 1 لتر كل 4000 كيلو ... حاجة مش طبيعية بالنسبة لى ....
متابع معاك

[عبدالله برعى]

عذرا 50 مللي في 1000 كم

[borio1704]

أنا آسف إني اتأخرت لإني ما شفتش الموضوع إلا دلوقتي...

عندي خبرين.. واحد حلو قوي ... وواحد حلو بس... :)


الخبر الحلو قوي... لقيتلك الكتالوج

ادخل على موقع جيب ده ونزله.. بس الكتالوجات عندهم لموديلات الحديثة شوية.. أقدم حاجة في سنة 2004.. بس أعتقد إنه نفس الموديل بتاعك ونفس المواتير..

Jeep Owners | Download an Owners Manual 2004 - 2011 | Jeep



الخبر التاني ... إن مواصفات الزيت الأنسب بتقوللك إن الزيت لازم يكون مطابق لمواصفات كرايسلر MS-6395 ... ومشكلة مواصفة كرايسلر دي إنك صعب جدا تلاقيها في زيت في مصر...




هو صحيح بيقوللك إنك لازم تشتريه معتمد من الـAPI.. بس مواصفة الـAPI عموما تعتبر متواضعة نسبيا مقارنة بمواصفات الشركات..

بس المؤكد بالنسبالي إن زيوت "موبار" لازم تكون معتمدة من كرايسلر طبعا... لإن "موبار" هي الشركة الرسمية لقطع الغيار بتاعت مجموعة كرايسلر.


بس الغريبة إني ألاقي زيت موبيل 1 ESP Formula بلزوجة 5W-30 وعليه مواصفة لكرايسلر.. بس مش نفس الرقم!!!


احتمال تلاقي زيت مناسب عند شيل.. بس اتأكد من وجود المواصفة الأول..
أنا لقيت ده على موقع شيل.. بس معرفش موجود في السوق في مصر ولا لأ !!
Shell Helix Ultra SN 5W-30 | Shell Global


الزيت اللي لقيته - ومتأكد إنه موجود - وعليه مواصفة كرايزلر دي (MS-6395) هو مجموعة آمسويل كلها الـ 5W-30 وكمان 10W-30

https://www.amsoil.com/lit/databulletins/g2880.pdf

https://www.amsoil.com/lit/databulletins/g1404.pdf

https://www.amsoil.com/lit/databulletins/g3404.pdf

بالنسبة لضغط الزيت... فمكتوب في الكتالوج إن الضغط الصح لما يبقى المؤشر في النص تقريبا.


...

[ahmed_eng2001]

ربنا يباركلك ...
حاجات جديدة الواحد بيتعلم من حضرتك ....
و يا سيدى على الاخبار ...

سؤال .... ايه الى ممكن يحصل لو حطيت زيت اتقل شوية من الى فى الكتالوج ؟؟

[borio1704]

ربنا يباركلك ...
حاجات جديدة الواحد بيتعلم من حضرتك ....
و يا سيدى على الاخبار ...

سؤال .... ايه الى ممكن يحصل لو حطيت زيت اتقل شوية من الى فى الكتالوج ؟؟

الموضوع له شقين..

الشق الأول يعتمد على حسب الموتور تصميمه قديم ولا جديد..

المواتير الجديدة بتبقى خلوصات السبايك في الكرنك ضيقة جدا... وبتبقى محتاجة زيوت خفيفة علشان تقدر تدخل في المناطق الضيقة دي بالسرعة المطلوبة.

هنا بنتكلم على اللزوجة الديناميكية (ودي خاصة بالرقم قبل الـW) .. لإنها مهمة جدا في عملية الضخ "Pumping".. وحضرتك عارف إن الأجزاء دي بتتزيت تحت ضغط الطلمبة...



الشق التاني له علاقة بانسياب الزيت.. وهنا بنتكلم عن اللزوجة الكينماتيكية... (ودي خاصة بالرقم بعد الـW)...

ولو استخدمت زيت أتقل.. فده معناه إن سرعة رجوعه للكارتيرة تاني هتبقى أبطأ.. خصوصا الزيت اللي نازل من وش السلندر..

يعني كمية الزيت "اللحظية" في الكارتيرة هتقل...

الحالة دي ممكن تدخلنا في مشاكل إن احتمال الطلمبة تاخد هوا أحيانا مع المطبات .. خصوصا لو كان مستوى الزيت أصلا نازل.


بعض المواقع اللي بتوصي بزيادة اللزوجة مع استهلاك الموتور بيقولوا إنك ممكن تزود درجة على الرقم قبل الـW ... يعني لو بتستخدم 5W-30.. فلما تيجي تزود تستخدم 10W-30...

ولو إني مش مقتنع بالموضوع ده أصلا.. ولا مقتنع بتزويد اللزوجة خارج نطاق الكتالوج.



الموضوع ده فيه تفاصيل أكتر عن حكاية اختيار اللزوجة وأنواعها (في المشاركة التانية تحديدا).

http://www.nilemotors.net/Nile/481878-a.html

...

[م/أحمد عبد الفتاح]

الزيت اللى فى العربية درجته متوافقة مع تعليمات الكتالوج وكمان مكتوب. على غطا الزيت - عاوزك تشوف شوية حاجات :
- هل انت متأكد إن مافيش تسريب للزيت من اى مكان ؟ حاول ترفع العربية فى البنزينة وتبص تحت على اى تسريب للزيت
- وكمان بص على الغطايين بتوع التاكيهات هل يوجد تسريب زيت من الجوانات بتاعتهم ؟
- لو لقيت النقطتين اللى فوق تمام فيه بلف اسمه PVC وده يعتبر تهوية للكارتير فكه ونضفه وده مكانه باين فى الفيديو فى اللينك اللى تحت .
- فيه او رينج فى المقاس من فوق اتأكد انه موجود وانه مش مشقق ولا دايب .

https://m.youtube.com/watch?v=0PCLEanyGyk

[م/أحمد عبد الفتاح]

اتفق مع الباشمهندس احمد البرعى فى الزيت الشيل هيلكس الترا 5w-30 والزيت ده موجود فعلا فى مصر وانا بستعمله من سنة وزى الفل

[ahmed_eng2001]

الزيت اللى فى العربية درجته متوافقة مع تعليمات الكتالوج وكمان مكتوب. على غطا الزيت - عاوزك تشوف شوية حاجات :
- هل انت متأكد إن مافيش تسريب للزيت من اى مكان ؟ حاول ترفع العربية فى البنزينة وتبص تحت على اى تسريب للزيت
- وكمان بص على الغطايين بتوع التاكيهات هل يوجد تسريب زيت من الجوانات بتاعتهم ؟
- لو لقيت النقطتين اللى فوق تمام فيه بلف اسمه pvc وده يعتبر تهوية للكارتير فكه ونضفه وده مكانه باين فى الفيديو فى اللينك اللى تحت .
- فيه او رينج فى المقاس من فوق اتأكد انه موجود وانه مش مشقق ولا دايب .
https://m.youtube.com/watch?v=0pcleanygyk

انت فين يا باشمهندس مش باين من زماااااان ؟؟!!

كنت عاوز اعرف اكتر او اخد دورات تدريبية عن صيانة السيارات الجيب .. ايه رأى حضرتك ؟ و ممكن اجد الحاجات دى فين ؟؟