عايز اشتري شيروكي kk .. مطلوب رأي خبراء المنتدى ضروري

[B.hml]

أنا كل الي أعرفه ... انهم كلهم نفس الشكل و كل حاجة .. بس من أول 2011 نزل معاها المفتاح الجديد
هل في أي فروق اخرى أو موديل معين أفضل أو موديل معين فيه مشاكل ؟
ارجو الافادة ضروري .... و شكرا مقدما
أنا هحط شقى عمري كله في العربية دي والله

[م/أحمد عبد الفتاح]

٢٠١١ بتدور بالريموت يعنى وانت برة العربية ممكن تدورها بريموت المفتاح - وكمان الكاسيت تاتش سكرين والدركسيون مختلف شبه بتاع الرانجلر - كل الموديلات من سنة ٢٠٠٨ لغاية ٢٠١٣ تقريبا واحد بس الاوبشنات بتزيد فى ٢٠١١ الحاجات اللى زى المفتاح والكاسيت والدركسيون .
الكشف الكويس ثم الكشف الكويس ثم الكشف الكويس - بمعنى تكشف عليها فى التوكيل اضمن حاجه علشان تعرف لو ملعوب فيها خصوصا العداد بتاع الكيلومتر او مثلا فيها مشاكل تانية محدش حايعرفها غير التوكيل - الموتور والعفشة وكل قطع الغيار هى هى فى كل السنين - حاجات بسيطة قوى مختلفة زى سينسور ضغط العجل ٢٠٠٨ و ٢٠٠٩ مختلف عن الموديلات اللى بعد كده - بس الاتنين متوفرين فى السوق وكل قطع غيار العربية متوفرة فى السوق بكثرة وباسعار معقولة جدا جدا - اهم نصيحة الكشف الكويس - طبعا كل موديل احدث بسنة حتلاقى سعره ييزيد عن الموديل اللى قبله - فيه هنا فى القسم شوية مواضيع كتيرة عن ال kk اتسلى واقراهم بكل التعليقات اللى فيهم وتحت امرك فى اى استفسار

http://www.nilemotors.net/Nile/461561-kk-2008-2013-a.html

http://www.nilemotors.net/Nile/448564-kk.html

[B.hml]

أشكرك شكرا جزيلا على هذا الرد الوافي
و ربنا يسهلي و الاقي عربية كويسة و ان شاء الله هكشف عليها في التوكيل
بس هل في حاجات أساسية اقيم بها العربية قبل التوكيل ؟

[م/أحمد عبد الفتاح]

ان شاء الله تلاقى حاجه كويسة
بالنسبة للتقييم المبدأى موجود فى الموضوع التانى اللى انا حاطط اللينك بتاعه فى التعليق السابق

[B.hml]

طيب اخر حاجة معندكش انت عربية للبيع على ضمانتك ؟ انا جاهز

[B.hml]

انا كنت بهزر على فكرة .. هههههه
و شكرا مرة اخرى

[م/أحمد عبد الفتاح]

طيب اخر حاجة معندكش انت عربية للبيع على ضمانتك ؟ انا جاهز

للاسف والله انا معرفش حد معاه عربية عاوز يبيعها بس ممكن تشوف على دوبيزل بيبقى عارض عربيات كتير منها بس يستحسن يكون واحد مالك للعربية مش معرض سيارات علشان بيلعبوا فى عدادها

[م/أحمد عبد الفتاح]

انا كنت بهزر على فكرة .. هههههه
و شكرا مرة اخرى

ياعم هزر براحتك مافيش مشكلة هو انا اصلى لسه شايف التعليق بتاع حضرتك حالا - ولايهمك

[B.hml]

ههههه ... ربنا يخليك
بس طالما هكشف في التوكيل لو المعرض لاعب في العربية هيكتشفو كل حاجة .. صح ؟
اصلي بصراحة موصي معرضين .. ده غير اني بشوف برضه على النت
هو مفيش عند حضرتك فكرة الكشف في التوكيل بيتكلف كام ؟ او رقم تليفونهم ... علما باني من سكان مدينة نصر

[م/أحمد عبد الفتاح]

الكشف من سنة كان حوالى ٩٠٠ جنيه - حاليا ممكن يكون عدى ال ١٠٠٠ جنيه
ده عنوان وتليفونات الهيئة العربية للتصنيع
إيجى داير - موسوعة الصناعات المصرية والمدن الصناعية - دليل الصناعات المصرية

[م/أحمد عبد الفتاح]

ودى عناوين وتليفونات مراكز خدمة ابوغالى
مراكز الخدمة | أبو غالى موتورز - ContactCars.com