تغير كاوتش السياره

[stowfik2004]

ان شاء الله انا هغير الكاوتش النهارده ايه النصائح اللى ممكن اعرفهما وانا بغير الكاوتش علشان اتلاشا اى خطا من المكان اللى هيتم تغير الكاوتش وده طبعا علشان الحساسات الموجوده بالكاوتش وازاى العربيه هتحس بالحساسات تانى بعد ما تركب وهل فى حاجه انا بعملها فى العربيه علشان كل حاجه ترجع لطبيعتها
وشاكر جدا المعلومات المفيده اللى حضرتك بتقدمها م / احمد عبد الفتاح

[م/أحمد عبد الفتاح]

اهم حاجه علشان موضوع السينسورات بتاعة العجل انك تروح لواحد بتاع كاوتش كويس علشان مايكسرش البلوف - والعربية دى فيها ميزة انها بتتعرف على السينسورات بتاعة العجل لوحدها ومش محتاجه اى تدخل خارجى باى سكانر او كمبيوتر - بعد ماتركب العجل الجديد تسيبها واقفة ١٠ دقايق وبعد كده لو مشيت بيها ولقيت لمبة الانذار بتاعة الكاوتش منورة - تمشى بيها ربع ساعة على سرعة اعلى من ٢٥ كم/ساعة حتلاقى اللمبة طفت - ولو حطيت كل جنط فى مكانه الاصلى مش حتلاقى اللمبة نورت لكن لو غيرت اماكن الجنوط ممكن اللمبة تنور وتحتاج تعريف للكمبيوتر والطريقة هى اللى انا ذكرتها لحضرتك

[م/أحمد عبد الفتاح]

وعلى فكرة الحساسات راكبة على الجنط فلما تغير الكاوتش مش حاتفك الحساسات اصلا - بس تقول للراجل ان عند البلف فيه سينسور علشان ياخد باله وهو بيفك الفردة من الجنط ماينزلش الحديدة بتاعة الماكينة على السينسور علشان مايتكسرش

[stowfik2004]

شكرا جد هو انا هغيرها فى بيرجستون يعنى المفرود انو فاهم بس حبيت ابقه انا كمان فاهم طبيعه الموضوع علشان ابقه واقف عارف ايه اللى مفرود يتم
شاكرا جدا لحضرتك

[khaledomar]

العربيه عندى 2008 kk انا عندى 3 قرات ل3 عحلات والرابعه لاء واللمبه منوره اللى بتقول فى حاجه فى الكوتشات
ياريت اغرف اروح فين واعمل ايه وشكرا جزبلا

[م/أحمد عبد الفتاح]

العربيه عندى 2008 kk انا عندى 3 قرات ل3 عحلات والرابعه لاء واللمبه منوره اللى بتقول فى حاجه فى الكوتشات
ياريت اغرف اروح فين واعمل ايه وشكرا جزبلا

يبقى الحساس مش شغال او مش موجود ( لو كنت لسه شارى العربية مثلا ) - حاتعمل حاجه سريعة يمكن تنفع معاك وهى انك حتزود الفردة اللى مش مظبوطة لضغط اعلى من العادى يعنى مثلا ٣٨ وتمشى بيها ربع ساعة وبعد كده تظبطها وتشوف ايه الاخبار ولو منفعتش - حتروح لحد بتاع كاوتش كويس ويفك الفردة ويتأكد ان الحساس موجود اصلا وبالمرة اكشف برضه على الاستبن ممكن يكون الحساس فى الاستبن - لو لقيته موجود فى الفردة الاصلية يبقى خلاص بطاريته خلصت ولازم يتغير الحساس - لو لقيته فى الاستبن ركبه فى الفردة اللى عالارض وامشى بالعربية حوالى ربع ساعة على سرعة اعلى من ٢٥ كم /ساعة .

[khaledomar]

شكرا جدااااااااااااااااااااااااااااااااااااااا