الفتيس قافش من امبارح على ال p ومش بيتحرك خالص

[khapet]

لو سمحتم يا جماعه واحد صاحبي معاه جيب ليبرتي والفتيس بتاع العربيه قافش من امبارح على ال p ومش راضي يتحرك.
هل في حد عنده حل أو سبب ده إيه؟؟؟؟؟

[lancer06]

لما بتحط عصايه الفتيس على ال p بيتعمل لوك على العصايه وعلشان تفكها بتدوس فرامل بيلغى اللوك علشان العصايه تتحرك المفرض ان اللوك علق
جرب تحرك العربيه سنه قدام وسنه للخلف وبعدين دوس فرامل وجرب لو استمر الوضع هتجيب ميكانيكى يحل الكنصول ويشوف اللوك

[م/أحمد عبد الفتاح]

اسباب قفش عصاية الفتيس على ال p كتير :
- بطارية تعبانة
- ماكنة الاستوب بتاعة الفرامل بايظة ( احيانا ممكن تسبب العطل ده )
- طبلة الكونتاكت بايظة
- كابل الانترلوك قافش او بايظ ( كابل زى كابل البنزين موصل بين طبلة الكونتاكت وعصاية الفتيس علشان يخلى عصاية الفتيس تتحرر لما تفتح الكونتاكت او تدور العربية )
- فيه بعض الموديلات فيها سولونويد فى عصاية الفتيس ممكن يكون عاوز يتنضف او اتحرق

[khapet]

شكرا لكل الناس اللي شاركت في الرد
معلش اتأخرت عليكم
كل سنه وانتم طيبين
هو زميلي كان راكن على الرصيف فكان نص العربيه على الرصيف والنص التاني على الاسفلت
هو جاب ميكانيكي فك له العصايه بتاعة الفتيس وزيتها والفتيس اشتغل تاني تمام