إعـــــــلان

**م/أحمد عبد الفتاح** · 12-07-2016, 08:27 PM

رسوم نقل الملكية ( التسجيل فى الشهر العقارى) فى حدود ال ٥٠٠٠ الى ٦٠٠٠ جنيه والرخصة فى السنة تعمل فى حدود ال ٢٠٠٠ جنيه وعموما برضه اسأل فى الشهر العقارى وفى المرور لان عندهم جدول بالرسوم بينزل كل سنة علشان تتأكد من الارقام مظبوط - وعموما ال ٢٠٠٧ السنة الجاية حايكون مر عليها ١٠ سنين ورسوم الرخصة السنوية حاتقل كتير ممكن توصل ١٥٠٠ جنيه .
بالنسبة للبنزين فهى بتعمل من ١١٠ الى ١٣٠ كم فى الصفيحة (٢٠ لتر) داخل المدينة وعلى الطوالى من ١٥٠ الى ١٦٠ كم فى الصفيحة بسرعة معقولة مثلا ١١٠ او ١٢٠ كم/ساعة

**م/أحمد عبد الفتاح** · 12-07-2016, 10:11 PM

قطع غيارها متوفرة بكثرة جديد واستعمال واى حاجه موجودة حتى كارتة الكمبيوتر والاسعار بتاعتها مش غالية وعادية بالذات الحاجات الاستهلاكية رخيصة زى الفلاتر وتيل الفرامل والمرايات والفوانيس مع انهم مش منطالين بس لو اتكسروا الجديد رخيص عن اى عربية تانية - وعلى فكرة العربيات دى شغاله باى قطع غيار اصلى او صينى بس بتفرق فى العمر بتاع قطعة الغيار وفيه بعض الحاجات الصينى بتبقى كويسة زى الاصلى وبتعمر - لو عاوز تغير تيل فرامل ومعاك ٢٥٠ جنيه حتلاقى ولو معاك ٨٠٠ جنيه حتلاقى برضه . الصيانة بتاعتها زى اى عربية معظم الميكانيكية دلوقتى شغالين بالفهلوة زى باقى العربيات بس ليها ناس كويسة بتشتغل فيها بس قليلين - بس مافيش مشكلة لان الجيب بالذات ليها منتديات كتير مصرية واجنبية على الفيسبوك وغيره والناس بتسأل بعض وماشى الحال اللى بيعرف بيقول للى مابيعرفش . اللى غاوى دعبسة فى العربيات وبيشتغل بايده حايحبها جدا لانها عاوزة كده الصراحة - الموتور بتاعها ٣٧٠٠ سى سى حرف v ٦ سلندر لكن الشيروكى لغاية ٢٠٠١ كانت موتور مختلف ٤٠٠٠ سى سى لاين ٦ سلندر . اهم حاجه فيها حسن اختيار العربية اللى حاتشتريها بمعنى الكشف الكويس جدا عليها والتوكيل اضمن حاجه فى الموضوع ده . من الميزات اللى فيها ان اخر ٤ ارقام للشاسية هما هما اخر اربع ارقام فى الموتور ولو كانوا مختلفين تبقى عربية مغيرة موتور قبل كده وتفرق فى السعر شوية- نزل منها مواتير ٤ سلندر بس مانيوال ودى بقى قطع غيار الموتور بتاعها قليلة واغلى من ال٦ سلندر

Comment

Comment

إعـــــــلان

.

بعد اذنكم ...سؤال لمالكى الجيب

بعد اذنكم ...سؤال لمالكى الجيب

Comment

Comment