jeep wrangler 1998 عاجل

[sok3a]

السلام عليكم
كنت عاوز استفسر عن حاجه في عربيتي الجيب yj 98
المفروض اني هاغير الدفرانس الخلفي
في ثلاث اراء من ثلاثه من اكبر الناس اللي بتشتغل في ميكانيكه الجيب في مصر
احمد السلمي و
محمد عبد الوهاب و
بركات بتاع المنوفيه
واحد يقوللي ركب الديفرانس بتاع الشيروكي و عدل القواعد عشان عمره اطول و انعم

و التاني يقوللي ركب الديفرانس بتاع الاربعه سلندر رغم ان المكنه سته سلندر هايبقي شديد جدا في العزم ... بس انا اخاف يتحرق
و التالت يقوللي اوعي تركب بتاع السيروكي عشان ماتعدلش في القواعد و عشان مافيهوش كلاتشات
السوال بقي
اصدق مين فيهم
و شكرا

[م/أحمد عبد الفتاح]

أول حاجه الديفرانس حايتغير كامل يعنى كورونة وأكسات ؟؟
لو الأكسات بايظة ممكن تشترى أكسات زى الأاصلى بتاع العربية من حيث الطول والقطر وعدد الأسنان بتاعة المشرشر وطريقة التركيب - يعنى مطابق تماما للأكسات اللى فى العربية .
لو حاتغير الديفرانس كامل علشان فيه مثلاً خبطة أو اتكسر يبقى حضرتك تشترى زى الأصلى أو تشوف الكورونة مكتوب عليها نسبة التخفيض كام وتجيب نفس النسبة يعنى لو ٣,٠٧ ولا ٣,٧٣ ولا ٤,١١ وحاتجيب نفس نسبة التخفيض ونفس قطر الأكسات - لو ملقيتش الكورونة مكتوب عليها نسبة التخفيض يبقى حاترفع العربية وتعلم علامة طولية على عمود الكردان وتعلم على أى عجلة علامة وعلى الرفرف علامة وتخلى علامة العجلة مع العلامة اللى على الرفرف وتخلى حد يلففلك العجلة لفة كاملة وتشوف عمود الكردان لف كام لفة هى دى النسبة الأصلية بتاعتك وتشترى زيها وتصدق العربية بس .

[Mohamed Desoky]

أول حاجه الديفرانس حايتغير كامل يعنى كورونة وأكسات ؟؟
لو الأكسات بايظة ممكن تشترى أكسات زى الأاصلى بتاع العربية من حيث الطول والقطر وعدد الأسنان بتاعة المشرشر وطريقة التركيب - يعنى مطابق تماما للأكسات اللى فى العربية .
لو حاتغير الديفرانس كامل علشان فيه مثلاً خبطة أو اتكسر يبقى حضرتك تشترى زى الأصلى أو تشوف الكورونة مكتوب عليها نسبة التخفيض كام وتجيب نفس النسبة يعنى لو ٣,٠٧ ولا ٣,٧٣ ولا ٤,١١ وحاتجيب نفس نسبة التخفيض ونفس قطر الأكسات - لو ملقيتش الكورونة مكتوب عليها نسبة التخفيض يبقى حاترفع العربية وتعلم علامة طولية على عمود الكردان وتعلم على أى عجلة علامة وعلى الرفرف علامة وتخلى علامة العجلة مع العلامة اللى على الرفرف وتخلى حد يلففلك العجلة لفة كاملة وتشوف عمود الكردان لف كام لفة هى دى النسبة الأصلية بتاعتك وتشترى زيها وتصدق العربية بس .

مفيش كلام بعد كلام الباشمهندس احمد لانه استاز ::فى الجيب

[ahmed_eng2001]

اخبار الديفرانس الامامى ايه ؟؟؟ موجود و لا حضرتك لغيته ؟
لو لسه موجود ... حضرتك لازم تجيب دفرانس زى الامامى فى نسبة التخفيض ... او تغير الاتنين مع بعض

[yk_5]

هات زى اللى فى العربيه بالضبط وربنا يوفقك
متسمعش للفتاوى اللى زى دى خالص صدقنى مش بالأسامى فيه ناس من اللى حضرتك زكرتهم دول مبيعرفش يغير زيت فتيس أصلا حسب أصول الصنعة ... هيجى يفتى فى كوارين ونسب تخفيض !!؟؟؟