انواع الزيوت لجيب ليبرتى

[khaledboppo]

عندى جيب ليبرتى 2004 موتور 2400cc كنت عوز اعرف افضل انواع الزيوت للسياره دى اى
1- زيت فتيس مانويل
2- زيت كرونه
3- زيت موتور الموتور بحاله جيد جدا موتور 4 سلندر وكمية الزيت اد اى العربيه ماشيه 140 الف
4- افضل نوع مياه تبريد ولونها يكون اى
وحاجه اخير لو الف الدريكسيون للاخر بسمع صوت صرير اى ده ؟
ارجو الرد جزكم الله خير

[م/أحمد عبد الفتاح]

Jeep Owners | Download an Owners Manual 2004 - 2011 | Jeep
ده لينك شركة جيب الصفحة الخاصة بالكتالوجات حاتخش عليه وتختار السنة والموديل وتحمل نسخة من الكتالوج وتقرا الباب السابع كويس قوى فيه كل المعلومات اللى سالت عليها واللى مسالتش عليها - وبعدين تكمل قراية للباب الرابع وبعدين التامن وبعدين الباقى :) - بس أهم حاجه الباب السابع
وعموماً زيت الموتور حوالى ٤,٧ لتر بالفلتر - واللزوجة 5w-30 والمواصفة اللى مكتوبة على جركن الزيت API
و انه مطابق لمواصفة كرايزلر رقم MS-6395 - وفلتر الزيت رقمه Mopar 4105409
زيت الفتيس يكون مطابق للمواصفة رقم MS-9224 وده يكون مكتوب على جركن الزيت ويكون زيت تخليقى وبتاخد حوالى ٢لتر أو ٢ ونص - ويستحسن تسأل المالك السابق كان بيحط نوع ايه علشان تسهل على نفسك.
- زيت فتيس الغرز وده Mopr ATF+4 وده بالذات ماتجيبش غير نوع اسمه موبار ان شالله من التوكيل علشان فتيس الغرز مايبوظش وبتاخد حوالى ١,٥ لتر ( ونفس الزيت ده للباور)
- الكورونة الامامية زيت تروس تخليقى 75w-90 ويكون مكتوب عالجركن انه مطابق للمواصفة API GL5 وبتاخد لتر وربع - الكورونة الخلفية نفس النوع وبتاخد حوالى ٢ لتر
- ميه التبريد بتاخد ١٠ لتر وانسب حاجه ليها المية البرتقالى بتاعة توتال . (تفضى دايرة التبريد بالكامل عند بتاع الرادياتيرات ويغسل الدورة بالمية وبعدين تحط المية دى على نضافة)
- ونصيحة اشترى اللى حاتغيره قبل ماتروح للميكانيكى تغيره علشان ماتتزنقش كل حاجه تبقى معاك

[khaledboppo]

انا مش عارف اوصل من الكتلوج لحاجه
وكمان هى موعيد تغير الزيوت دى اى

[م/أحمد عبد الفتاح]

عندك من صفحة ٢٩٣ فى الباب السابع خيرات ربنا - وبعددين أنا كتبتلك انواع وكميات كل الزيوت - المواعيد دى كما يلى :
زيت وفلتر زيت الموتور كل ٨٠٠٠ كم أو ٦ شهور ايهما اقرب
زيت الفتيس التخليقى كل ٤٠ الف كم
فلتر الهوا كل ١٥ الف كم
زيوت الكوارين كل ٢٠ الف كم
زيت فتيس الغرز كل ٤٠ الف كم وممكن لغاية ٥٠ الف كم - بس ٤٠ علشان يتغير كل مرتين تغيير لزيت الكوارين
البوجيهات كل ٣٥ الف بالكتير
ميه التبريد تتغير بالكامل كل سنتين

[borio1704]

البشمهندس أحمد عبد الفتاح جابلك من الآخر...

ولو عايز تحافظ على عربيتك فعلا.. خلي الكتالوج ده هو مرجعك الأول والأخير...

وما تسمعش لأي حد يفتيلك بكلام مخالف للكتالوج.


...

[khaledboppo]

هو الليبرتى مش بور كهرباء زيت اى بقا
- زيت فتيس الغرز وده Mopr ATF+4 وده بالذات ماتجيبش غير نوع اسمه موبار ان شالله من التوكيل علشان فتيس الغرز مايبوظش وبتاخد حوالى ١,٥ لتر ( ونفس الزيت ده للباور)

[م/أحمد عبد الفتاح]

هو الليبرتى مش بور كهرباء زيت اى بقا
- زيت فتيس الغرز وده Mopr ATF+4 وده بالذات ماتجيبش غير نوع اسمه موبار ان شالله من التوكيل علشان فتيس الغرز مايبوظش وبتاخد حوالى ١,٥ لتر ( ونفس الزيت ده للباور)

ياباشا بص فى عربيتك جنب الموتور حتلاقى غطا مرسوم عليه دركسيون أو مكتوب عليه power steering