بنزين الجيب شيروكي

[misspinky]

صباح الخير
انا كنت منزلة موضوع انى عايزة عربية في حدود 60 ألف
المهم لقيت الجيب موديلات 97/98 في حدود المبلغ ده وطبعا أمريكى وعالية وكويسة جدا بس حاجة واحظة لقيت عليها إجماع انها بتشرب بنزين يعنى مصاريفها ازيد من السيدان بكتير
من أهل الخبرة بقي عايزة اعرف تعمل بنزين كام في الشهر استخدام متوسط
وهل في عيوب تانية للشيروكى غير دى بالنسبة للتكييف او غيره

[م/أحمد عبد الفتاح]

هو بالنسبة لموضوع شرب البنزين فهى بتشرب فعلا :) - يعنى بتعمل فى الصفيحة ال ٢٠ لتر بنزين حوالى من ٨٠ الى ١٠٠ كم - العربيات السيدان العادية موتور مثلا ١٦٠٠ بتعمل فى الصفيحة فى حدود ١٨٠ كم - والعربية لما بيبقى التانك بتاعها عالربع وتعوزى تفولى بتاخد حوالى ٥٥ لتر ولو التانك فاضى واللمبة منورة بتعدى ال٦٠ لتر فى التفويلة - فمصروف البنزين عالى شويتين - كمان فيه حاجه مهمة وهى انها بتعوز رعاية خاصة وفيها حاجات اكتر من العربيات السيدان زى مثلا الكورونة الامامية والكورونة الخلفية وفتيس الغرز ودول مش موجودين فى العربيات السيدان وبيحتاجوا تغيير زيت كل حوالى ٢٥ الف كم - وبالنسبة للاصلاح والصيانة بتوعها مش اى حد يشتغل فى العربيات دى وبتاخد منك وقت علشان تتصلح او تعمل صيانة فلازم يكون عندك خبرة فى اللف على قطع الغيار الجديد والاستعمال والميكانيكية بس هى للحق قطع غيارها متوفرة ومعمرة بس ساعات بيركبها عفريت ماتعرفيش ايه اللى فيها وبتاخد وقت علشان تكتشفى السبب - اهم حاجه هى حسن الاختيار يعنى تكشفى عليها كويس جدا قبل الشرا وتتاكدى من ان كل حاجه شغالة فيها حتى التكييف محدش يقولك دى بسيطة ولا دى عاوزة شحن ولا حد يبسطلك الامور - لازم تكون ميه ميه - وصعب انك تلاقى عربية ماسكة نفسها وكويسة حاتبقى غالية وممكن تعدى ال ٨٠ الف - موديل ٩٨ افضل .
ده بامانة اللى اقدر اقوله لحضرتك والقرار ليكى .