أيه رأيكوا في الجيب شيروكي موديل 94؟

[FASTER]

هو بصراحة اللي قاللي عالموضوع ده صديق مقرب ليا وهو أللي قاللي أنها 4 سلندر أوتوماتيك وبيني وبينك أنا معلوماتي ضعيفة أوي عن الشيروكي بس اللي شجعني أني أفكر أنه قاللي أنها نظيفة أوي وعاملة حوالي 80000كيلو بس بعد العيوب اللي ذكرتها ألأعضاء أنا أفضل الاحتفاظ بسيارتي السيدان
وشكرا لردود كل الأعضاء المفيدة

[Adham]

مطلوب فيها كام ؟؟؟

لو سعرها مغري حاقولك خدها بس اكشف عليها كويس

[FASTER]

63000وممكن تخلص ب60000 أيه رأيك؟ وعلي فكرة العربية فابريكة دواخل وخوارج

[Adham]

كتييييييررررررررررر جدااااااااااااااا

انا اعرف واحد عندة شيروكي موديل 95 لونها زيتي 4 سلندر فابريقة دواخل وموتورها كويس عاوز 53 الف فيها بس تكييفها عطلان عاوز اصلاح لحام خرم بيسرب في السربنتينة و يتشحن و عفشتها تعبانة شوية بس مانصحكش تاخدها

و اعرف واحد معاه عربية كنت حاشتريها من شهرين موديل 1996 6 سلندر مانيوال رالي او سفاري فابريقة برة و جوة راشة بس بابين و فرشها جلد اصلي بس عيبها لونها أبيض وعاوز فيها 65

اللي انت بتتكلم عليها دي كبيرها ال 58000 دة لو فعلا فابريقة الكامل مش كلام و حالتها تمام عفشة و تكييف و موتور و كلة بس زي ماقلت لك الاربعه سلندر في الشيروكي مش كويس لان الموتور ضعيف عالعربية وزي ما بيقولوا الشيروكي مايتركبش غير 6 سلندر علشان تبقى عربية عفٌية

انا رايي تاخد الستة سلندر اللي باقولك عليها حاتعجبك قوي لو اللون الابيض يمشي معاك لأن انا مش باطيقه في العربيات

بس خللي بالك الشيروكي بياكل بنزين قوي و قطع غيارة مش رخيصة

[FASTER]

شكرا يا أدهم باشا انا هاعيد تفكيري تاني بالنسبة للشيروكي

[Adham]

العفو ياباشا

ولو عاوز تشوف ال6 سلندر البيضاء ممكن اديلك رقم موبايل صاحبها لو كانت لسة موجودة
و لو عاوز رأيي
لو تقدر تزود فلوس شوية لغاية 85 او اكتر اشتري شيفرولية فرونتيرا انا لسة جايب واحدة من شهر و نص بعد دراسة لسوق العربيات ال 4 *4 و العربية فعلا قوية و مريحه وواسعه و قطع غيارها متوفرة و اسعارها معقولة و بتوفر شوية في البنزين عن الشيروكي برغم ان الموتور اقوى ودة لأنة 6 سلندر بشكل حرف في كرنك قصير و 24 صباب
بس خللي بالك يكون فتيسها بحالتة 100% لأن العيب الوحيد في الفرونتيرا هو فتيسها لو فية عطل او تلف بيتكلف كتير و متعب في اصلاحه بس غير كدة عربية قوية جدا جدا كشاسية و مريحة جدا في المشي زيها زي العربيات السيدان , عفشتها مش ناشفة زي الشيروكي, وكمان تكييفها قوي جدا عن الشيروكي

و اسعارها تبتدي من 85 الف لموديل 1998 و طالع يعني موديل 2000 بيعمل من 100 - 110 و موديلات 2003 بتوصل لغاية 135 الف حسب الحالة و الكيلومتر

[active]

الموديل ده تحفة انا مشفتش صاج انشف من كده ممكن تعتبره حديد مصقول موتور قوى للغاية الناس كلها بما فيهم الميكروباصات والمينى باصات بتخاف منك جداً وطبعاً مقابل الميزات هناك عيوب لكن انا شايفها هايلة جداً بس خلى بالك من البواسير لأن العربية قاعدتها وعفشتها ناشفين جداًَ

[ahmad--ezzat]

راى فى الجيب شروكى بصراحه:
1-موتور قوى جدا ملوش اى استخدامات فى مصر
2-بنزين اكيد رهيب
3-عربيه متنفعش تبقى ملاكى او تكون للاسره المصريه
4-مصاريف تشغيلها مش سهله

العربيه ركوبه كويسه وفى ناس غوينها وهى عربيه محترمه ولكن مش لمصر

[magazy93]

معلوماتي عنها انها حريقة بنزين (4000 cc بتعمل 70 كم في الصفيحه)
ناشفة جدا
ثبات متواضع مع السرعات العاليه
الكنبه ضيقه
قطع الغيار غالية نسبيا (عادية بالمقارنة بفئتها)
معظم المستعمل موتورة مفوت و يستحسن التأكد تماما من الشاسية و حالة الموتور - معظم العربيات اللي شفتها كان جسم الموتور بينشع زيت.
الصعود اليها مشكلة و بالذات لكبار السن

في المقابل

عزم مبهر
قوة مع المطبات يعني متخافش من معظم اللي الناس بتخاف منه
قوة علي الطريق مع معظم الميكرباصات حيث البقاء للأقوي :p

ده علي قد ما انا عارف و كل واحد بيحب دماغة

شكرا على معلوماتك الجيدة لكن للأسف مش كلها صحيح
موديل 94 4 سلندر مش 4000 سىسى
هى صحيح قطع غيارها غالية
انا عندى جراند شيروكى 2000 6 سلندر 4000سىسى واستهلاك البنزين معقول واكيد موديل 94 4 سلندر بستهلك أقل بكتير
وشكرا