ايه رأيكو فى الشيروكى 2002 او 2003 من عز العرب ؟؟

[KHALED AYMAN]

ازيكو يا رجاله الجيب ؟؟
انا اعتقد ان دى اول مره اشارك فى منتدى الجيب و يا رب متكونش اخر مره لانى واضح انى هبقى شيروكياوى ...
انا هحكيلكو الوضع بالتفصيل علشان تبقو فاهمين الصوره كامله ...
انا معايا استرا 2006 و عايز ابيعها و اجيب شيروكى ليبرتى موديل 2002 او 2003 ..
من عز العرب لانى اسمع ان عنده عربيات كويسه ...
و كنت عايز اعرف ايه عيوب العربيه غير :
1-الكنبه ضيقه (انا ركبتها لان عمى عنده واحده بس للاسف مش قاعد فى مصر علشان اقدر استفسر منه كويس ).
2-بتاكل بنزين ..
3-ناشفه...
موضوع الثبات انا اسمع انه ضعيف بس عايز اعرف هل هى ثباتها اضعف من الاسترا الى معايا ؟؟
و لو اضعف هتبقى اضعف فى ايه فى الملفات ولا على الطرق الى مش ممهده ولا على اى طريق ؟؟

بالنسبه لقطع الغيار هل هى متوفره برا التوكيل ولا نادره ...
و هل غاليه و معمره (زى الالمانى) ولا غاليه و مش معمره ..؟؟
و يا ترى فى مشاكل ميكانيكيه فى العربيه او عيوب خطيره ؟؟
و يا ترى العربيه سحبها حلو ولا تعبان (انا سمعت انه وحش) ...
يعنى لو قارنتها بالاسترا هتبقى لصالح مين ؟؟
اخر حاجه و اهم حاجه ...
ايه رأيكو فى عز العرب (كتوكيل) و ايه رأيكو فى العربيات الى عنده و هل غاليه اوى ولا سعرها زى السوق ؟؟
و يا ترى سعر موديل 2002 او 2003 ايه ؟؟

معلومه اخيره :
العربيه مش هتقف اساسا لانى على طول بسافر ...
مثال:
انا عامل بالاسترا 130000 كم فى 3 سنين يعنى حوالى 43 الف كم فى السنه ..
معلش انا طولت عليكو ز زهقتو منى انا عارف بس هو انا ليا مين غيركو اسأله ؟؟
مشكورين اوى يا جماعه و ان شاء الله اردهالكو فى منتدى اوبل او سكودا

[M!NA]

http://www.nilemotors.net/Nile/showthread.php?t=62388

[KHALED AYMAN]

متشكر استاذ مينا بس معلش انا عندى كام استفسار ملقيتش ليهم اجابه فى اللينك الى حضرتك بعته ...

1-هل قطع الغيار معمره ؟؟(يعنى بغيرها و ادفع كتير بس بنساها زى الاوبل ؟؟
2-هل التوكيل كويس كمعامله و خدمه و فهم ؟
3-ايه رأيك فى العربيات الى عند عز العرب ؟؟
كويسه ولا غاليه ؟؟
انا بفضل اشتريها منه لانى احتمال اقسطها ..
و كمان اعتقد ان الى يبيع عربيته للتوكيل فأكيد كان بيعمل صيانته هناك و بيعامل العربيه بنضافه (راجل دماغ يعنى)..
4-المشاكل الى بتقولو عليها فى العربيه زى ايه يعنى ؟؟
فيها حاجات بتبوظ و ملهاش حل ولا كمبيوتر ولا حاجات فى العفشه ولا الموضوع كله ان صيانتها صعبه ؟؟
5-هل فعلا العربيه بتعمل 80 كم فى الصفيحه ؟
معلش انا تقلت عليك آسف ..

[M!NA]

متشكر استاذ مينا بس معلش انا عندى كام استفسار ملقيتش ليهم اجابه فى اللينك الى حضرتك بعته ...

1-هل قطع الغيار معمره ؟؟(يعنى بغيرها و ادفع كتير بس بنساها زى الاوبل ؟؟

لو أصلية... هتبقا معمرة أكتر من أي عربية عرفتها في حياتك...!!! لدرجة أنك ممكن تزهق و تغيرها غلاسة مش عشان باظت !!!

2-هل التوكيل كويس كمعامله و خدمه و فهم ؟

متعاملتش مع أبو غالي أو عز العرب في الصيانات بتاعتي... بس أعرف ناس بيتعاملوا هناك... معاملة لطيفة... أسعار غير لطيفة على الاطلاق...

3-ايه رأيك فى العربيات الى عند عز العرب ؟؟
كويسه ولا غاليه ؟؟

غالية !!! (كمان عز العرب ...قطع الغيار اللي فيه مش أصلية... و ده عن تجربة شخصية و قطع غيار شفتها بنفسي مش حد حكالي)

انا بفضل اشتريها منه لانى احتمال اقسطها ..
و كمان اعتقد ان الى يبيع عربيته للتوكيل فأكيد كان بيعمل صيانته هناك و بيعامل العربيه بنضافه (راجل دماغ يعنى)..

4-المشاكل الى بتقولو عليها فى العربيه زى ايه يعنى ؟؟
فيها حاجات بتبوظ و ملهاش حل ولا كمبيوتر ولا حاجات فى العفشه ولا الموضوع كله ان صيانتها صعبه ؟؟

مشكلة الليبرتي أن التكنولوجيا بتاعت موتورها لا تناسب استخدامها as a heavy duty 4 wheeler
الموتور الV الجديد ممتاز كتكنولوجيا ... بس أعطاله كتير (و حساساته كتير أوي و مش أي حد بيشتغل فيه)... و مهما كان قوي عمره ما وصل لقوة الموتور الطولي ال6 سلندر في الشكل اللي قبله...

5-هل فعلا العربيه بتعمل 80 كم فى الصفيحه ؟
معلش انا تقلت عليك آسف ..

مقدرش أفتي في القصة ديه... بس حسب كلام الناس اللي راكبينها... هي بتعمل من 80-100 تقريبا جوة البلد و برة البلد حوالي 140-160 في الصفيحة...!!!

[KHALED AYMAN]

بجد انا مش عارف اشكرك ازاى على مساعدتك دى ...
و بالنسبه للاستخدام فأنا استخدامى مش شاق ولا حاجه انا كل مشيى بيبقى من المحله للقاهره و من المحله لاسكندريه و من البيت للشغل ...

و مره تانيه متشكر جدا جدا لحضرتك و ان شاء الله لو اشتريت هبقى ابلغكو و اعملكو تقييم و اقولكو على كل التفاصيل ..

[KHALED AYMAN]

انا روحت النهارده عز العرب و اتفرجت على الاستعمال و لقيت طلبى و هو ليبرتى 2002 او 2003 و بالفعل لقيت الاتى:
1-ذهبى مو 2003 ماشيه 145 الف كم ...
فابريكه بالكامل عدا الرفارف (الفيبر)و الاكصدامات..
التابلوه حالته زيرو و كذلك العربيه من برا ....
الحاله العامه ممتازه و مصدقتش انها 145 الف كم ...
و مطلوب 150 الف ......
بس انا هقسطها مش هدفع كاش ايه رايكو ؟؟؟
2-سمراء موديل 2002 ماشيه 117 الف كم ...
فابريكه بالكامل بس محتاجه رش اكصدامين +رفارف ...
التابلوه متبهدل و التاره حالتها زفت .......
لكن اساسات العربيه كويسه ....
مطلوب 135 الف و تخلص على 130 .........

انا مرتاح للعربيتين بس مش عارف اخد انهى واحده ....

انتو ايه رأيكو ؟؟
انا عارف ان السمرا حالتها اقل من الذهبى بس ماشيه كم اقل و كمان سعرها اقل ....

محتااااااااااااااااااااااار

[midnightman_74]

انا روحت النهارده عز العرب و اتفرجت على الاستعمال و لقيت طلبى و هو ليبرتى 2002 او 2003 و بالفعل لقيت الاتى:
1-ذهبى مو 2003 ماشيه 145 الف كم ...
فابريكه بالكامل عدا الرفارف (الفيبر)و الاكصدامات..
التابلوه حالته زيرو و كذلك العربيه من برا ....
الحاله العامه ممتازه و مصدقتش انها 145 الف كم ...
و مطلوب 150 الف ......
بس انا هقسطها مش هدفع كاش ايه رايكو ؟؟؟
2-سمراء موديل 2002 ماشيه 117 الف كم ...
فابريكه بالكامل بس محتاجه رش اكصدامين +رفارف ...
التابلوه متبهدل و التاره حالتها زفت .......
لكن اساسات العربيه كويسه ....
مطلوب 135 الف و تخلص على 130 .........

انا مرتاح للعربيتين بس مش عارف اخد انهى واحده ....

انتو ايه رأيكو ؟؟
انا عارف ان السمرا حالتها اقل من الذهبى بس ماشيه كم اقل و كمان سعرها اقل ....

محتااااااااااااااااااااااار

اية اخبار بقية العربيات اللى شوفتها عند عز العرب؟؟

[KHALED AYMAN]

شيروكى و لا بى ام ولا كرايسلر ولا ايه ؟؟
لو شيروكى :
فى عربيات موديلات اعلى من 2002 و 2003 و غالبيتهم لونهم اسود ....
و عموما هم عندهم عربيات كتير هناك ...
بالنسبه للحالات فهم بيقولو على الى فى العربيه ...
يعنى الفابريكه بيقول فابريكه و الى رشه بيقول رشه...
و الى مغيره عفشه بيقولو برده ...
اى استفسار انا تحت امرك و لو عايز رقم المندوب الى مسؤول عن المستعمل قولى و انا اجيبهولك بس الصبح لانى نسيت الكارت فى العربيه ....

انا نسيت اقولكو حاجه عن العربيه الذهبى :
المندوب المسؤول عن بيع المستعمل راكبها حاليا ...
و مركب فيها جنوط بتاعه مقاس 18 ...
انا فهمت من كده ان الرعبيه نضيفه لانه مش مجبر انه يركبها ...
و قولت يمكن تكون بتاعه و عايز يبيعهالى على انها تبع الشركه بس قولت الورق هيثبت و كمان انا قايله انى احتمال اقسط قالى ماشى و مش معقول هيقسط عربيته ..........

[midnightman_74]

شكرا يا باشا على ردك
انا قصدى على الشروكى اخبارها واسعارها؟؟
وعز العرب اللى موجود فى طريق مصر الاسماعلية؟؟
ولو تليفون المندوب تبقى تمام اوى

[KHALED AYMAN]

شكرا يا باشا على ردك
انا قصدى على الشروكى اخبارها واسعارها؟؟
وعز العرب اللى موجود فى طريق مصر الاسماعلية؟؟
ولو تليفون المندوب تبقى تمام اوى

لا شكر على واجب يا باشا ...
بالنسبه للاسعار فأنا اتفرجت على عربيتين ..
2002 سعرها كان 135 الف ..
و 2003 سعرها 150 الف ..
و قالى ان فى 2004 على 170 الف بس ما اتفرجتش ...
ة فى عربيات كتير هناك و اكيد طلبك موجود بأذن الله ...
تليفون المندوب ان شاء الله بكره الصبح لان الكارت بتاعه فى العربيه ...

و اى خدمه انا تحت امرك و ان شاء الله نبقى شيروكيان احنا ال 2 ......ز

[midnightman_74]

شكرا يا باشا

[Hesham_91]

Khaled basha yaret t2olna eah nzam el ta2seet ???

[KHALED AYMAN]

Khaled basha yaret t2olna eah nzam el ta2seet ???

التقسيط يا باشا عباره عن انك بتدفع 50 % من سعر العربيه و الباقى زى ما انت عايز بس اقصى حاجه 18شهر و بفوايد 1% فى الشهر ...

[midnightman_74]

سؤال يا خالد باشا على الشروكى لانى معرفش عانها حاجة

اخبار التكييف اية؟
واية مميزات وعيوب العربية؟؟

[KHALED AYMAN]

سؤال يا خالد باشا على الشروكى لانى معرفش عانها حاجة

اخبار التكييف اية؟
واية مميزات وعيوب العربية؟؟

انا بصراحه معلوماتى مش عملاقه فى الشيروكى بس هقول الى اعرفه .
التكييف كويس لان عمى من هواه التكييف و مشتكاش منه و كمان هو اشترى 2002 و باعها و جاب 2007 و اعتقد ان التكييف لو مش كويس مكنش جابها تانى خصوصا انه مش بيشترى عربيات من مصر و الاختيارات كتير برا ..
المميزات :
اولا 4*4 يعنى لا مطب هيحك ولا اى حاجه من الحاجات دى + كمان انها كوضعيه قياده ممتعه جدا لانك حاسس انك ماشى فوق العربيات و كاشف الطريق كله ....
سحب كويس جدا (ممكن مش قوى بالنسبه لانه 3700 سى سى لكن هو قوى جدا )
كماليات كويسه زى فتحه السقف و الكراسى الكهرباء و الفرش الجلد و الى سى دى (و لو موديل اعلى من 2006 اعتقد بيبقى دى فى دى )............
قدره تحمل عاليه جدا يعنى العبريه مهما تعمل فيها بتستحملك لانها عربيه معموله عشان تشقى ...
العيوب :
صوت موتور عالى (ميزه بالنسبه ليا)
استهلاك بنزين عالى (عيب بالنسبالى لكن مميزاتها تغطى على العيب ده )
ضيقه من ورا
ثبات اسمع انه مش كويس بعد 120 (بس مش مراجيح) و بتعوم جامد فى المطر لكن انا مجربتش...
قطع غيار غاليه و فى نفس الوقت معمره (متعود عليها لانى راكب المانى )

ده الى اعرفه و الى متذكره ...
لو عندك سؤال فى حاجه محدده قولى و انا لو عارف هقولك و طبعا الاعضاء هنا هيعرفونا ...
معلش اتاخرت عليك فى رقم المندوب لان اخويه سافر بالعربيه و هى فيها الكارت بتاع المندوب و لسه مرجعش ........