الشروكى و بنزين 80

[kingkassem]

كل عاوز اسأل اهل الخبرة و العندهم الشروكى خاصة موديل 99 موتور 2400

و ال عندهم فرونتيرا كمان


هل ممكن تمون بنزين 80 و لا لا ؟

لان معدل الانضغاط عالى ؟؟


المهم الناس المجرية


و فى انتظار ردكم وشكرا جزيلا

[h_hezzah]

انا كنت كتبت موضوع عن استخدام ال80 فى الجيب بس مش عارف الاقيه دلوقتى
على كل انا عملت شوية تجارب وقريت فى الموضوع والخلاصة:

80 بس قليل قوى عليها ويخليها وبتسقف معاك، بس ما فوق ال85 بيكون معقول
ان شغال من يوم مالبنزين غلى احط ب30 جني 80 (33لتر) واكمل بقيت التنك 92. وبكده بيكون الناتج 86 على الأقل (ده بافطراض ان التنك قرب يفضى) والعربية شغالة بكده بدون مشاكل طالما مافيش تحميل على الموتور. بس لما بكون ناوى ادخل صحراء باستخدم 90
مع ملاحظة ان عربيتى 6 سلندر يعنى الموتور كده كده مش متحمل، اما بالنسبة لل 4 سلندر لازم تجربها وتقولنا النتيجة
اهم حاجة ان الموتور مايسقفش معاك وانت ماشى لأن ده بيقصف عمره

علاى فكرة انا جربت الخلطة دى فى الفرونتيرا وشغالة برده.

[kingkassem]

الف الف شكر استاذ حازم

حسوف و ابلغك ان شاء الله

[gaboor]

استاذ حازم ممكن الموضوع ده مع الرانجلر 4100 سي سي و لأ و ايه رأيك في استهلاك الرانجلر و هل هي عملية ولأ

[h_hezzah]

أكيد ممكن ال wrangler نفس موتور الcherokee

[Rembrandt]

80 لا طبعا هتبوظ الموتور وتقصر عمرة وموضوع خلط البنزيين دة موضوع فاشل وتأثيرة فى المدى البعيد على الموتور مش كويس.
انا ماشى ب92 وعشان نسبة الحرق كانت عالية داخل البلد قمت محولها غاز وماشى بلاتنيين غاز داخل المدينة وخارجها بشغلها بنزيين عشان السحب
بس أوعى تحطلها 80 او تخلط البنزيين مش قد العربية هات سيارة مناسبة ليك عشان متئرفقش وتكلفك فوق طاقتك وربنا يوفقق للاختيار الصائب

[h_hezzah]

ملحوظة بس
موتور الجيب نسبة انضغاظه 1:8.8 وده يخلى ال 92 مش مناسب ليه لأنه مش بيتكبس بالقدر اللى يخليه يتحرق كويس وبالتالى تلاقيها بتستهلك مع ال92 بنزين اكتر من لو استخدمت 90.

ونسبة الانضغاط دىلا برضه اللى بتخلى الموتور ماسقفش لو الاوكتين قل عن 90.

الفرونتيرا نسبة انضغاطها برضه منخفضة ومكتوب على باب التانك من الداخل استخدم بنزين 85 او اعلى. يعنى مسموح بالاوكتين المنخفض

[magazy93]

80 يتعب الموتور جدا وبعدين انا عاوز اوضح معلومة وهى ان العربيات الجيب عربيات حساسة ولازم الأهتمام بيها يعنى بنزين من أنضف نوع وزيوت من أنضف نوع ولازم الأهتمام بتغيير الزيوت فى المعاد المظبوط لو عملت كدة العربية تعيش زى الفل معلومة أخيرة ان الجيب لو حك من تحت جامد بيتعب وعلى العموم الجيب عالى

[mahmoud19]

انا كنت كتبت موضوع عن استخدام ال80 فى الجيب بس مش عارف الاقيه دلوقتى
على كل انا عملت شوية تجارب وقريت فى الموضوع والخلاصة:

80 بس قليل قوى عليها ويخليها وبتسقف معاك، بس ما فوق ال85 بيكون معقول
ان شغال من يوم مالبنزين غلى احط ب30 جني 80 (33لتر) واكمل بقيت التنك 92. وبكده بيكون الناتج 86 على الأقل (ده بافطراض ان التنك قرب يفضى) والعربية شغالة بكده بدون مشاكل طالما مافيش تحميل على الموتور. بس لما بكون ناوى ادخل صحراء باستخدم 90
مع ملاحظة ان عربيتى 6 سلندر يعنى الموتور كده كده مش متحمل، اما بالنسبة لل 4 سلندر لازم تجربها وتقولنا النتيجة
اهم حاجة ان الموتور مايسقفش معاك وانت ماشى لأن ده بيقصف عمره

علاى فكرة انا جربت الخلطة دى فى الفرونتيرا وشغالة برده.

انا شفت الردود بتاعت حضرتك بس انا عايز اعرف العربيه الى معايه احسبلها الموضوع ده أزاى . والعربيه هى كيا سيفيا 1500سى سى وطبعا 4سلندرات و 16 صمام
وأسف على ازعاجك

[max_ziro]

انا شفت الردود بتاعت حضرتك بس انا عايز اعرف العربيه الى معايه احسبلها الموضوع ده أزاى . والعربيه هى كيا سيفيا 1500سى سى وطبعا 4سلندرات و 16 صمام
وأسف على ازعاجك

يا باشا الموضوع دة من قرن
غير كدة مفيش وجه مقارنة بين المواتير بتاعتنا و المواتير بتاعتهم خالص ..

[mahmoud19]

يا باشا الموضوع دة من قرن
غير كدة مفيش وجه مقارنة بين المواتير بتاعتنا و المواتير بتاعتهم خالص ..

معاك حق والله شكله كده من قرن والناس كمان شكلهم هاجرو من على الموقع ده خالص
:)
بس انا الى كنت عايز اعرفه الحسابات الى هم بيقولوها دى مش شرط بقى العربيه شيروكى ولا سيفيا ولا 128 بس كنت عايز افهم الموضوع بس