أحسن مكان لشراء عربية مستعملة

[Hatem Sallam]

ايه هى أحسن المواقع على النت لشراء عربية مستعملة ؟ و هل من الأفضل شراؤها من معرض ؟ و هى المعارض نسبتها كام تقريبا ؟

[zozza]

اعتقد ان موقع مصراوي قسم السيارات المستعمله هو اكثر المواقع اللي فيها عربيات لسه اعلانها جديد
فيه كمان car100100.com ميزته انه كله صور و معظمهم من سوق الجمعه بس بلاقيه دايما بتاريخ قديم.

اما عن شرا المستعمل من التجار او المعارض (كلهم واحد) اعتقد ده بيكون اسوأ حل.

عاما شرا المستعمل ده فرأيي قسمه و نصيب و الافضل تلف سوق الجمعه كذا مره ويكون معاك صديق بيفهم في التدقيق في المستعمل عشان متتغشش و تعرف سقف العر بتاع السوق حسب الماركه اللي هتشتريها و في الاخر طبعا ربنا يوفقك الي الخير

[Hatem Sallam]

شكرا يا باشا ..أنا والهى اللى رامينى على المستعمل ان عربيتى الجديدة اتخبطت 3 مرات فى سنة و الحمد لله ..2 من ورا و مرة و هى واقفة ... فأنا بفكر فى شيروكى ولا حاجة كده ...و استحمل المستعمل و خلاص

[BASHAR]

contactcars
car100100
ewaseet
;)

[hotboja]

http://www.arabcarmarket.com/

http://www.sayaratmisr.com/usedcars.htm

[KoDaK_Gti]

ولما تشترى عربية اسأل على بنزينه بتكشف على العربيات كويس وتروح تكشف عليها بتدفع
80 جنيه وبيطلعلك تقرير بكل حاجة فى العربية وتريح دماغك