نصيحه من الجيباويه

[aarafah]

أنا ناوي إن شاء الله أجيب شيروكي 98-99 6 سلندر و كنت عاوز نصيحه الأخوة هنا و متخصصي الجيب عن معدل استهلاك البنزين بالنسبه للعربيه و كمان موضوع الترخيص و الضريبه هتكون في حدود كام علشان أنا سمعت انها بتفرق في سنه الموديل و هتفرق لو العربيه موديلها عدى 10 سنين.
أرجو الأفاده و انا قريت كتير من مشاركتكم على المنتدى و ده اللي شجعني في الموضوع ده و خصوصاً مشاركات مينا باشا و المهندس حازم.
دي أول مشاركه ليه و أعتذر عن أي تطويل.

[aarafah]

فين الرد يا جماعه

فين الرد يا جماعه انا مش عاوز حاجه كتير يعني انا عارف انها ممكن تكون اتقالت قبل كده بس معلش اخوكم في حيره و عاوز اطمن نفسي

[active]

اشترى 6 سلندر من 94 الى 97 احلى موديل فيها

[M!NA]

معلش يا باشا.. اعذرني لسة شايف الموضوع دلوقتي... :) أصلي مابقيتش بدخل قسم الجيب من ساعة ما بعتها...

عموما واضح أن الموضوع بتاريخ قديم... لسة بتفكر في شراء الجيب؟ ولا عدلت عن التفكير ده؟

[aarafah]

يا مينا باشا متشكر جداً على الرد كنت مستنيه تخيل من ساعتها انا لسه مجبتش عربيه و لسه بفكر في الشيروكي أو الجيب بصفه عامه انا مش عاوز العربيه في الصحراء و السفريات الكثيره بس انا بحتاج عربيه تكون تستحمل المطبات و الطرق المكسره أنا ساكن في مدينة نصر بس و الشوارع عندنا حوالين عباس العقاد حاجه عسل مطبات و حفر و دغدغه و فل و كمان انا محتاج عربيه عائليه انا و مراتي و الأولاد و عربيه الاولاد و الكراسي و الشنط يعني كل التحرك بيكون معانا حاجات كتير و معظم الاحوال بنكون 4 أو 5 كبار في العربيه و المطبات بتوجع انا استعمالي داخل المدينه يعني مفيش سفر كتير ولا بدخل صحراء بس محتاج حجم عربيه كبير يشيل الحاجه اللي معايا و يشيلنا معاها انا قلقان من حاجتين الأعطال الكتير اللي انت اتكلمت عليها في عربيتك القديمه و اللي صرفته عليها و كمان موضوع ان العربيه تعمل 60 كم في الصفيحه ده قليل قوي و انت عارف المشاوير و الانتظار و الحركات دي انا عارف ان الأستهلاك المفروض يكون كبير بس مثلاً قد ألـ 1600 مرتين مثلاً ولا أيه؟؟ أنا معرفش الصراحه مفيش مشاكل أرجو الأفاده و هل لو لاندكروزر زي بتاعتك يا باشا تعمل كام هي موديل كام و موتورها قد أيه؟ و ممكن ألاقيها في السوق ولا أكلم معرض يشوفهالي؟؟

[M!NA]

يا مينا باشا متشكر جداً على الرد كنت مستنيه تخيل من ساعتها انا لسه مجبتش عربيه و لسه بفكر في الشيروكي أو الجيب بصفه عامه انا مش عاوز العربيه في الصحراء و السفريات الكثيره بس انا بحتاج عربيه تكون تستحمل المطبات و الطرق المكسره أنا ساكن في مدينة نصر بس و الشوارع عندنا حوالين عباس العقاد حاجه عسل مطبات و حفر و دغدغه و فل و كمان انا محتاج عربيه عائليه انا و مراتي و الأولاد و عربيه الاولاد و الكراسي و الشنط يعني كل التحرك بيكون معانا حاجات كتير و معظم الاحوال بنكون 4 أو 5 كبار في العربيه و المطبات بتوجع انا استعمالي داخل المدينه يعني مفيش سفر كتير ولا بدخل صحراء بس محتاج حجم عربيه كبير يشيل الحاجه اللي معايا و يشيلنا معاها انا قلقان من حاجتين الأعطال الكتير اللي انت اتكلمت عليها في عربيتك القديمه و اللي صرفته عليها و كمان موضوع ان العربيه تعمل 60 كم في الصفيحه ده قليل قوي و انت عارف المشاوير و الانتظار و الحركات دي انا عارف ان الأستهلاك المفروض يكون كبير بس مثلاً قد ألـ 1600 مرتين مثلاً ولا أيه؟؟ أنا معرفش الصراحه مفيش مشاكل أرجو الأفاده و هل لو لاندكروزر زي بتاعتك يا باشا تعمل كام هي موديل كام و موتورها قد أيه؟ و ممكن ألاقيها في السوق ولا أكلم معرض يشوفهالي؟؟

بص... مشكلة الشيروكي أنها كنبتها ضيقة من ورا.... و لو مشوار طويل مش هتكون مريحة للناس اللي قاعدين ورا... و يا سلام بأة لو أخدت بيها مطبات جامدة... العربية مش هتتأثر... بس الناس اللي ورا هتتراوح اصاباتها بين انزلاق غضروفي و بواسير...

كمان فيه حاجة... حضرتك بتقول أن مشاويرك هتكون معظمها جوا البلد و السفر هيكون قليل...

الشيروكي هتقرفك جوا البلد من ناحية الحجم... و من ناحية استهلاك البنزين... لأن الاستهلاك بيكون جامد جدا جوا البلد... و يا سلام لو في الصيف و مشغل التكييف....!!

أنا شايف أن أنسب حاجة لاحتياجك... تيريوس....
عربية ناعمة عن الشيروكي شوية... و تعتبر عالية...و في الآخر 1500cc يعني لو عملت ايه... مش هتاكل منك بنزين زي الشيروكي ...


اللاند كروزر بتاعتي ... منصحكش بيها... عايز تعرف ليه... خش على جوجل و اعمل بحث بالصور عن HZJ75LV

:-)

أو شوف ديه.... (نفس موديل و شكل عربيتي بالظبط)

http://upload.wikimedia.org/wikipedia/commons/0/0a/TOYOTA_Land_Cruiser_HZJ75-01.jpg

و تحت أمرك في أي سؤال...

[aarafah]

يا سيدي متشكرين جداً على النصيحه الغاليه بجد أنا كنت متردد و فعلاً انت ريحتني أنا كنت برضو مش مرتاح للموضوع قوي , ربنا يبعد عنا شر الإنزلاق الغضروفي و البواسير كده مش تستاهل بالنسبه لإستخدامي و نشوف التيريوس أيه أخبارها:)و هحتاجلك برضو;-)

[M!NA]

يا سيدي متشكرين جداً على النصيحه الغاليه بجد أنا كنت متردد و فعلاً انت ريحتني أنا كنت برضو مش مرتاح للموضوع قوي , ربنا يبعد عنا شر الإنزلاق الغضروفي و البواسير كده مش تستاهل بالنسبه لإستخدامي و نشوف التيريوس أيه أخبارها:)و هحتاجلك برضو;-)

العفو على ايه....
و كمان لو عايز حاجة اعتمادية جداااااااااااا و حمالة آسية بجد.... شوف الفيتارا 4 باب موديل 2002-2004 كدا.... 1600cc

العربية ديه ممتازة ممتازة ممتازة.... و أنا أشهدلها و أراهن عليها كمان....

تكييفها حلو جدا... خفيفة... stable ...واسعة... دا غير أن عمرها طويل جدا...

بس لو الاختيار بين تيريوس جديد أو فيتارا قديم... يبقا الجديد هو الأفضل و الأضمن...

[aarafah]

مينا باشا شكراً على الرد و شكراً على الأهتمام بتوصيل النصيحه و أنا كنت محتاج نصيحتك في موضوع هل التيريوس مستعمل موديل 2008 أو 2007 أحسن ولا الفيتارا نفس الموديل تكون أفضل و أحسن؟؟؟و مع الشكر مره تانيه

[M!NA]

مينا باشا شكراً على الرد و شكراً على الأهتمام بتوصيل النصيحه و أنا كنت محتاج نصيحتك في موضوع هل التيريوس مستعمل موديل 2008 أو 2007 أحسن ولا الفيتارا نفس الموديل تكون أفضل و أحسن؟؟؟و مع الشكر مره تانيه

هي الفيتارا طبعا.. بس مشكلتها انها باب واحد... و صغيرة.. فأكيد التيريوس هتكون عملية أكتر..
لأن الفيتارا ال4 باب غالية جدا...

[aarafah]

هي فعلاً الفيتارا الـ 4 باب غاليه شويتين , التيريوس هتكون أكثر عمليه أكيد من الفيتارا الـ 2 باب بس كنت عاوز أطمن منك التيريوس فيها عيب أو حاجه تقلق أصل أنت رديت قبل كده على زميل كان بيسأل على الفرق بين الأثنين و أنت رشحت الفيتارا برضو بس كان ليك تعليق كده "قلت التيريوس لو ناوي تقلبها علطول و الفيتارا لو هتعيش بيها شويه حلوين" أيه النظام يا باشا فيها حاجه بعد فترة أستخدام ممكن تظهر؟؟

[M!NA]

هي فعلاً الفيتارا الـ 4 باب غاليه شويتين , التيريوس هتكون أكثر عمليه أكيد من الفيتارا الـ 2 باب بس كنت عاوز أطمن منك التيريوس فيها عيب أو حاجه تقلق أصل أنت رديت قبل كده على زميل كان بيسأل على الفرق بين الأثنين و أنت رشحت الفيتارا برضو بس كان ليك تعليق كده "قلت التيريوس لو ناوي تقلبها علطول و الفيتارا لو هتعيش بيها شويه حلوين" أيه النظام يا باشا فيها حاجه بعد فترة أستخدام ممكن تظهر؟؟

مسمعتش عن حد اشتكى منها... دا أنا أعرف واحد بيطلع بيها صحرا (التيريوس) - بس عامل فيها شغل و تعديلات كتيرة أوي -
بس ليه بقول الفيتارا أحسن... لأني شفت آدائها في الصحرا.. و بالذات ال6 سلندر.... جميلة فعلا....

[aarafah]

مينا باشا لك جزيل الشكر بجد الواحد بيرتاح لما يسمع كلام واحد فاهم و مجرب و عارف بيقول أيه مش كل واحد أسئله يقول سمعت و أحساس من جوايا و حاجات كده! شكراً يا باشا متحرمش

[M!NA]

مينا باشا لك جزيل الشكر بجد الواحد بيرتاح لما يسمع كلام واحد فاهم و مجرب و عارف بيقول أيه مش كل واحد أسئله يقول سمعت و أحساس من جوايا و حاجات كده! شكراً يا باشا متحرمش:oc_sun1[1]:

متشكر لذوقك يا باشا... و ربنا يوفقك لأحسن اختيار ان شاء الله... :)