تجربة الاوبترا 2008 لمدة 5 أيام

[محمد عز]

السلام عليكم شباب نايل موتورز

خلال اجازتى القصيرة فى مصر الايام اللى فاتت اجرت عربيه اوبترا اتوماتيك موديل 2008

وهكلم عن انطباعاتى الشخصية سواء بالايجاب والسلب عن العربيه ده

الايجابيات كالاتى

- وسع داخلى ممتاز سواء للراكب الامامى او الخلفى
- الشنطة مساحتها واسعه
- الباور ناعم
- ثبات جيد للعربيه ولكن تفتقد القدرة على المناورة برشاقة ويقل ثباتها عند المنحيات
- الفرامل جيدة
- التكييف جيد
- شكل التابلوه بسيط
- الفتيس الاوتوماتيك جيد ولم الاحظ فيه اى مشاكل والنقل بين النقلات يعتبر نوعا ما سلس

السلبيات كالاتى

- شكل العربيه من الخارج تقليدى جدا جدا ، حاسس انى راكب عربيه بقالها 10 سنين
- قعدة السائق مريحة ،لكن وضعيه القيادة سيئة ومش بتخليك تقدر تكشف الطريق كويس والقوائم الجانبيه بتعوق الرؤية
- القدرة على المناورة بالعربيه وقيادتها بشكل رياضى صعب بعض الشىء

مجملا

العربيه تعتبر عربيه عائليه فى المقام الأول وتخلو من اى لمحات جماليه سواء فى الداخل او الخارج ويغلب عليها البساطة

طبعا اكيد للعربيه مميزات اكتر لم يتيح ليا عنصر الوقت اكتشافها

وطبعا التقييم ده يخلو من تقييم جوده السيارة ومدى اعتماديته وتوفر قطع الغيار ومستوى التوكيل

وده تجربه شخصية قد يختلف معها البعض وقد يتفق البعض الاخر

[abou-yahia]

السلام عليكم شباب نايل موتورز

خلال اجازتى القصيرة فى مصر الايام اللى فاتت اجرت عربيه اوبترا اتوماتيك موديل 2008

وهكلم عن انطباعاتى الشخصية سواء بالايجاب والسلب عن العربيه ده

الايجابيات كالاتى

- وسع داخلى ممتاز سواء للراكب الامامى او الخلفى
- الشنطة مساحتها واسعه
- الباور ناعم
- ثبات جيد للعربيه ولكن تفتقد القدرة على المناورة برشاقة ويقل ثباتها عند المنحيات
- الفرامل جيدة
- التكييف جيد
- شكل التابلوه بسيط
- الفتيس الاوتوماتيك جيد ولم الاحظ فيه اى مشاكل والنقل بين النقلات يعتبر نوعا ما سلس

السلبيات كالاتى

- شكل العربيه من الخارج تقليدى جدا جدا ، حاسس انى راكب عربيه بقالها 10 سنين
- قعدة السائق مريحة ،لكن وضعيه القيادة سيئة ومش بتخليك تقدر تكشف الطريق كويس والقوائم الجانبيه بتعوق الرؤية
- القدرة على المناورة بالعربيه وقيادتها بشكل رياضى صعب بعض الشىء

مجملا

العربيه تعتبر عربيه عائليه فى المقام الأول وتخلو من اى لمحات جماليه سواء فى الداخل او الخارج ويغلب عليها البساطة

طبعا اكيد للعربيه مميزات اكتر لم يتيح ليا عنصر الوقت اكتشافها

وطبعا التقييم ده يخلو من تقييم جوده السيارة ومدى اعتماديته وتوفر قطع الغيار ومستوى التوكيل

وده تجربه شخصية قد يختلف معها البعض وقد يتفق البعض الاخر

يا اهلا يا استاذ محمد
لا انا شايف ان اغلب النقط اللي حضرتك ذكرتها في العربيه تتفق مع اغلب الناس اللي سايقه الاوبترا لاكن اقدر اقول ان قياده العربيه فتره اطول من كده ممكن كانت تفرق مع حضرتك في تعديل تقيم بعض النقط ذي :
مثلا تكييف العربيه انا بعتبره ممتاز ذي الياباني بالضبط لاكن عشان تحس بيه كده لازم تنضف فلتر التكييف بأنتظام مع كل صيانه للعربيه وساعتها حتحس بجد بيه ز
وضعيه القياده بالنسبه ليه اصلي طويل شويه مريحه جدا بالنسبه للي وبضبط ارتفاعات الكرسي وبحس انني راب الطريق يمكن حتت القوايم ديه مضبوطه فعلا وبحس بيها لاكن لو اتعودت عليه حتحس انها موش موجوده مع السواقه .
الشكل ده مساله نسبيه وممكن فعلا في بعض الاحيان تحس بكده قدام عربيات تانيه في نفس الفئه ذي النيو سيراتو او الانترا .
الفرامل جيده فعلا لاكن ممكن ترفع من كفائتها انك تنظف االتيل علي طول وطنابير العربيه تاخد بالك منها علشان لما بتريج بتضعف الفرامل كتير ز
هيه في المجمل عربيه حموله وعائليه واحساس السيفتي وانت راكبها جامد .
قطع الغيار في الفتره الاخيره بقت متوفره بس مش تلاقي كتير شغال فيها لاكن الاسعار بتاعتها عاديه وتلاقي الاصلي والكوري والتيواني وختي الصيني منها موجود .
ويا سيدي عقبال الاجازه الجايه وعربيه جديده تجربها وتقلنا رايك فيه يارب .

[Hosam_Optrawy]

شكرا يا استاذ محمد على مشاركتك بتجربتك

[M.Osman]

شكراً لنقل انطباعاتك :))

[totaman]

تسلم ايدك على انطباعك وفعلا

ملاكها معظمهم مقتنعين باللى انت قولته وانا منهم

الحمد لله مش ندمان انى جبتها

وشكرا مرة تانية على نقل التجربة

[Ahmed_Gadalah]

على فكره أنا جربت الأوبترا المنيوال وانطباعي عنها نفس انطباع أستاذ محمد , بس العفشه حسيت انها ناشفه شويه .
وجربت الأفيو و انطباعي تجاهها انها عربيه سعرها مبالغ فيه جدا ومطلعتش زي ما ناس كتير شكرت لي فيها , ده أنا حتى زعلت عالفلوس اللي دفعتها لايجارها

[khpopo]

شكرااا لنقل التجربه
ربنا يوفق

[محمد عز]

شكرا لكل اللى شارك فى الموضوع