تقييم الأفيو.........من الاعضاء....((متجدد))

[running_man]

الافيو الشكل القديم أوي ...ز اللى هيا فنوسهاالأمامى حتتين منفصلين عجلها
175\65\13
لكن الشكل الجديد و اللى معايا اللى فى التوقيع عجلها
185\60\14
و الطنابير الأمامى ب 350 فى التوكيل يا باشا

[running_man]

و الفرامل أكبر من اللانوس على فكرة في كل الأفيو حتى أم 175\75\13

[Ahmed Anwer]

أحب أضيف تقييم م / سبعاوي ،،

منقول عن مشاركة له في contactcars

مش للدرجة دى

sab3aawy@gmail.com 30/01/2007 08:55:18 ص

عدد القراء : 852




انا بس بعد اذنك عاوز اوضيف رأييى المتواضع

1-اولا شركة دايو لا تزال تحمل إسم جى إم دايو حتى الآن ولم يتغير إسمها الى شيفرولية ، ولكن منتجاتها تباع فى بعض مناطق العالم تحت إسم شيفرولية كما انها تابع فى مناطق اخرى تحت إسم دايو وفى مناطق ثالثة بإسم سوزوكى(جنرال موتور تملك نسبة فى شركة سوزوكى ويحق لها استخدام العلامة التجارية) كما انها تباع فى مناطق رابعة بإسم هولدن، وحيث ان اسم شيفروليه له قبول فى الشرق الأوسط فان جنرال موتورز تضعة على سيارات دايو المباعة فى الشرق الأوسط لمزيد من الربح ، مثلما ان السيارة أيسوزو النصف نقل تباع فى الشرق الأوسط ايضا تحت مسمى شيفروليه لأن الزبون يقبل ان يدفع مبلغ اكبر فى سيارة تحمل إسم شيفروليه عن إيسوزو

2-القول بأن اللانوس اتلغت هو قول مبالغ فيه، هى لم تستبدل بسيارة أخرى ولكن تم تعديل شكلها الخارجى فى 2003 ،و تغيير إسمها الى كالوس(الدايو كالوس بالمناسبة هى نفسها ما نعرفه نحن بإسم شيفروليه افيو)، ولو حد تعب نفسه وبص على المحرك والعفشة واآلات الجر وكل الميكانيكا بتاعة العربيتين لن يجد ادنى فرق

3-السيارة اللانوس ليست سيئة وللعلم هى اول سيارة كورية تنجح فى أوروبا وكانت موجودة بأعداد لا بأس بها فى المانيا وهولندا حنميا اتيحت لى رؤية تلك الاماكن عام 2001، وعندما تغير إسمها الى كالوس ظلت تباع بهذا الإسم فى أوروبا حتى أواخر العام الماضى حينما تقرر تغيير اعلامة التجارية فى اوروبا الى شيفروليه


4-بعيدا عن الإنبهار بقطع البلاستيك اللامعة الموجودة فى صالون الافيو، فإن تجربة قيادة السيارتين هى تجربة متماثلة تماما بدون ادنى تغيير، نفس المميزات ونفس العيوب ونفس الطابع العام

وبالتالى فأن من راييى المتواضع ان الحديث عن فرق واسع بين اللانوس وألأفيو هو حديث يحمل بعض المبالغة
الفرق الذى اراه هو الشكل فقط

مع العلم اننى لا أمتلك لانوس ولا افيو ولا يهمنى الدفاع الشخصى عن ايهام ولكنه مجرد انطباع انا طلعت بيه من تجربة السيارتين ومتابعة تاريخ دايو

[Mohtofy]

ألف شكر ياباشا على المجهود اللى أتعمل ..... فعلا" موضوع رائع ####### تحييييييييييييييييياتى

[MMamdouh]

و الفرامل أكبر من اللانوس على فكرة في كل الأفيو حتى أم 175\75\13

مينفعش الفرامل الاكبر تركب على الجنط ال13 والا الدوشم حتحك فى الجنط... انا لما عملت تعديل الفرامل فى اللانوس غيرت الجنوط

MMamdouh

[running_man]

مينفعش الفرامل الاكبر تركب على الجنط ال13 والا الدوشم حتحك فى الجنط... انا لما عملت تعديل الفرامل فى اللانوس غيرت الجنوط

أكيد حضرتك أدرى منى بالموضوع ده... أنا بصراحة ماركزتش أوى فى القديمة 2004
لكن بالشكل كده اتهيألى

لكن في ال2006 وال2007 أكبر فعلا

[Ayman H]

موضوع أكثر من رائع وشكرا على المجهود
بس بيتهيألي انك نقيت المواضيع اللي بتمدح في الأفيو ومركزتش على النقد ولا أنا غلطان

[eng / AhmeD]

موضوع أكثر من رائع وشكرا على المجهود
بس بيتهيألي انك نقيت المواضيع اللي بتمدح في الأفيو ومركزتش على النقد ولا أنا غلطان

لا انت مش غلطان.....
اللي عايز يخش ينقد يا اهلا وسهلا
بس غالبا مفيش حد من صحاب العربية نفسهم بيشتكي منها
انما الباقي بيقول اراء بس و انا مش هجيب انطباعات سيئة عن العربية مالهاش دليل.....