Tweet
بسم الله الرحمن الرحيم
اولا : احب اشكر كل الاخوة اللى اعانونى على هذا الاختيار و قد كان لهم الفضل بعد الله فى ذلك.
ثانيا :
السعر : 87000 جنيه
الموديل : 2008
اللون : اسود
ناقل الحركة : مانيوال (خمس سرعات)
و الباقى معروف
ثالثا :
انا اشتريت العربية من منصور اللى فى رابعة العدوية و الناس هناك زى الفل(احترام اخر حاجة)
أه,نسيت اقول حاجة قبل ما ابدأ التقييم علشان لو غصب عنى زودتها.انا كان ومازال معايا رجب(128 بيج)...
- العربية معاها مفتاحين (واحد ريموت و واحد عادى)فتح الشنطة بالريموت.لازم تضغط من ثانيتين الى ثلاثة لكى يتم فتح الشنطة.
- بها مانع سرقة.
- التقفيل ممتاز.
- العزل داخل السيارة تقدر تقول انت فى دنيا و باقى الناس فى دنيا تانية.
- مصابيح الاضاءة قوية و بتفرش على الطريق و يا سلام لو شغلت النور العالى تعمى اللى قدامك وش.
- يوجد مصباح ستوب خلفى ينور مع الفرملة.
- الشنطة الخلفية واسعة جدا جدا جدا مع امكانية طى الكنبة الخلفية لحساب الشنطة.
- الصالون واسع و اللى ورايا قاعد مرتاح جدا مع ان انا مرجع الكرسى على الاخر(معلش انا اصلى طويل حبيتين 196سم).
و انت قاعد مكان السواق:
- التابلوه شيك و بتتحكم فى اضاءة التابلوه من خلال (scroll).
- يوجد اماكن تخزينية عديدة(جراب نظارة فوق زجاج اللى على يمين السواق - على يسار الدريكسيون نحو الاسفل يوجد درج صغير - Arm rest من الجلد تفتح لتجد مكان مستطيل يصلح لتضع به محفظتك و اى شىء اخر.
كما يوجد 2 واضع اكواب خلف الفتيس.
- يوجد 2 Power Outlet لشحن موبايل.
- تعديل المرايا الجانبية يمين و شمال بالكهرباء.
- عداد للرحلات (trip A & trip B).
- يوجد درج سرى خفى(مخابرات يعنى) اسفل الكرسى اللى بجانب السواق و لكنه صفير.
المتعة تبدأ عندما تستعد للانطلاق:
- صوت الموتور غير مسموع بالمرة (تحس ان العربية مش دايرة اساسا)
- الفتيس يمكن اول يومين حسيت انه تقيل شوية بس بعد كده لما اتعودت عليه حسيت انه بينقل لوحده 8)
- التسارع خيالى.لو انت فى اشارى و قررت تشد هتلاقى اقرب عربية ليك على بعد 10-15 متر وراك. :twisted: :P
- ثبات عالى على السرعات العالية (جبت بيها 140 على طريق القطامية و انا رايح كارفور محستش انى على السرعة ديه غير لما بصيت على العداد.
- قدرة فائقة على المناورة.
- الكراسى مريحة جدا لدرجة انك ممكن تقعد ساعتين تلاتة سايق و انت مستمتع بل و تحس انك زعلت انك وصلت بدرى
العيوب من وجهة نظرى :
- العربية عالية من ورا و ماتشوفش كويس و انت بتركن....
- الناس بتقول صاجها خفيف و انا مقتنع بكده بس بصراحة ربنا واحد ادانى خبطة من ورا حسيت ان العربية هيبقى فيها بلاوى و لكن الحمد لله نزلت بصيت و قعدت اتفحص و اتمحص ملقيتش حاجة...ربنا سترها
- العفشة اللى ورا ناشفة بس تديك احساس بالقوة و انك ممكن تخش فى اى مطب.
- هو فى حاجة غريبة بتحصل معايا بس مش دايما و مش عارف ليه ,ساعات بتقطع على الغيار التانى.يمكن ساعات لما بدوس بنزين مرة واحد بعد ما اطلع من الاول او يمكن عيب سواق :P
- اللون الاسود اشيك لون فى العربية ديه و لكن بيلم تراب بطريقة فظيعة و بتحتاج تغسلها مرتين فى الاسبوع على الاقل.
باختصار:
لو عايز عربية عائلية واسعة تقدر تسافر بيها انت و العائلة و تكون 1600 سى سى و بها جميع الكماليات و سعرها مناسب و ثابتة على الطريق و لو الشيطان وزك و حبيت تشد مع حد من اشباب السيس و توريله مقامه يبقى ...
يبقى مالكش غير الاوب....ترا
و شكرا مرة اخرى لهذا المنتدى الرائع و جميع الاخوة و الاصدقاء اللى بيساعدوا اخونهم لوجه الله تعالى.
بارك الله لكم ان شاء الله.
اولا : احب اشكر كل الاخوة اللى اعانونى على هذا الاختيار و قد كان لهم الفضل بعد الله فى ذلك.
ثانيا :
السعر : 87000 جنيه
الموديل : 2008
اللون : اسود
ناقل الحركة : مانيوال (خمس سرعات)
و الباقى معروف
ثالثا :
انا اشتريت العربية من منصور اللى فى رابعة العدوية و الناس هناك زى الفل(احترام اخر حاجة)
أه,نسيت اقول حاجة قبل ما ابدأ التقييم علشان لو غصب عنى زودتها.انا كان ومازال معايا رجب(128 بيج)...
- العربية معاها مفتاحين (واحد ريموت و واحد عادى)فتح الشنطة بالريموت.لازم تضغط من ثانيتين الى ثلاثة لكى يتم فتح الشنطة.
- بها مانع سرقة.
- التقفيل ممتاز.
- العزل داخل السيارة تقدر تقول انت فى دنيا و باقى الناس فى دنيا تانية.
- مصابيح الاضاءة قوية و بتفرش على الطريق و يا سلام لو شغلت النور العالى تعمى اللى قدامك وش.
- يوجد مصباح ستوب خلفى ينور مع الفرملة.
- الشنطة الخلفية واسعة جدا جدا جدا مع امكانية طى الكنبة الخلفية لحساب الشنطة.
- الصالون واسع و اللى ورايا قاعد مرتاح جدا مع ان انا مرجع الكرسى على الاخر(معلش انا اصلى طويل حبيتين 196سم).
و انت قاعد مكان السواق:
- التابلوه شيك و بتتحكم فى اضاءة التابلوه من خلال (scroll).
- يوجد اماكن تخزينية عديدة(جراب نظارة فوق زجاج اللى على يمين السواق - على يسار الدريكسيون نحو الاسفل يوجد درج صغير - Arm rest من الجلد تفتح لتجد مكان مستطيل يصلح لتضع به محفظتك و اى شىء اخر.
كما يوجد 2 واضع اكواب خلف الفتيس.
- يوجد 2 Power Outlet لشحن موبايل.
- تعديل المرايا الجانبية يمين و شمال بالكهرباء.
- عداد للرحلات (trip A & trip B).
- يوجد درج سرى خفى(مخابرات يعنى) اسفل الكرسى اللى بجانب السواق و لكنه صفير.
المتعة تبدأ عندما تستعد للانطلاق:
- صوت الموتور غير مسموع بالمرة (تحس ان العربية مش دايرة اساسا)
- الفتيس يمكن اول يومين حسيت انه تقيل شوية بس بعد كده لما اتعودت عليه حسيت انه بينقل لوحده 8)
- التسارع خيالى.لو انت فى اشارى و قررت تشد هتلاقى اقرب عربية ليك على بعد 10-15 متر وراك. :twisted: :P
- ثبات عالى على السرعات العالية (جبت بيها 140 على طريق القطامية و انا رايح كارفور محستش انى على السرعة ديه غير لما بصيت على العداد.
- قدرة فائقة على المناورة.
- الكراسى مريحة جدا لدرجة انك ممكن تقعد ساعتين تلاتة سايق و انت مستمتع بل و تحس انك زعلت انك وصلت بدرى
العيوب من وجهة نظرى :
- العربية عالية من ورا و ماتشوفش كويس و انت بتركن....
- الناس بتقول صاجها خفيف و انا مقتنع بكده بس بصراحة ربنا واحد ادانى خبطة من ورا حسيت ان العربية هيبقى فيها بلاوى و لكن الحمد لله نزلت بصيت و قعدت اتفحص و اتمحص ملقيتش حاجة...ربنا سترها
- العفشة اللى ورا ناشفة بس تديك احساس بالقوة و انك ممكن تخش فى اى مطب.
- هو فى حاجة غريبة بتحصل معايا بس مش دايما و مش عارف ليه ,ساعات بتقطع على الغيار التانى.يمكن ساعات لما بدوس بنزين مرة واحد بعد ما اطلع من الاول او يمكن عيب سواق :P
- اللون الاسود اشيك لون فى العربية ديه و لكن بيلم تراب بطريقة فظيعة و بتحتاج تغسلها مرتين فى الاسبوع على الاقل.
باختصار:
لو عايز عربية عائلية واسعة تقدر تسافر بيها انت و العائلة و تكون 1600 سى سى و بها جميع الكماليات و سعرها مناسب و ثابتة على الطريق و لو الشيطان وزك و حبيت تشد مع حد من اشباب السيس و توريله مقامه يبقى ...
يبقى مالكش غير الاوب....ترا
و شكرا مرة اخرى لهذا المنتدى الرائع و جميع الاخوة و الاصدقاء اللى بيساعدوا اخونهم لوجه الله تعالى.
بارك الله لكم ان شاء الله.
Comment