اخيرا استلمت النهارده

[osstv]

الف مبروك يا باشا
بس ياريت لو قدرت تعرف هل اوتوماتيك الاوبترا هو نفس اتوماتيك النوبيرا
ياريت تسأل السؤال ده فى صيانة الاف ان شاء الله . لان السؤال ده محيرنى
والف الف مبروك

[mina_ramsis]

ان شاء الله اسألك على حكاية الاوتوماتك ديه اما بالنسبة للصيانة فانا ما عنديش صيانة 1000 كيلو و اول صيانة ليا 5000 كيلو و لما سألته ليه قالى احنا بنحط زيت نظيف فمش محتاج تغيره بعد 1000 كيلو و قالى طبعا اول صيانة مجانا ماعدا تمن الزيت و الفلتر
و شكرا لكل الاعضاء اللى اهتموا و باركولى :D

[bassam nagy]

الف الف مبروك ربنا يديك خيرها ويبعد عنك شرها

[Salah_sr]

ألف مبروك و ربنا يكفيك شرها وهي عربية ممتازة و لم أجد حد راكبها بيقوا نص كلمة عليها مبروووووك تاني وفي أنتظار تجربتك إن شاء الله

[osstv]

معلش انا تعبتك بلاسئلة يا استاذ hoko_mosha
هى صحيح الفرامل ضعيفة زى الدايو ولا فى فرق
هل فى حجز ولا استلام فورى . ولو حجز بتستلم امتا

شكرا...

[mina_ramsis]

لا يا باشا ولا تعبتنى ولا حاجة خالص انا تحت امرك اما بخصوص الفرامل فالفرامل بتعتها ملهاش علاقة بالدايو نهائيا انا بتكلم على اللانوس لانها كانت معايا و بعتها من حوالى اسبوع اما بخصوص الاستلام انا اتأخرت شويه فى الاستلام حوالى اسبوع علشان انا كنت حاجز الاسبور مش العاديه بس بيتهيألى العاديه تسليم فورى بس الصراحة انا ما شوفتش الاسبور ديه غير فى معرض واحد هو البلال فى الاسكندريه فى داون تاون و كانت اغلى الف جنيه

[osstv]

انا بصراحة اول مرة اسمع عن الاسبور فى الاوبترا يعنى تختلف عن العادى فى الشكل او الامكانيات ولا ايه
ولا قصدك الهاتشباك مش عارف :?: :roll:
ويا ريت اعرف السعر كام بالنسبة للعادى والاسبور وهل فى تفاوض فى السعر .وهل اشترى من معرض
احسن ولا من التوكيل بالنسبة للدفع كاش
اسف على الاطالة

شكرا....

[Nader]

الف مبروك على العربية الجديدة وبالنسبة لاستهلاك البنزين فعادي استهلاك البنزين بيتظبط بعد التليين

[mina_ramsis]

شكرا لكم جدا على اهتمامكم فعلا اكيد مسمعتش على الاسبور ديه علشان هيه كانت لسه نازله وانا بحجزها هى عبارة عن السيارة السيدان عادى و زايد عليها جنوط اسبور و عتب مطعم بالنيكل حولين العربية كلها و الحكاية ديه اغلى 5 الاف جنيه

[osstv]

يا ريت كام صورة للعروسة الجيدة علشان نتشجع ونشترى احنا كمان
بس حضرتك ما قلتليش السعر كام وهل فى تفاوض فى السعر ولا لأ

شكرا...

[mina_ramsis]

ما انا قولت لحضرتك انها اغلى 5 اللاف جنيه يعنى كنت دافع 99 الف لانها اوتوماتك 94+5 ده بالنسبه للعرض انا مش عارف هم لغوا العرض دلوقتى و لا لسه موجود على العموم لو اتلغى هتبقى ب 96 +5 = 101 الف
اما بالنسبة للصور فان شاء الله اول ما افضى هنزلها على الموقع
انا تحت امرك فى اى استفسار اخر
اه بخصوص التفاوض فى السعر فانا حولت معاهم على قد ما قدرت بس الصراحة فشلت انى انزل جنيه واحد بحجة ان العربية اساسا وقت ما انا بشترى كان عليها عرض

[Abonora]

الف مبروك ربنا يديك خيرها ويحفظك من شرها ، بالنسبة لاستهالاك البنزين في اول 2000 ك بيبقي مش مستقر وكمان بيبقي ذيادة شوية احكم عليه بعد تغيير الزيت وخدمة الالف كيلو الاولي وانا افضل انك تتاخر في عمل صيانة الالف عشان تكون فحصت العربية كويس وبانت ملاحظاتك عليها ومستنين رايك فيها وفي صيانة الالف

[mina_ramsis]

ان شاء الله بس فى صيانة ال 5 اللاف كيلو لان انا ما عنديش صيانة الف كيلو و لما سألته فى الموضوع ده قالى ان العربية فيها زيت نظيف مش محتاج انك تغيره بعد الف كيلو فتوقعت انهم يكونوا عملوا كده علشان ماتكونش الصيانة مجانا فقالى لا ال5 اللاف كيلو صيانتها مجانا ما عدا الزيت و الفلتر

[Abonora]

صاينة الالف واجبة للتقفيل المصري الصيني الايراني عشان تطمن علي تقفيل العربية تربيط عفشة مراجعة زوايا وترصيص وظبط الموتور بس فعلا صيانة الالف ملهاش لازمة في كل الدنيا خاصة مع جوده التقفيل عشان كده انا بفضل ان الواحد يأخر صيانة الالف علي قد ما يقدر عشان فيه توكيلات بتزمزء لما الواحد يروح متأخر لاكن بدام التوكيل متفهم يبقي افضل علي ال5000

[fayiz]

الف مبروك يا باشا على العربية وان شاء اللة تكون قدم السعد عليك