العفشه بالافيو

[mmtronic]

كلام جميل...لكن اللى مخوفنى من الكيا ريو انها مش منتشرة و فين و فين لما تلاقى واحدة ماشية فى الشارع..
حاجة غريبة , البيكانتو منتشرة و السيراتو طبعا لكن الريو لأ !! طب ليه؟؟!!!:u_thin1[1]:

فى رايي

لان الجيل القدبم من الريو مقدرش يثبت وجودة و كفائتة زى بالظبط السيراتو

تفتكر كان فية عربية اسمها كيا سبكترا نزلت مع الجيل القديم الى كان فعلا سىء

لكن السبكترا دى بقت سيراتو و نزلت مع الجيل الجديد و اثبتت نفسها و الريو الجديدة برضو مفيش حد قال عنها حاجة وحشة و صدقنى مهما كان مش حتكون زى وكسة الافيو الى وكسهالها منصور

لانى مصر ان الى جاب اجل سمعة العربية دى هوة منصور - الجشع و سرعة المكسب و عدم خوف ربنا

المهم ان الباشا كان حيعمل نفس الموضوع القزرالى عملة فى الافيو مع الكروز

كان حينزلها بزجاج امامى بس و الهجس و اللعب دة و لما يا عينى اترقع القلم بتاع السيراتو جاب ورا و بينزلها كاملة بس بعد فوات الاوان

[yoko]

بص فى الفئة السعرية دى قدامك

كيا ريو - نيو اكسنت - افيو

طبعا الاكسنت علشان غبور و الافيو علشان منصور يبقى مفيش قصادك غير الريو دا رايى

اوعا تدخل مصيدة الافيو من ناحية اصل مفيش غيرها فى الفئة السعرية او انها اشيك

لا فية - الريو - كورى كلها - لا بقى تزييق و لا هجس و توكيلها ممتاز

هية الافيو اشيك بس سيادتك الشياكة دى ليها صوت بتسمعة بيزييق و حتشوفة لما تيجى تغير التيل زى حلاتى - عمال اشحت معلومات عن التيل لانى عارف ان الموجود عند الباشا الوكيل فية مصايب

او حتشوفة فى الـ rpm لما يعلق

و لا بقى النكتة لما يقولك اصل لما تركب جهاز انزار بياثر و يساهم فى تعليق الـ rpm

انفد بجلدك

إنت نسيت الجين٢ أنا رأي إنها أفضل بس مش متأكد من سعرها أعتقد فوق ال٨٠ بحاجة بسيطة

[ابو فرح]

راى ان النيو اكسنت افضل وده مش لانها معايا بس هيا عربيه ممتازه فى الامكنيات الموتورالصالون بتعها ادائها كويس اعاده البيع ومش هتلاقى منها كتير للبيع بالنسبه لليوذد وربنا يوفقك

[Dr_Essam]

راى ان النيو اكسنت افضل وده مش لانها معايا بس هيا عربيه ممتازه فى الامكنيات الموتورالصالون بتعها ادائها كويس اعاده البيع ومش هتلاقى منها كتير للبيع بالنسبه لليوذد وربنا يوفقك

أنا عرفت من المنتدى ان حضرتك كان معاك أفيو قبل النيو أكسنت ...
يا ريت لو توضحلى الفرق بينهم على أساس انك جربت الأثنين ...
و لك جزيل الشكر

[yoko]

أنا عرفت من المنتدى ان حضرتك كان معاك أفيو قبل النيو أكسنت ...
يا ريت لو توضحلى الفرق بينهم على أساس انك جربت الأثنين ...
و لك جزيل الشكر

أنا كمان كان معايا أفيو ومش هقلك أكتر من إن الأفيو توكتوك متأيف بس على الأقل التوكتوك الrpm مبيعلقش والتوكتوك مفيهوش جلب مقاصات بتزيق

[Dr_Essam]

أنا كمان كان معايا أفيو ومش هقلك أكتر من إن الأفيو توكتوك متأيف بس على الأقل التوكتوك الrpm مبيعلقش والتوكتوك مفيهوش جلب مقاصات بتزيق

لو فعلا الأفيو وحشة كده , أمال منتشرة ليه الانتشار الكبير ده؟!!!

[yoko]

لو فعلا الأفيو وحشة كده , أمال منتشرة ليه الانتشار الكبير ده؟!!!

شكل حلو وسعر رخيش وبعد ما تشتريها تلاقي فيها بلاوي وتعمل حاجة من الإتنين يا تبيعها وتخصر فيها بال٢٠ ألف (التجار عرفوا بلاويها خلاص) يا تتعايش معاها وكل إسبوع في التوكيل وتتخانق وتعلى صوتك لإن محدش هيعبرك في التوكيل (إذا محصلش ولقيت حد فيهم بيشتمك عشان قلتلهم إن مفيش نظام -بعد ما إستنين ساعتين عشان ضبط الزوايا والعربيه مخدتش دور حتى في جهاز الزوايا مع إن المهندس إستلم العربيه-)

[Dr_Essam]

شكل حلو وسعر رخيش وبعد ما تشتريها تلاقي فيها بلاوي وتعمل حاجة من الإتنين يا تبيعها وتخصر فيها بال٢٠ ألف (التجار عرفوا بلاويها خلاص) يا تتعايش معاها وكل إسبوع في التوكيل وتتخانق وتعلى صوتك لإن محدش هيعبرك في التوكيل (إذا محصلش ولقيت حد فيهم بيشتمك عشان قلتلهم إن مفيش نظام -بعد ما إستنين ساعتين عشان ضبط الزوايا والعربيه مخدتش دور حتى في جهاز الزوايا مع إن المهندس إستلم العربيه-)

شكرا" على ردك ...
و أعتقد انى هاصرف النظر عن الأفيو و أفكر فى النيو أكسنت أو الريو..
يا مسهل...

[basm]

التيجو

فكر فى التيجو .. على فكرة العربية دى كل اللى راكبينها تقريبا بيشكروا فيها والسعر 80 الف بس فيه انتظار

[taha12345]

ان كانت عندى المشكلة ده و اتحلت الحمد لله
رفعت العربية فى بنزينة واشتريت اسبراى تشحيم زى dw40 وفى انواع أفضل بس للاسف مشعارف اسمائها
ترش على كل اماكن الاحتكاك فى العفشة مثل المقصات والميزان .. الخ

طبعا مش المفروض ان يحصل كده أصلا بس للاسف كل العربيات الجديدة الفى حدود 75,000 يوجد بها عيوب

[shady_hamdy]

الكوري بتاع التوكيل
و الحمد لله و الله العظيم بدون مبالغة
بيصفر من اول متر مشيت بيه لحد انهاردة
و بأذن الله هغيره الاسبوع ده بأي نوع تاني هبقى اقول عليه لما استقر على نوع معين
على فكرة انا بطلت اروح اعمل الصيانة في مراكز الخدمة
نفضت للضمان يعني

هبقى اروح بس و انا بغير سير الكاتينة

نصيحة منى متروح تغير الكاتينة هناك لانى روحت و ليتتهم بيبيعوا السير المعفن الى اسمة دونجيل الى اصلا مضوب و مرمى فى السوق اشترى السير من برة احسن

[أشرف العدوي]

نصيحة منى متروح تغير الكاتينة هناك لانى روحت و ليتتهم بيبيعوا السير المعفن الى اسمة دونجيل الى اصلا مضوب و مرمى فى السوق اشترى السير من برة احسن

طيب انت جيبته منين و بكام
و غيرته عند مين و مصنعيته اد ايه

[shady_hamdy]

طيب انت جيبته منين و بكام
و غيرته عند مين و مصنعيته اد ايه

جبتة من عند ابو الحسن ب 40 جنية و البلية الاصلى 130 و ركبتهم ب 50 جنية

[shady_hamdy]

ان كانت عندى المشكلة ده و اتحلت الحمد لله
رفعت العربية فى بنزينة واشتريت اسبراى تشحيم زى dw40 وفى انواع أفضل بس للاسف مشعارف اسمائها
ترش على كل اماكن الاحتكاك فى العفشة مثل المقصات والميزان .. الخ

طبعا مش المفروض ان يحصل كده أصلا بس للاسف كل العربيات الجديدة الفى حدود 75,000 يوجد بها عيوب

المشكلة ان dw40 بياكل الكوتش بتاع الجلب

[أشرف العدوي]

جبتة من عند ابو الحسن ب 40 جنية و البلية الاصلى 130 و ركبتهم ب 50 جنية

بس كدة
ده الموضوع رخيص قوي
هو في التوكيل بيتكلموا في مبالغ انا افتكرت الموضوع عويص قوي

انت ركبتهم فين
و هل بيطلع صفارة او اي حاجة معاك و لا لاء
معلش انا تعبتك معايا