فين حجوزات الكروز؟

[egyptianmafia]

انا اقصد الكروز التوب لاين ناقصة كل دة وب137000 يعنى زى اللايتى الكاملة ب140000
حتى لومافيش ضمان فرق 3000 هتاخد بيهم كماليات كتير كما ان ضمان منصور سنتان

ضمان منصور 3 مش 2....و بعد اذنك بعد كده ابقى اتاكد قبل ماتقول حاجة أو لو مش متأكد اكتب والله اعلم....لكن مش أي مشاركة و خلاص

إنت ليه بتبص على الكماليات.....بص على اهمية الضمان.....يعني لو حصل عيب تصنيع في الدايو إنت هتشرب العيب.....

وبعدين منت عندك أوبل استرا فيها تقريبا حاجات كتير من غير حساس مطر و الحاجات دي و بـ140.000

[ahmed88hassan]

ايه يا عم التخبيط الى فى كروز حبيبتى ده حبة حبة عليها يا جماعة الكروز ولا غير الكرررررررروووووووووووز

+111111111

[ashraf1112]

الله اعلم ياستاذ egyptian انك لم ترى الدايو لاسيتى

[egyptianmafia]

يا باشا أنا شفت الدايو عند National Motors

وكمان شفتها عند FGI أو FBI عند محطة موبيل في طريق المطار بس الواد كان جايبها من بورسعيد.....

[Abomar77]

اللة واعلم ياستاذ egyptian انك لم ترى الدايو لاسيتى

أستاذ اشرف لفظ الجلالة يكتب ( الله أعلم ) .. والله الموفق ...

بعدين انا لما ادفع 140.000 في عربية معلهاش ضمان وغالباُ سعر اعادة بيعها هيتساوى بعد كده او احتمال كبير تنزل عن الكروز كتير عشان الناس عارفة ان مفيش حاجة اسمها دايو غير في كوريا
وكمان أقدر ازود شوية واجيب أجدع عرية يباني بالضمان ..... ولا ايه ....

استاذ egyptionmafia مانتا بتعرف تتكلم عربي اهوه امال مغلبنا معاك الفترة الي فاتت كلها ليه .....

[egyptianmafia]

يا مان أنا لسة مسطب برنامج مايكروسوفت Maren

لكن أنا لسة الويندوس عندي إنجليزي هاهاهاها...

[hon]

معلومة صغيرة ياريت ماتروحش من دماغنا يا جماعة لو سمحتم
الديو الاسيتى هى هى الشفرولية كروز 100% وأحنا عايشين فى الحلم الجميل بتاع الشفرولية لا خالص والدايو بتتميز عنها بماتورالاوبل echotech 2 دا غير جميع الكماليات الى مش موجودة يعنى العربية دى كدا كدا دايو وعلى فكرة دايو بتجمع لحساب جى أم تجميع عالى المستوى لا يقارن بالهيونداى مثلا عشان بس منستخدمش ألفاظ ذى لو باظت تشربها مع أحترامى ليكوا وأنا شخصيا بالمنظر الى نازلة بية الشفرولية مفضى منها كل حاجة دا يبقى طظ فى الاسم وأشترى الاسيتى وأعمل صيانة فى أبو غالى بالفلوس وشكرا لحضراتكم

[egyptianmafia]

يا مان ماهو لو بان عيب تصنيع في الدايو إنت هتدفع كتير....

احنا عارفين إن احنا ممكن نوديها حتى لمنصور بس هندفع من الألف للياء....اكنها عربية الضمان بتاعها خلص....طيب أنا شاري عربية بـ140 علشان ادفع كل حاجة ولا إيه.....

مثلا لو أنا معايا ضمان وعملت 4 صيانات عند منصور الهرم الخمسة تبقى ببلاش....

طب لو أنا بقى معايا الدايو أنا هدفع من أول صيانة 5000 الهيا ببلاش عند منصور أو أي مركز معتمد

[ashraf1112]

ياباشا كلمة عربية يابانى بتتكتب كدة مش عرية يبانى
عموما انت عندك حق

[ashraf1112]

على فكرة انا معايا اوبترا وانا بعمل الصيانة سالتهم عن السيارة اللاسيتى وعن صيانتها قالولى ان مش بيقبلوا حتى دخولها من على البوابة لكن ممكن تشترى قطع الغيار وتركبها بمعرفتك

[egyptianmafia]

الناس مش هتودي العربية لمنصور لكن ممكن لعند أبوغالي أو ياسين

وبعدين أنا مش قوي قوي في الاملاء

أنا ممكن عادي جدا أكتب إنجليزي تاني بس أنا مش الوحيد العندو اخطاء وعلى فكرة دي أول مرة أكتب عربي على الكيبورد و بستخدم برنامج فـممكن يكون في اخطاء

[TeMoON]

على فكرة لو بتتكلمو على الدايو لاسيتى والشيفرولية كروز انا هرجح الاسيتى ودا نظرا لعدة اسباب واهمها
فرق السعر
زيادة عوامل الامان زى abs ebd esp والايرباجز
زياده فى الكماليات

بالنسبة لموضوع العربية فيها عيب صناعة فا دا شيئ بيكون احتماليتة ضعيفة ولو وجود عيب صناعة فى العربية بيكون بسيط

يعنى انا معايا جيتا خليجى عندى عيب فى العربية وهو ان بوابات التكيف معلئة فا دا عيب صناعة بسيط ولو بعد الشر العربية فيها حاجة كبيرة هو ايميل لشركة فولكس واجن الام واقولهم على الى فى العربية وهما هيتصرفو انما وكيل والكلام الفاضى فى بلدنا دى انا بعتبر ان بلدنا مفيهاش توكيلات لانهم اقل ما يقال عليهم توكيلات لانهم فى الاخر شلة حرامية كل الى يهمهم ازاى يدبحو العميل فى سعر السيارة وازاى يقدرو يقطعوة فى الصيانات وقطع الغيار ولو فى عيب صناعة نادرا لما بيصلحوة عشان طبعا هما مش عاوزين يغرمو ولو عاوز تصلحة لازم تستخدم سياسة قلة الادب واللسان الطويل ولو لزم الامر الايد الطويلة كمان لان هنا فى مصر كل حاجة ماشية بالدراع ودا عشان تقدر تاخد حقك
يعنى انا ليا واقعة مع بيجو ولحد يومنا ما عملوش حاجة
اشتريت فى سنة 2002 بيجو 206 فا اشتريت العربية طبعا والحمد لله كانت عربية بالنسبالى معقولة فا لما اشتريتها ومشيت بيها مع الوقت ظهر عيب خطير فى العربية وهو ان الكنترول يونت متأخر فى اوامرة زى الاضاءه والكلاكس دا غير التخريف الى كان بيخرفة فا رحت للوكيل وفضلو يلاعبونى والاعبهم لحد ما ادخل ابن عمتى وهو قدر يخلص الموضوع معاهم ان العربية هيجيلها كنترول يونت من فرنسا واتفقنا على دا وطبعا كل ما نسالهم لسة لسة لسة لسة وفضلنا فى كدا لسنة 2007 وكل دا والكنترول يونت لسة ما وصلش مصر وطبعا حصلت ظروف والموتور شيع فا طبعا قمنا مغيرين كل حاجة فى العربية وسقطنا موتور جديد 1600 سى سى بدل الى كان فيها 1100 سى سى والحمد لله لحد انهردة ماشية كويس
فا ما تقولوش وكيل والكلام الفاضى دا لان فى نظرى فى الاخر هما شلة حرامية اجتمعو واتفقو على شيئ واحد وهو ازاى نمص دم العميل
ودى وجهة نظرى للتوكيلات فى مصر لان هنا فى مصر انت الى شغال عند الوكيل مش هو الى شغال ليك

[د.محمود صلاح]

الجديد دايما مرهوب من المستهلك المصري

[ashraf1112]

بس اضمن انى هلاقى قطع غيار لها ومش مهم الضمان . لوفية حد يعرف لها سكة قطع غيار انا هشتريها فى نفس اليوم

[mahmoudysf]

ماهى دى مشكلة شعبنا الجميل الى الواحد بجد اتخنق منة بسبب انة عاوز يركب عربية بكماليات كتير وبسعر قليل ومع احترامى لكل شخص امتلك سيارة صينى فين عوامل الامان وفين قوة التحمل والمتانة بجد العربيات دى ولا ليها لزمة فى بلدنا نظرنا لظروف بلدنا بس هى حادثة واحدة محترمة ترمى العربية عالطول فى الزبالة لان العربيات دى مش معمرة دى عربيات مستهلكة يعنى اخرها 5 سنين وارمى انما الناس هنا ما فاكرتش فى الامان وجريت ورا الشكل والكماليات ونسيت الامان هو صحيح الامان والقدر والحاجات دى كل بيد الله عز وجل بس بردو اعقلها وتوكل وبتيجى على اهون الاسباب يعنى انا بصراحة من وجهة نظرى العربيات الى تنفع فى البلد دى هى الالمانى والامريكى واليابانى ودول فى المراكز الاولى وياتى من بعدهم الفرنساوى ويأتى بعد ذلك باقى الموديلات من الكورى والماليزى وباقى الصناعات فيما عدا الصينى ياتى فى المركز الاخير نظرا لعدم وجود اى نوع من انواع الامان والاداء المطلوب فيها ودا من وجهه نظرى الشخصية يعنى الواحد لما يركب عربية هنا فى مصر ويقول عليها كويسة مش هتقول لا هى السيارة الكورية ودى اقل حاجة ممكن تمشى فى بلدنا الجميلة وبتوكيلاتها المحترمة الى عاوزة الحرق

بس خلى بالك ان الناس كانت بتقول كدة برضه على الكوري وما كانتش مقتنعة غير باليابانى والاوربي لغاية ما الكور سبت نفسه عشان كدة مش هنقدر نحدد حكم الا بعد فترة طويله من التجربه