خدعة ابو غالي الجديدة !!!! -لراغبي شراء الافيو-

[Ahmed.ibrahim]

انا سألت امبارح تاني في ابو غالي وبيقولوا ان العرض بتاعهم-تأمين مجاني+بنزين1200+اول سنة صيانة ببلاش- لحد اخر السنة دي بس وموضوع الصيانة المجانية دة في العربيات الشيفورلية فقط

ولما قولتلهم اني عايز احجز افيو كلهم (رجل بيع المعرض+مندوب البنك) قالولي في نفس واحد لااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااااااااااااااااااااةةةةةةةةةةةةةةةةةةةةةةة ةةةةةةةةةةةةةةةةةةةةةةةةةةةةةةةةةةةةةةةةةةةةةةةةةة ةةةةةةةةةةةةةةةةةةةةةةةةةةةةةةةةةةةةةةةةةةةةةةةةةة ةةةةةةةةةةةةةةةةةةةةةةةةةةةةةةةةةةةةةةةةةةةةةةةةةة ةةةةةةةةةةةةةةةةةةةةة

وقالولي اني لو حجزت افيو
1- العرض حيروح علية لاني حستلم العربية بعد نهاية العرض وبالتالي مش حدفع اول قسط مع السنة الجديدة زي مابيقولوا في اعلانتهم
2- حستلم في 5-6 شهور - وراجل البيع بتاع المعرض قالي انة حيحصل زي ماكان بيحصل ايام الانوس في ذروة حجوزتها (اظاهر ان العملا كانو مبهدلينهم :D )
3- حروح النار :twisted: -كان ناقص يقولهالي-

وانهم علي الرغم من ان التاس حاجزة من بداية العرض من رمضان اللي فات الا انهم ماسلموش ولا عربية لحد دلوقتي لان منصور بيسلمهم عربيات قليلة جدا مش موفية بالطلب علي الافيو

المهم قمت واخد بعضي وطالع علي المعرض بتاع منصور شيفورلية اللي في جليم (اصل انا اسكندراني)
وسالتهم قالولي انت ممكن تجيبلنا موافقة من اي بنك واحنا حنسلمك العربية في فترة اقصاها شهر ونص

المهم انا مش عارف اعمل ابة
ادفع لابو غالي -اللي مسلمش ولا عربية من 3 شهور لاي حد-ولا ادفع تبع منصور علي طول

وفي كمان حاجة انا خايف يطلع ابو غالي وجة اخر للفرسان Red_Colorz_PDT_49

[eng / AhmeD]

بص يا أستاذ أحمد
عموما و للأمان خليك مع التوكيل أفضل هما ناس محترمة جدا جدا
بالنسبة لأبو غالي موضوع اول قسط السنة الجاية دي نصب او لعب بالألفاظ و كان في عضو وضح الموضوع ده قبل كده
علشان في وقت بيضيع في الاجرائات و التسليم و الاستعلام فهتدفع عادي اول السنة بس العربية هتجيلك اول السنة الجديدة بردو

بس بردو خليك مع التوكيل و بناقص كوبونات البنزين ;)

[Sharky]

يا سيدى الفاضل لا يوجد خدعة فى عرض أبوغالى بدليل إن العرض شغال على الموديلات الأخرى لكن الأفيو حالة خاصة لإنها بتتجمع فى مصر و الحجز عليها من العرض كتير قوى تقريبا كان 75% من اللى إشتركوا فى العرض دا طلبوا أفيو علشان كده الحجز حيطول
ثم الناس كانوا صادقين معاك و قالولك إنك حتسنى لمدة 5 شهور نتيجة للإقبال الكبير على الأفيو
ثم حضرتك جاى تشترى العربية فى أخر شهر نوفمبر يعنى أى بنك حتتعامل معاه حيقولك أول قسط بعد شهر من إستلام العربية يعنى فى يناير 2008 يعنى السنة الجاية برضه يعنى العرض دا كان كويس للى راح إشترى من 3 شهور

[hesham_tawfiq]

خمس شهور !!!!!!!!!!!!!!!!!!!!!!!!!
انا حجزت فى اخر اكتوبر اللى فات بس الراجل فى المعرض قاللى خلاص ممكن استلم الاسبوع الجاى
والله العظيم الواحد زهق من البلد اللى محدش فيها بيحاسب حد على اى حاجه دى
يعنى انا ممكن استلمها عالصيف !!!
انا نويت انشاء الله لو ماصدقش معايا فى معاد الاسبوع الجاى الغى الحجز خالص

[eng / AhmeD]

انا حجزت فى اخر اكتوبر اللى فات بس الراجل فى المعرض قاللى خلاص ممكن استلم الاسبوع الجاى
والله العظيم الواحد زهق من البلد اللى محدش فيها بيحاسب حد على اى حاجه دى
يعنى انا ممكن استلمها عالصيف !!!
انا نويت انشاء الله لو ماصدقش معايا فى معاد الاسبوع الجاى الغى الحجز خالص

ان شاء الله هتجيلك
و الف مبروك مقدما

[Ahmed Anwer]

السؤال اللي مش لاقليه إجابة ،،

العربية كانت موجودة كوري ،، بنفس السعر ،، إستلام تاني يوم ،، أي لون ،،

ايه اللي حصل احلوت بعد ما بقيت تجميع محلي ؟؟ و لا طاقة خط التجميع قليلة أوي للدرجة دي ،، و لا نزول الأتوماتيك و الهاف أوبشنز زود شريحة المشترين

[mina_ramsis]

السؤال اللي مش لاقليه إجابة ،،

العربية كانت موجودة كوري ،، بنفس السعر ،، إستلام تاني يوم ،، أي لون ،،

ايه اللي حصل احلوت بعد ما بقيت تجميع محلي ؟؟ و لا طاقة خط التجميع قليلة أوي للدرجة دي ،، و لا نزول الأتوماتيك و الهاف أوبشنز زود شريحة المشترين

منصور عرف يلعبها صح ايام ما كانت الافيو كورى كانت ب 74 الف و كانت الماتريكس ب 79 الف يعنى كان له منافس قوى انما بعد ما الماتريكس ولعت بدل ما يزود سعر الافيو علشان يكسب راح مقلل تكلفتها عليه بانها تتجمع فى مصر و بالتالى اللى بيدور على عربية لغاية 80 الف مش هيلاقى قدامه غير الافيو و اللانوس اللى ابتدت تطلع من السوق و الفيرنا اللى فيه ناس مابتفضلهاش علشان التوكيل

[goodwave]

تصديقا لكلام الناس بتوع منصور شفرولية هما فعلا بيسلموا بعد شهر ونص زي ما وعدوا الناس وكمان كلامهم في ثقة. وانا سألت عندهم عن موضوع التسليم بعد 5 شهور وقالوا دة مش صحيح وإحنا مالناش دعوة بأبو غالي وغيرة. تتعاقد مع غبور وتستلم بعد شهر ونص بالكتييير.

للتعاقد تدفع 1000 جنية وتجيب صورة البطاقة وتحدد 3 ألوان للعربية.

[goodwave]

تصديقا لكلام الناس بتوع منصور شفرولية هما فعلا بيسلموا بعد شهر ونص زي ما وعدوا الناس وكمان كلامهم في ثقة. وانا سألت عندهم عن موضوع التسليم بعد 5 شهور وقالوا دة مش صحيح وإحنا مالناش دعوة بأبو غالي وغيرة. تتعاقد مع غبور وتستلم بعد شهر ونص بالكتييير.

للتعاقد تدفع 1000 جنية وتجيب صورة البطاقة وتحدد 3 ألوان للعربية.

يا جماعة قصدي تتعاقد مع منصور مش غبور

[shady_elkady]

المهم عملتوا اة ما ابو غالى للناس الى حجزة

[yasmoha]

نفشى اعرف حد استلم من ابو غالى أفيو ولا لسه؟
وايه تفاصيل الإستلام؟

[yasmoha]

بعد ما وعدت من المبيعات فى أبو غالى ان العربيات خلاص جايه الأسبع اللى فات انتظرت وكل يوم اتصل يقولى بكره أو بعده وفى الأخر قالى فى عربيات بضاعة حاضرة اشتريناها من برة لسد رغبات العملاء المستعجلين وهتزيد عليك 3 ألاف جنية عن سعر الحجز ولو عايز تستنى الحجز قدامك 3 أسابيع لما يجى دورك.
للعلم انا حاجز من أول اكتوبر والمفروض حسب كلامهم استلم آخر نوفمبر أو أول ديسمبر.

[yasmoha]

ايه ياجماعة فيه حد اتقاله نفس الكلام ده ولا لأ؟
وايه رأيكم؟
ياريت كل اللى حجز أفيو من أبو غالى يقولنا نتائج تجربته أول بأول.

[hogobingo]

ربنا يطمنك ... اتاريهم بيقولولى ان فى ناس حاجزه من شهر أكتوبر ولسه ماأستلمتش .. اتريك انت بقه اللى بيقولوا عليهم ده أنا كنت فاكرهم بيصبرونى .. انا بقى حاجز من اوخر شهر نوفمبر ومش عجبنى الكلام ده انا بفكر أسحب فلوسى خلاص ونويت أعمل كده فعلا وإتكلمت مع الناس هناك وهما هيرجعولى الفلوس خلاص
ده اذا كان انت فى اول أكتوبر وماسلموكش حاجه امال انا اللى اخر واحد فى اللسته هيعملوا فيه ايه

بس بالرغم من كده أحب أقولك ان الناس محترمه جدا يعنى بالرغم من انى عايز الغى الحجز الا انهم هما ومنصور محترمين جدا وأنا بصراحه مش هستنى كل ده انا هاخد فلوسى وأفكر فى أى حاجه جاهزه

انا امبارح رحت غتكلمت معاهم على التأخير ده وإتكلمت مع أكبر واحد فيهم وانهم ازاى ميعرفوش لحد دلوقت امتى هستلمها وقعدوا يقولولى طيب أختار عربيه غيرها قلتلهم طيب ما انا لو كنت عايز غيرها ما كنت عملت كده من الأول انا أخترت العربيه دى لأنى عايز دى مش غيرها

المهم وفقوا على رد المبلغ بدون كلام كتير وهما برضوا محترمين .. هما قالولى ما دام العربيه غير متوفره يمكننى استرداد قيمه الحجز بالكامل