مساعدة بخصوص اوبترا 2009

[doosha_19263]

السلام عليكم ورحمة الله وبركاتة
انا معايا ابترا 2009 مانيول وكنت عايز اركب كشفات شبورة ولازم طبعا اغير دراع الاشارات واجيب زى اللى فى الاوتوماتك ولا حد ممكن يقولى على مكان ينفع يركب فية مفتاح للشبورة فى التبلوة ويكون شيك

[ahmed643]

هوه انا سالت فى التوكيل قالى ممكن نركبهم على النور الصغير بس دى على ما اعتقد فكره فاشله وخصوصا لو داخل على كمين ولا حاجه وخلى بالك انك تركبهم على ما اعتقد لازم يركب كتاوت للنور بحيث انها تكون مستعده للحمل الزياده ده

فانا انصحك بالتوكيل

ممكن تشتريهم من بره وتغيرهم فى التوكيل
وياريت تبقى تقولى عملت ايه عشان اعمل زيك

[zanativich]

انا كمان عاوز اركب
وكنت سالت مره فى التوكيل قالولى 750 جنيه شامل كل حاجة

[doosha_19263]

هو يا جماعة فى واحد صاحبنا هنا فى المنتدا مركبهم فى العربية وحطط المفتاح بتاعهم جمب المفتاح اللى بيزهى ويبهت نور التبلوه بس مش عارف رأيكم اية وهحاول اجبلكم الصورة وقلولى رأيكم

[doosha_19263]

الصورة اهية قولولى اية رأيكم

[mn3em]

هو الموضوع من زمان شويه بس انا لسه شايفه وحبيت اقول اللي انا عملته في عربيتي يمكن حد يستفيد
انا فعلا كنت سألت عليهم في التوكيل قالي ب 750 ولفيت عليهم في صقر قريش في المعادي لغاية ما لقيتهم عند واحد عنده قطع غيار استيراد وقالي ب 500 جنيه وهما مش عندي دلوقتي قلتله دا كتير وبعدين دول استيراد يعني مستعملين وكدا ... علي اساس ينزل من سعرهم شويه قالي يا باشا ادفع عربون وهجبهملك العصر واتفرج عليهم بصراحه كنت محتار بس قلت دا كده كده في التوكيل ب 750 جنيه جرب ومش هتخسر حاجه والانسان مش بيتعلم ببلاش المهم علشان مطولش عليكم دفعتله 100 جنيه تحت الحساب وخد رقمي ولقيته بيكلمني ويقولي الفوانيس جات :10D5C8~1107: وانا راجع من الشغل عديت عليه وانا ماسك قلبي بإيدي المهم وصلت عنده وبتفرج عليهم لقيتهم زيرو ومفهيهمش غلطه والحمد لله
وبما اني معرفش كهربائي كويس سألت واحد " المفروض انه صاحبي " نصحني بواحد هو يعرفه وشغله كله معاه المهم اتفقنا ورحتله بالليل واخدني ورحنا للكهربائي وهو برضو نفس الصاحب ده كنت قايله يجيبلي لمبات كريستال فيجن , جابهملي معاه والكهربائي بدأ يركبهم وركب كتاوت طبعا وركبلي مفتاح في التبلوه بس انا عربيتي مفيهاش المفتاح بتاع النور المبهر ده وركب الكريستال فيجن وبصراحه نوره حلو ومش بطال أحسن من اللي في العربيه علي الأقل وبيقولوا انه مش مخالف بس طبعا هو مش بقوة الزينون
طيب يا " صاحبي " مصنعية الكهربائي كام قالي اديلو 100 جنيه قلت ياض مش مشكله اديله 100 جنيه _ 100 جنيه علي تركيب فانوسين شبوره و تغيير 6 لمبات ( سهاري و واطي وعالي )
واخدت العربيه ومشيت بقوله طيب بكام الكريستال قالي ب 500 جندي طبعا مفتحتش بؤي ودفعتهملوا زي الباشا وطبعا سألت عليهم لقيت الطقم ب 180 جنيه بس مش متأكد للفانوسين ولا الفانوس الواحد بس بفرض انه الفانوس الواحد ب 180 معني كده ال 2 ب 360
وزي مقلت قبل كده الانسان مش بيتعلم ببلاش لأن الكلام مش هيجيب نتيجه زي ال

[totaman]

مبروك يا باشا

يا سلام بقى لو شوية صور كدة كان هيبقى الموضوع تحفة

منتظرين الصور

[gado2416]

متابع بأهتماااام