أرجو الاهتمام و الرد!!!!!!!!!!!!!

[hh]

اريد سيارة أوتوماتيك في حدود 80 أو بالعافية 85 ألف. يا ريت أعرف تقييمكم لل Aveo2008 FO AT.و يا ترى هي أحسن و لا Hyundai New Accent 2008?أنا ما شوفتش ولا عربية Aveo Automatic في الشارع و لا حد قيمها في المنتديات المختلفة, محدش اشتراها ولا ايه؟؟؟؟؟؟؟؟؟

[eng / AhmeD]

أصلها لسة جديدة لان الاوتوماتك مش نزل غير في الموديل اللي بيتجمع في مصر الجديد يعني
بس كده
انما انا مش عارف عنه حاجة بصراحة كأداء

[hh]

شكرا

شكرا جدا لردك. بس يا ريت لو سمعت أي معلومات عن الAveo اوتوماتيك تقوللي لأني خايفة يكون الموتور سحبه ضعيف مع الاوتوماتيك

[Ahmed Anwer]

كل المعلومات اللي عندي كلمت منصور علي 16424 و سألتهم الأتوماتيك بتاعها هيبقي ضعيف مع ال 1500 Cc
قاللي رد دبلوماسي تفتكر Gm هتعمل عربية مش مدروسة ،، قلتله عادي ما اللانسر و الكورولا ال 1300 ،، الأتوماتيك بتاعهم عليل ،،

معرفش يرد ،، عموما ،، ممكن تسأل في منتدي دايو عن سحب اللانوس ال 1500 Cc كانت بتنزل سنة 99 ،، كقياس

و عموما أفضل النيو إكسنت 1600 ، سيارة حديثة و مطورة بالكامل و جيل جديد من هيونداي ،، و مستوردة بالكامل

و في طريقها للإنتشار بس مش بنفس سرعة إنتشار الأفيو

[hh]

new accent

طيب حضرتك عندك معلومات عن New Accent At من حيث الموتور الاداء و جودة الخامات و التقفيل.أصل برده محدش في منتدى هيونداي رد عليا مع اني وضعت 3 أسئلة.الظاهر ان في اتفاق محدش يردعليا انا بالذات

[Ahmed Anwer]

لأ و الله الناس هنا بتحب تخدم بعض ،،

بس العربيتين إنتشارهم محدود نسبيا ،، فمش عايزين نفتي ،،

الحل الوحيد عليك و علي ريفيوهات الإنترنت ،،

اعمل مقارنة بينهم في WWW.JDPOWER.COM ،، الإثنين ليهم تقييم
أ
أنا هاساعدك النيو اكسنت

http://www.jdpower.com/autos/hyundai/accent/2007/sedan

الأفيو

http://www.jdpower.com/autos/chevrolet/aveo/2007

مع العلم الأفيو عندهم 1600 ، 103 HP
المقارنة بينهم

http://www.jdpower.com/autos/car-comparison/compare.aspx?year=2007&make=Hyundai&model=Accent&JatoModel=ACCENT&body=SA&doors=4&drivenWheels=F&cabType=&fromModel=1

و اعمل SEARCH علي Google , و اقرأ الريفيوهات ،، عليهم

ملحوظة أخيرة ممكن ترخم عليهم و تعمل Test Drive أنا طلبت من منصور كده ،، وقاللوا معندناش حاجة زي كده ،، بس حسيت من كلامهم و صممت ممكن يوافقوا ، و النيو إكسنت ممكن تأجرها يوم من أي مكتب إيجار عشان تطمن لسحبها ،،

[hh]

شكرا

شكرا لاهتمامك

[ahmed1981]

رأيي New accent 2008
صتاعة وتجميع كوري وأوفر في البنزين جداً عن الأفيو وموتورها متطور جداً عن الأفيو

ونصيحتي لك أن تجرب الإثنين وتختار التي ترتاح لها مع أخذ الفروق السابقة في الإعتبار
ولا تنسى صلاة الإستخارة

[أبو عمار]

أغتقد إن الـ New accent أفضل لأكثر من سبب
-محرك أفضل (يكفى إنه 1600 و ذو كامة مزدوجة و جيل محركات أكثر حداثة و تطور )
-شكلها أجمل من الـaveo و دى مسألة أذواق.
- شكلها بناتى اكثر و مش منتشرة

[mohaismail]

من رأيى خليكى فى الافيو اكيد اولا سعرها فى الرينج بتاعك وثانيا والاهم هوه التوكيل المفروض الواحد بيبص على التوكيل قبل ما يبص على العربية وطبعا توكيل المنصور من انضف التوكيلات فى مصر بعكس غبور افشل توكيل فى مصر بدون منازع وبصراحة مش عاوز اقولك كمان انهم حرامية الخلاصة توكلى على الله وهاتى الافيو

[goodwave]

السلام عليكم

إمبارح كنت عند منصور شفرولية وسألتهم عن الافيو الاوتوماتيك وقالولي مش حتتوافر قبل 3 شهور ودة كلا بتأكيد وسعرها 80 الف جنية.

بصراحة اراء كتيرة مش بتحبذ الاوتوماتيك في الكوري وخصوصا الفئة الصغيرة من السيارات مثل الافيو او الاكسنت لكن لو الاوبترا او الالنترا فممكن وكمان الياباني والاوروبي شئ تاني في الاوتوماتيك يعني مضمون اكتر.

شئ اخر وهو إن سحب الافيو المانيوال مش جامد لان ال Hp مش عالي وعن تجربة سحب العربية مش وحش ولكن مش جامد زي سحب الفرنا مثلا فما بالك بالاوتوماتيك؟؟؟؟؟؟

لو مصممة على الاوتوماتيك يبقى خليكي في الاوبترا.

[running_man]

على فكرة سحب الأفيو المانوال أفضل فعلا من الفيرنا ال1500المانوال وده عن تجربة الاثنين لمدة سنتين
برغم أرقام هيونداى الأسطورية

[fahd_628]

رأى الشخصى هيونداى اكسنت 2008

عربية حديثة و محرك قوة 112 حصان فى مقابل 86 للأفيو و على فكرة سحبها حيبقى كويس اوى و كمان الأفيو استهلاكها فى البنزين عالى فى المانيوال فما بالك بالأوتوماتيك

على فكرة الأكسنت محركها تكنولوجيا حديثة جدا Cvvt و موفر اكتر من الأفيو فى البنزين
بس فية مشكله فى الأكسنت غبووووووووووووووووووووووووور

توكيل منصور ارحم بكتييييييييييييييييييييييييير جدا جدا جدا جدا

شوفى انتى اية الى عاجبك و توكلى على الله :)