الحمد لله

[aezzat]

الحمد لله حصلتلى حادثة فى طريق القاهرة - الاسكندرية امبارح بالليل عند قرية الاسد

و الحمد لله طلعنا منها جميعا بالسلامة انا ومراتى واولادى

اما السيارة الافيو فقد حدث فيها الاتى:

كسر الاكصدام الامامى - اعوجاج فى الشداد الايمن - الرفرف الايمن - الفانوس الايمن و العتب الايمن و لا تدور و الكابوت لا يفتح

اخدتها التوكيل و فى انتظار مقايسة الاصلاح

ايه رايكم يا جماعة اصلحها فى التوكيل و لا بره

و التامين حيعمل معايا ايه و خصوصا انى عملت محضر بالواقعة

ارجو الافادة بخبرتكم و و قنا الله شر الحوادث اجمعين

[dark_smoky]

قدر الله و ماشاء فعل .. و حمد لله علي السلامة
رأيي الشخصي انك تصلحها في و رشة تكون تابعة لشركة التأمين اللي حضرتك مأمن فيها و هم اللي هايتحاسبو مع بعض... لأن التوكيل أسعاره هاتبقي في السما و انت اللي هاتحاسبة و تسترد بعد كده من شركة التأمين ( بعد شهور طبعا ) و مليووون في المائة مش هاتاخد اكتر من 50% او 60% من مبلغ التصليح.
ده عن تجارب بعض المقربين.
و في انتظار رأي الاعضاء

[mido]

انا مع الرأى ده

[aezzat]

الحمد لله - قدر الله و ما شاء فعل

الحمد لله حصلتلى حادثة فى طريق القاهرة - الاسكندرية امبارح بالليل عند قرية الاسد

و الحمد لله طلعنا منها جميعا بالسلامة انا ومراتى واولادى

اما السيارة الافيو فقد حدث فيها الاتى:

كسر الاكصدام الامامى - اعوجاج فى الشداد الايمن - الرفرف الايمن - الفانوس الايمن و العتب الايمن و لا تدور و الكابوت لا يفتح

اخدتها التوكيل و فى انتظار مقايسة الاصلاح

ايه رايكم يا جماعة اصلحها فى التوكيل و لا بره

و التامين حيعمل معايا ايه و خصوصا انى عملت محضر بالواقعة

ارجو الافادة بخبرتكم و و قنا الله شر الحوادث اجمعين

[eng.m7md.ali]

لا حول ولا قوة الا بالله
الحمد لله انك انت والاسرة سالمين وفداك العربية

[أحمد كمال]

مادام مأمن صلح في التوكيل

[ahmed643]

فى البدايه الحمد لله على سلامتكو جميعا اما الحديد فيتعوض


وقدر الله وما شاء فعل


اما عن العربيه فالتوكيل اسعاره فى السما والحجات دى هتعدى فى السعر بطريقه عبيطه

وشركه التامين هتدفعلك بعد ما انت تحاسب التوكيل بفتره وغير كده التامين هيعملك نسبه تحمل لو انت هتصلح فى التوكيل وهيدوك اقل من مبلغ الفاتوره بكتيير


انا رايى تعمل العربيه ياما فى مركز تبع شركه التامين بحث ان شركه التامين هيا الى هتحاسب الورشه

او تعملها فى مركز بره يكون شغله كويس واسعاره كويسه وفى الاخر يديك فواتير مختومه تقدمها للتامين

او تعملها بره عند صنيعيه تعرفهم يكون شغلهم كويس وتكون واقف جمب عربيتك وكل حاجه تحت عنيك وفى الاخر تشترى الفاتوره من اى مركز وتقدمها للتامين وانا باييد النقطه دى على الاقل هتكون متابع عربيتك لحظه بلحظه

وربنا يعينك

[د.محمود صلاح]

قدر الله وما شاء فعل , حمدا لله على سلامة الأسرة وكل شيء هين بعد كده

[mimohsen]

حمدالله على السلامه وده الاهم

مشكلة التصليح في التوكيل ان في شركات تامين بتخصم 10 % من الفاتورة غير نسبة التحمل ... انما لو صلحت بره هايبقى مفيش خصم 10 % ... انا لسه كنت في الموال ده من كام يوم

[tigernet]

حمدالله على السلامه

[damasry]

حمدلله على سلامة حضرتك والاسرة والتأمين حسب نوع التأمين، فيه بنسبة تحمل وفيه من غير

[romeo_6887]

صلحها بره التوكيل افضل
بس هي العربيه بتدور ولا لأ ؟

[M.Mostafa80]

حمد الله على السلامه انت واسرتك وهى دى اهم حاجه
حضرتك توديها التوكيل افضل مدام انت مأمن عليها لأنهم هيرجعوهالك زى ما كانت

[د.محمود صلاح]

قدر الله وماشاء فعل , حمدا لله على سلامة الأسرة

[aymansaad]

الحمد لله على السلامة